ម៉េច​បាន​ជា​ខ្ញុំ​កើត​មក​បាន !

​កូន​ក្មេង​ប្រុស​ម្នាក់​បាន​សួរ​ទៅ​ឪពុក​របស់​វា ៖
-​ប៉ា​! តើ​ម៉េច​បាន​ជា​ខ្ញុំ​កើត​មក​បាន​?
​ឪពុក​ឆ្លើយ​ទៅ​កូន​វិញៈ​
-​រឿង​ហ្នឹង​វា​យ៉ាងនេះ​ណា​កូន​! នៅ​ថ្ងៃ​មួយ​កូន​ឯង​នឹង​បានដឹង​ដោយ​ខ្លួនឯង​មិន​ខាន​......​តាមពិតទៅ​រឿង​ដែល​កូន​ឯង​កើត​មក​គឺ​វា​ដូច្នេះ​........
.....​មាន​ថ្ងៃមួយ​នោះ​ម៉ា​ក់កូន​ឯង​នឹង​ប៉ា​បាន​ជួប​គ្នា​តាមរយៈ chat របស់ MSN បន្ទាប់ពីនោះ​មក​ប៉ា​បាន​ណាត់​ជួប​ម៉ា​ក់កូន​ឯង​តាមរយៈ Email ដោយ​ទៅ​ជួប​គ្នា​នៅ Cyber cafe ពេល​កំពុង​ជួប​គ្នា​នោះ ម៉ាក់​និង​ប៉ា​បាន​លួច​ទៅ​ជួប​គ្នា​ក្នុង​បន្ទប់​ស្ងាត់​មួយ ពេល​នោះ​ដែរ ម៉ាក់​កូន​ឯង​ព្រម download ពី hard drive របស់​ប៉ា ភ្លាមៗ បន្ទាប់ពីរ​ប៉ាព្រ​ប upload ឲ្យ​ម៉ា​ក់កូន​ឯង ទើប​ប៉ា​និង​ម៉ា​កកូន​ឯង​ដឹងថា មិនបាន​ប្រើ firewall តែ​វា​យឺត​ពេល​ទៅហើយ ព្រោះ​ម៉ា​ក់កូន​ឯង​បាន download យក file ដែល​ប៉ា​បាន  upload ឲ្យទៅ​នោះ​បាត់ទៅហើយ វា​យឺត​ពេល​និង​ចុច cancel button ផង ប៉ា​និង​ម៉ាក់​កូន​ឯង​ក៏​សុខចិត្ត​បណ្តោយ​ឲ្យ​វា​ទៅ​តាម​នោះ​ទៅ ។ ៩ ខែ​ក្រោយ​មក​មាន pop up មួយ​ចេញ​មក​មាន​ពាក្យ​ថាៈ​
-​ប៉ា និង​ម៉ា​ក់បាន Male មួយ គឺ​រូប​កូន​ឯង​នេះហើយ ......!!!​

ជើង​ខ្លាំង​

​បុរស​ម្នា​ក់បាន​ជិះ​រថយន្ត​របស់ខ្លួន​ចូលក្នុង​កន្លែង​ផឹកស៊ី​មួយ ដោយ​មិនបាន​ដឹងថា ទីនោះ​គឺជា​កន្លែង​ដែល​សម្បូរ​ណ៍​ចោរលួច​នោះឡើយ​។​
​    ​បន្ទាប់ពី​ផឹក​រួច ចេញ​មកដល់​ខាងក្រៅ ស្រាប់តែ​បាត់​រថយន្ត​មិនដឹង​ជា​អ្នកណា​លួច​បាត់ ខឹង​ណាស់ បុរស​រូបនោះ​ដើរចូល​ទៅក្នុង​ហាង​ផឹកស៊ី​វិញ រួច​ស្រែក​សន្ធាប់ ព្រមទាំង​កាំភ្លើងខ្លី​ពី​ក្នុង​អាវ​បាញ់​ឡើងលើ​ចំនួន​មួយ​គ្រាប់ :
​    ​- អ្នកណា​លួច​ឡាន​អញ​! ឆាប់​យកមក​វិញ​ភ្លាម កុំ​ឲ្យ​អញ​ខឹង​ទាន់​! អញ​មិន​ចង់​ធ្វើ​ខ្លាំង​ដូច​កាល​នៅ​ភ្នំពេញ​ទេ ហើយក៏​មិន​ចង់​ធ្វើ​ខ្លាំង​នៅទីនេះ​ដែរ ឥឡូវនេះ​អញ​ផឹក​ប៊ីយែរ​មួយ​កំ​ប៉ុន​ង​ទៀត បើ​អស់​ប៊ីយែរ​នេះហើយ​នៅ​តេ​មិនឃើញ​ឡាន​នោះ​ត្រឡប់មកវិញ​ទេ កុំ​ថា​អញ​មិនចេះ​ត្រា​ប្រណី​ឲ្យ​សោះ​!
​    ​បន្ទាប់ពី​ផឹក​អស់​ប៊ីយែរ​មួយ​កំប៉ុង បុរស​ជើង​ខ្លាំង​រូបនោះ​ចេញមក​ខាងក្រៅ​ហាង ស្រាប់តែ​ឃើញ​ឡាន​វិញ​។ ហៀបនឹង​ចេញទៅ​វិញ​ហើយ ស្រាប់តែ​អ្នកលក់​ម្នាក់​នៅក្នុង​ហាង​ស្រែកសួរ​បុរស​នោះ :
​    ​- កាល​នៅ​ភ្នំពេញ ពេល​មានរឿង​បែបនេះ​លោក​ធ្វើ​យ៉ាងម៉េច​ទៅ​?
​    ​បុរស​ជើង​ខ្លាំង​ឆ្លើយ​វិញ :
​    ​- កាលណោះ​ខ្ញុំ​ជិះ​ម៉ូតូឌុប​ទៅផ្ទះ​វិញ​!​

​1 2 3 ..4

​បន្ទាប់ពី​រៀបការ​បាន​មិន​ប៉ុន្មាន​ឆ្នាំ​ផុត បុរស​ជា​ប្តី​បាន​ធ្លាក់ចូល​ក្នុង​ក្តី​អស់សង្ឃឹម ព្រោះតែ​មិនអាច​ឲ្យ​អា​អូន​តូច​វា​ងើបឡើង​ធ្វើការ​បាន​ដូច​សព្វដង​។ ព្រួយចិត្ត​ណាស់ បុរស​ជា​ប្តី​រូប​នោះបាន​លួច​ទៅ​ពី​គ្រោះ​ជាមួយ​គ្រូពេទ្យ​ឯកទេស​ខាង​ព្យាបាល​បុរស​អសមត្ថភាព​។ នៅក្នុង​បន្ទប់​ពិគ្រោះ​ជម្ងឺ :
​គ្រូពេទ្យ : ខ្ញុំ​បានដឹង​ពី​មូលហេតុ​របស់លោក​ហើយ បញ្ហា​បែបនេះ ខ្ញុំ​មិនអាច​ជួយ​បានទេ​! លោក​ចាំបាច់​ត្រូវ​ពឹង​ទៅលើ​មន្តអាគម​ហើយ ទើប​អាចជួយ​ដោះស្រាយ​បញ្ហា​នេះ​បាន​! សូម​លោក​ទៅ​ជួប​ជាមួយ​គ្រូមន្តអាគម​ចុះ​ប្រហែលជា​អាចមាន​សង្ឃឹម​ខ្លះ​។​
​    ​បុរស​ជា​ប្តី​ក៏​ប្រញាប់​រួសរាន់​ទៅ​ជួប​ជាមួយ​ស្ត្រី​ម្នាក់​ជា​គ្រូមន្តអាគម :
​គ្រូ​ស្រី : ខ្ញុំ​អាចជួយ​លោក​បាន​! អ្វីដែល​លោក​ត្រូវធ្វើ​នោះ គឺ​រាប់ ១ ២ ៣ មុន​លោក​ចាប់ផ្តើម​វា​!
​បុរស : ចុះ​ពេលដែល​ខ្ញុំ​ចង់​ឲ្យ​វាទ​ន់​ចុះមក​វិញ តើ​ធ្វើ​ម៉េច​?
​គ្រូ​ស្រី : លោក ឬ​ប្រពន្ធ​លោក​គ្រាន់តែ​និយាយ​ពាក្យ​ថា ១ ២ ៣ ..៤ នោះ​វា​នឹង​ទន់​មកវិញ​មិន​ខាន តែត្រូវ​ប្រយ័ត្ន​ផង ព្រោះ​បើសិនជា​វា​ឡើង​ហើយ តែ​លោក ឬ​ប្រពន្ធ​លោក​និយាយថា ១ ២ ៣ ..៤ ភ្លាម​ បន្ទាប់ពីនោះ លោក​ត្រូវ​រង់ចាំ​មួយឆ្នាំ​ទៀត ទើប​អាច​ប្រើការ​វិញ​បាន​!
​    ​ទៅដល់​ផ្ទះ​ភ្លាម មិន​បង្អង់​យូរ បុរស​នោះ​ប្រញាប់ប្រញាល់​ដឹក​ដៃ​ប្រពន្ធ​ឡើងលើ​គ្រែ រួច​និយាយ​ពាក្យ​ថា ១ ២ ៣ ភ្លាមនោះ​អា​អូន​តូច​ងើបឡើង​ភ្លាម​។ ភរិយា​របស់​បុរស​នោះ​ឆ្ងល់​ណាស់ បាន​សួរ​ទៅ​ប្តី​វិញ :
​    ​- បង ! បង​ឯង​និយាយ ១ ២ ៣ ..៤ ដើម្បី​អី​!​

ជួយ​ព្រួយ​ពី​រឿង​លុយ​

​បុរស​ម្នាក់​ដែល​ទើប​បញ្ចប់​ការសិក្សា​ផ្នែក​គណនេយ្យ បានដាក់​ពាក្យសុំ​ចូលធ្វើ​ការ​ក្នុង​ក្រុមហ៊ុន​តូច​មួយ ដែល​បានប្រកាស​រើស​បុគ្គលិក​តាម​កាសែត​។​
​    ​នៅ​ថ្ងៃ​ចូលទៅ​សម្ភាសន៍​យុវជន​នេះ​បាន​ជួប​ផ្ទាល់​ជាមួយ​ម្ចាស់​ក្រុមហ៊ុន ដែលជា​អ្នក​សម្ភាសន៍​ផ្ទាល់​តែម្តង :
​    ​ម្ចាស់​ក្រុមហ៊ុន : ខ្ញុំ​ត្រូវការ​អ្នក​ពូកែ​ខាង​គណនេយ្យ​ម្នាក់ ដែល​អាចជួយ​រំលែក​បញ្ហា​លុយកាក់​របស់​ក្រុមហ៊ុន​ខ្ញុំ​។​
​    ​អ្នកដាក់ពាក្យ : បញ្ហា​គណនេយ្យ​! ខ្ញុំ​អាច​ដោះស្រាយបាន​ទាំងស្រុង​។​
​    ​ម្ចាស់​ក្រុមហ៊ុន : ល្អ​! ខ្ញុំ​មានបំណង​ផ្ទេរ​ការព្រួយបារម្ភ​ពី​រឿង​លុយកាក់​នេះ ជូនទៅ​លោក​ជា​អ្នកដោះស្រាយ​ឲ្យ​ខ្ញុំ ដើម្បី​ឲ្យ​ខ្ញុំ​បាន​ធូរស្រាល​ក្នុង​ចិត្ត​ខ្លះ​! បើ​លោក​អាចធ្វើ​ការ ខ្ញុំ​ជូន​ប្រាក់ខែ​លោក​ក្នុង ១​ខែ ៧៥០០០​ដុល្លារ​!
​    ​អ្នកដាក់ពាក្យ : យី​! លោក​ប្រាក់ខែ​នេះ​ច្រើនណាស់​សម្រាប់​ខ្ញុំ ប៉ុន្តែ​ក្រុមហ៊ុន​លោក​តូច​មួយ​បែបនេះ​ធ្វើ​ម៉េច​អាច​ផ្តល់​ប្រាក់ខែ​ឲ្យ​ខ្ញុំ​បាន​ច្រើន​បែបនេះ​ទៅ​កើ​តទៅ​!
​    ​ម្ចាស់​ក្រុមហ៊ុន : នេះហើយ​ជាការ​ព្រួយបារម្ភ ដែល​ខ្ញុំ​ត្រូវ​ផ្ទេរ​ឲ្យ​លោក​ជា​អ្នកដោះស្រាយ​! ព្រោះ​ខ្ញុំ​បារម្ភ​រឿងនេះ​ច្រើនជាងគេ បើ​លោក​ដោះស្រាយ​បានជា​រឿង​ល្អ​ណាស់​!
​    ​អ្នកដាក់ពាក្យ : ....????​

​តើ​បង​ជាទី​មួយ​

​ព្រះ​ច័ន្ទ​ចោល​រស្មី​ព្រិចៗ​ឆ្លុះ​ចូលក្នុង​ទឹក​បឹង​គួរ​ឲ្យ​គយគន់ លាយឡំ​ជាមួយ​ជំនោរ​រាត្រី ដែល​កំពុង​អង្រន់​ទង​ស្មៅ​ឲ្យ​រេ​រាំ​តាម​ខ្យល់ជំនោរ អមដោយ​សម្លេង​សត្វ​បន្ទរ​តាម​ឥត​ដាច់ បង្កើតបានជា​សម្រស់​រា​ត្រី​មួយ​យ៉ាង​ត្រកាល តែ​ទាំងអស់នេះ វា​មិន​ផ្អែមល្ហែម​ជាង​គូស្នេហ៍​ក្មេងខ្ចី​មួយគូ ដែល​កំពុង​ផ្តោះផ្តង​ស្នេហា​គ្នា​នៅក្រោម​ដើមឈើ​ធំ​មួយ​ដើម​ប្រប​មាត់បឹង​នោះ​។​
​    ​ក​ម្លោះ​យើង​ខំ​ពត់​សម្លេង​ឲ្យ​ទន់​សួរ​ទៅ​ស្រី​ស្នេហ៍​សំណ​ប់​ចិត្ត :
​    ​- បណ្តូលចិត្ត​បង​! បង​ពិតជា​បុរស​ដែលមាន​សំណាង​បំផុត​ក្នុង​លោក​នេះ ដេ​ល​មាន​វាសនា​បាន​រូប​កាយ​អូន​...! ឈប់​បន្តិច ទើប​ក​ម្លោះ​យើង​បន្តទៀត​។​
​    ​- អូន​អាច​ប្រាប់​បង​បានទេ​ថា តើ​បង​នេះ​! ពិតជា​បុរស​កំពូល​ស្នេហ៍​ទីមួយ​របស់​អូន​មែនៗ​ឬ​យ៉ាងណា​?
​    ​ស្រី​ស្អាត​រកបាន​គ​គោក​ក្នុង​លោក មិនមែន​មានតែ​មួយ ឆ្លើយ​ដោយ​សម្លេង​ទន់ភ្លន់​តប​វិញ :
​    ​- ពិតណាស់​! បង​សម្លាញ់​! បង​មិន​ត្រឹមតែ​ជា​កំពូល​ដួងចិត្ត​របស់​អូន​ទីមួយ​ប៉ុណ្ណោះ​ទេ ប៉ុន្តែ​ជា​ប្រុស​ដែល​អូន​ស្រឡាញ់​គ្មាន​ថ្ងៃ​ណា​ភ្លេច​បានឡើយ​! តែ​អូន​មិន​យល់​សោះ​ថា ហេតុអ្វី​បានជា​ប្រុសៗ​ពេល​បាន​នៅក្បែរ​អូន​ចូលចិត្ត​សួរ​សំនួរ​ឆ្កួតៗ​បែបនេះ​ដាក់​អូន​នោះ​! បង​ដឹង​ទេ​?​

ដាក់​កណ្តឹងគោ​ក្នុង​បាល់​

​លោកគ្រូ​ប្រចាំ​សាលា​ក្មេង​ពិការភ្នែក បាន​រៀបចំ​នាំយក​សិស្ស​ពិការ​ភ្នែក​មួយក្រុម​ដែល​មាន​ជំនាញ​​យ៉ាង​ពិសេស​អាច​លែង​បាល់ទាត់​បាន​យ៉ាង​ល្អ ទៅ​ប្រកួត​ជាមួយ​សាលារៀន​មួយទៀត នៅ​ក្រៅ​ក្រុង​។
​នៅតាម​ផ្លូវ​ធ្វើ​ដំណើរ​លោកគ្រូ​បាន​ឲ្យ​រថយន្ត​ដឹក​ក្រុមសិស្ស​ពិការភ្នែក​ឈប់​សម្រាក់​នៅ​ទី​ក្បែរ​ទីវាល​ក្បែរ​ផ្ទះ​អ្នកចំការ​មួយ​។ នៅ​ខណៈ​ក្មេងៗ​នាំគ្នា​រត់​លេង​បាល់​លោកគ្រូ​រូប​នោះ​ឆ្លៀត​យកពេល​ជជែក លេង​ជាមួយ​អ្នកភូមិ​រស់នៅ​ទីនោះ ។ អ្នក​ភូមិ​ម្នាក់​បាន​សួរ​ទៅ​លោកគ្រូ​៖
- លោកគ្រូ​! ខ្ញុំ​មើល​ទៅ​កូនសិស្ស​ទាំងនោះ ឃើញ​ដូចជា​ពួកគេ​ពិការ​ភ្នែក​រូ​ច​ចុះ​ពួកគេ​អាច លេង​បាល់​បាន​យ៉ាងម៉េច​ទៅ​កើត​!
​លោកគ្រូ​របស់​សិស្សិ​ពិការ​ភ្នែក​ព្យ​យាម​ពន្យល់ៈ​
- ពីដំបូង​ខ្ញុំ​គិតថា​វា​ពិបាក​ដែរ ប៉ុន្តែរ បន្ទាប់​ពី​ស្រាវជ្រាវ​សាកល្បង​អស់​ជា​ច្រើនលើក​ច្រើនសារ យើង​ក៏​បាន​សម្រេចចិត្ត​បង្កប់​កណ្តឹងគោ​នៅក្នុង​បាល់ ដូច្នេះ​ពួកគេ​ដឹង​ថា​បាល់​នៅទីណា ក្រោយមក​​ពួកគេ​ក៏​អាច​លេង​បាល់ និង​ទាត់​បាន​យ៉ាង​ល្អ​!
​អ្នកភូមិ​
- យីរ​! ចំ​ជា​ឆ្លាត់​មែន ចេះ​រក​នឹកឃើញ !
​កំពុងតែ​ជជែក​គ្នា​លេង​ស្រាប់តែ​មាន​អ្នកភូមិ​ម្នាក់​ទៀត​ស្រែក​ចេញ​មក​តាម​បង្អួច​៖
-​លោកគ្រូ ! លោកគ្រូ​! គួរ​ហៅ​ពួកគេ​(​សិស្ស​)​ត្រឡប់​មក​វិញ​ភ្លាម​មក​!
លោកគ្រូ​តប​វិញៈ​
-​ទុក​ឲ្យ​ពួក​គេ​លេង​បន្តិច​សិន​ទៅ !
​អ្នកភូមិ​រូបនោះ ឆ្លើយតប​វិញ​ទាំង​កំហឹងៈ​
-​បើ​លោកគ្រូ​មិនឆាប់​ហៅ​ពួកគេ​ត្រឡប់​មក​វិញ​ទេ មេគោ​ខ្ញុំ​ច្បាស់​ជា​ស្លាប់​មិន​ខាន​!
​ហេតុ​អ្វី​ទៅៈ​
​អ្នកភូមិ​
-​ពួក​សិស្ស​ទាំងនោះ​ឮ​កណ្តឹង​មេគោ​ខ្ញុំ​ទៅ​ដល់​ណា​ពួកគេ​ទៅ​ដល់​នោះដែរ ទាត់​មេគោ​ខ្ញុំ​ឡើង​ទក់​សាច់​ហើយ .....! ។​

តើ​ប្រពន្ធ​ជា​អ្នក​ត្រួត​ប្តី​

​"​ទីប្រឹក្សា​ជម្លោះ​"

​បន្ទាប់ពី​រៀបការ​ហើយ​បាន​ចំនួន​ត្រឹមតែ​ប៉ុន្មាន​ឆ្នាំ​ប៉ុណ្ណោះ ប្តី​ប្រពន្ធ​មួយគូរ​បានសម្រេច​ចិត្ត​ថា ត្រូវតែ​រក​អ្នក​ជួយ​ដោះស្រាយ​បញ្ហា​វិវាទ​រវាង​ពួកគេ​ទាំងពីរ​នាក់ ព្រោះតែ​ការនិយាយ​មិន​ចូល​ខ្ទុង​គ្នា ។​
​អត់​ទាន់​ចប់​

"​ផ្លែឈើ​ស្លាប់​រស់​''

​មាន​ថ្ងៃមួយ​បុរស​បីនាក់​បាន​ជួបគ្នា​នៅក្នុង​ព្រៃ អ្នក​ទាំងបី​សឹង​ជា​អ្នក​ចូលចិត្ត​ដើរ​កំសាន្ត​តាម​ព្រៃ ដើម្បី​បានឃើញ​អ្វីៗ​ប្លែក​ពីអ្វី ដែ​ល​មាននៅ​ក្នុង​ក្រុង ។ បន្ទាប់ពី​បាន​ជួបគ្នា បុរស​ទាំងបី​បាន​ព្រមព្រៀង​រួម​ដំណើរ​ជាមួយគ្នា មិនយូរប៉ុន្មាន​ពួកគេ​បាន​ជួប​ជាមួយ​មនុស្ស​រស់នៅក្នុង​ព្រៃ​មួយក្រុម​ធំ ពួក​មនុស្ស​ព្រៃ​ទាំង​នោះបាន​វាយ​ឲ្យ​សន្លប់​បុរស​ទាំងបី​រួច​នាំយក​ទៅកាន់​មូលដ្ឋាន​របស់​ពួកគេ ។​
​បន្ទាប់ពី​ពួក​បុរស​ទាំងបី​ដឹងខ្លួន​វិញ​ពួកគេ​បាន​ស្ថិត​....​ជាស្រេច​នៅ​ចំពោះមុខ​មេកន្ទ្រាញ​របស់​ពួក​មនុ​ស្សព្រៃ ។​
​ភ្លាមនោះ​មេកន្ទ្រាញ​រូបនោះ​បាន​ប្រាប់បុរស​ទាំងបី​:
-​បើ​ពួកអ្នកឯង​រៀងៗ​ខ្លួន​អាច​រក​ផ្លែឈើ​បាន​ចំនួន ១០​ផ្លែ រួច​នាំយក​វា​ត្រឡប់មកវិញ​នោះ​ជីវិត​ពួកអ្នកឯង​ប្រហែលជា​អាច​នៅរស់​ទៅមុខទៀត ។​
​បន្ទាប់​ពីមួយ​រយះពេល​កន្លងទៅ បុរស​ទីមួយ​បាន​ត្រឡប់មក​មុនគេ​ជាមួយ​ផ្លែ​ក្រសាំង​ចំនួន ១០​ផ្លែ ភ្លាមនោះ​មេកន្ទ្រាញ​បាន​បញ្ជា​ឲ្យ​បុរស​នោះ​ដាក់​ផ្លែ​ក្រសាំង​ទាំង ១០ ចូល​តាម​រន្ធ​គូថ​ដោយ​មិន​ឲ្យ​បង្ហាញ​ទឹកមុខ​ប្លែក​ពី​ធម្មតា​ឡើយ គឺ​គ្មាន​យំ ស្រែក ឬ​សើច​អ្វី​ទាំងអស់ !
​ជាដំបូង​បុរស​ទីមួយ​មានការ​ពិ​កបាក​ខ្លាំង​ដើម្បី​ដាក់​ក្រសាំង​ចូល​តែ​វា​បាន​ទៅ​ផុត​ដល់​ផ្លែ​ក្រសាំង​ទី​ពីរ បុរស​ទីមួយ​នេះ​ទ្រាំ​មិនបាន​ក៏​ស្រែក​ចេញ​សំ​សំដែង​នូវ​ការឈឺចាប់ ភ្លាមនោះ​បុរស​នេះ​ត្រូវបាន​គេ​យកទៅ​សម្លាប់ចោល ។​
​បន្ទាប់ពីនោះ​បន្តិច​បុរស​ទី​ពីរបាន​មកដល់​ជាមួយ​ផ្លែ​ពុទ្រា​ចំនួន ១០​ផ្លែ មេកន្ទ្រាញ​ក៏បាន​បញ្ជារ​ឲ្យ​បុរស​រូបនេះ​ធ្វើ​ដូច​បុរស​ទីមួយ​ដែរ បន្ទាប់ពី​ផ្លែ​ពុទ្រា​ដាក់ចូល​បាន ៩​ផ្លែ​ហើយ​នោះ ស្រាប់តែ​បុរស​នេះ​ផ្ទុះសំណើច​ដោយ​ឯកឯង​ទប់​មិន​ជាប់ បុរស​ទី​ពីរ​ក៏មាន​វាសនា​ដូច​បុរស​ទីមួយ​ដែរ គឺ​ត្រូវគេ​យកទៅ​សម្លាប់ចោល ។​
​បន្ទាប់ពី​ត្រូវស្លាប់​បុរស​ទាំង​ពីររូប​បាន​ជួបគ្នា​នៅឯ​ឋាន​សួ​គ៍​បុរស​ទីមួយ​បាន​សួរ​ទៅ​បុរស​ទី​ពីរ​:
-​ហេតុអ្វី​បានជា​លោក​ឯង​សើច វា​នៅសល់តែ​ផ្លែ​ពុទ្រា​មួយ​គ្រាប់​ទៀត​សោះ លោក​ឯង​នឹង​ត្រូវបាន​គេ​លែង​ទៅហើយ !
​បុរស​ទី​ពីរ​តប​វិញ​
-​បើ​មិន​ឲ្យ​ខ្ញុំ​សើច​យ៉ាងម៉េច បើ​ពេលដែល​ខ្ញុំ​កំពុងតែ​ហៀ​បដា​ក់​ផ្លែ​ពុទ្រា​ទី​១០​នោះ​ចូល​ទៅហើយ តែ​ជួន​ជា​ក្រឡេកឃើញ​បុរស​ទី​៣ ត្រឡប់មកវិញ​ជាមួយ​ផ្លែ​ម្នាស់ ១០​ផ្លែ​ឯណោះ​នោះ​...!!!

"​រឹង​ដូច​ថ្ម​"

​ឪពុក​របស់​ក្មេងប្រុស​ម្នាក់​ទើប​ត្រឡប់​មកពី​ធ្វើការ​និង​បាន​សួរ​ទៅ​ប្រពន្ធ​របស់គាត់រ​ក កូន​ប្រុស​តាម​ទម្លាប់​របស់គាត់ :
​    ​- ម៉ែ​វា​! កូន​យើង​ទៅណា​បាត់​ហើយ​
​    ​- វា​នៅ​ខាងក្រោយ​ផ្ទះ​ឯណោះ​! ប្រពន្ធ​ឆ្លើយតប​វិញ​
​    ​មិន​បង្អង់​យូរ​គាត់​ក៏​ដើរទៅ​ខាងក្រោយ​ផ្ទះ ពេល​ហៀ​ប​ទៅជិត​ដល់​ក៏​ឮសូរ​សម្លេង​ដំ​ប៉ូ​កៗ​.....
​    ​បុរស​ជា​ឪពុក​ក៏​សួរ​ទៅ​កូន​
​    ​- កូន​ឯង​ម៉េច​យក​ដែកគោល​ទៅ​ដំ​លើ​ជញ្ជាំង​អី​ញ្ជឹ​ង​?
​    ​ក្មេងប្រុស​ឆ្លើយ​វិញ​
​    ​- អត់​ទេ​ប៉ា​! តាមពិត​ខ្ញុំ​បាន​យកសារ​ធាតុគីមី​ស្រាវជ្រាវ​ឃើញ​ពីសា​លាមក​ដាក់​លើ​ជន្លេន​ស្រាប់តែវា​ក្លាយជា​រឹង​ដូច​ថ្ម ខ្ញុំ​ក៏​យក​វា​ទៅ​ដំ​សាកមើល​! គិត​មួយសន្ទុះ​បុរស​ជា​ឪពុក​ប្រាប់​ទៅ​កូនប្រុស​គាត់​វិញ :
​    ​- កូន​ឯង​អាច​ឲ្យ​វា​មក​ប៉ា​បានទេ ចាំ​ប៉ា​ទិញ​ឡាន​វ៉ុល​វ៉ា​ហ្គែ​ន​ថ្មី​ឲ្យ​មួយ​!
​    ​- ខ្ញុំ​អាច​ឲ្យ​ប៉ា​បាន​មិន​អី​ទេ​......!
​    ​ស្អែក​ឡើង​ក្មេងប្រុស​រូតរះ​ទៅ​រោង​ចត​ឡាន​ដើម្បី​រកមើល​ឡាន​ថ្មី​របស់​វា​តែ​មិនឃើញ បែរជា​ឃើញ​បែរ​ស៊ឺ​ដេ​ស​មួយ​ថ្មី​ទៅវិញ វា​ក៏​សួរ​ទៅ​ឪពុក​របស់​វា :
​    ​កូន   : ប៉ា​! ឯណា​ឡាន​ខ្ញុំ​
​    ​ឪពុក : អូ​!​ឡាន​កូន​ឯង​នៅខាងមុខ​ឡាន​នេះ​
​    ​កូន   : ចុះ​ឡាន​បែរ​ស៊ឺ​ដេ​ស​នេះ​របស់​អ្នកណា​?
​    ​ឪពុក : អា​បែរ​ស៊ឺ​ដេ​ស​នេះ ម៉ាក់​កូន​ឯង​ទើប​ទិញ​ឲ្យ​ប៉ា​ជា​រង្វាន់​ណា៎​!
​    ​    ​(​គិត​មើល​បន្តិច​យល់​ហើយ​)​

​សំណើច "​កម្តៅ​ពី​ធម្មជាតិ​ ក្នុង​រដូវ​ត្រជាក់​"

​នៅ​ប្រទេស​លោកខាងលិច គេ​បាន​ចាត់ទុកថា​រដូវក្តៅ​គឺជា​ពេលវេលា​មួយ​ដ៏​ស្រស់ ស្រាយ​បំផុត​សម្រាប់​ជីវិត ព្រោះ​នៅពេល​រដូវក្តៅ​ចូល​មកដល់​ភ្លាមគ្រប់​សកម្មភាព​ទាំងអស់​ហាក់ដូចជា​រស់​រវើក​ជាង​នៅក្នុង​រដូវ​ត្រជាក់​ដែលមាន​ភាពស្ងាត់ជ្រងំ សឹង​គ្មាន​មនុស្ស​ដើរ​នៅតាម​ដងផ្លូវ​។​
​    ​ដោយសារ​ហេតុផល​នៃ​ភាព​ត្រជាក់​ក្នុង​រដូវ​ធ្លាក់​ព្រិល​ធ្វើ​ឲ្យ​ពួកគេ​ភាគច្រើន​ស្ថិត​នៅ តែ​ក្នុងផ្ទះ អង្គុយ​មើល​ទូរទស្សន៍ ព្រោះ​ពុំ​ដឹងថា​ទៅណា​។ អ្នកមាន​ប្រាក់កាស​គេ​ចេញ ទៅ​កម្សាន្ត​នៅ​ប្រទេសក្រៅ​ដែលមាន​អាកាសធាតុ​ក្តៅ ​ដូចជា​នៅ​អាស៊ី​យើង​ជាដើម ប៉ុន្តែ​សម្រាប់​អ្នក​ដែល​មិនមាន​លុយកាក់ ​ជាប់​នៅតែ​ក្នុងផ្ទះ​ ការមើល​ទូរទស្សន៍​បំបាត់​ភាព​អផ្សុក​បានក្លាយ​ទៅជា​ទម្លាប់​របស់គេ​ទៅហើយ​។​
​    ​ឯ​ក្រុមហ៊ុន​ដែល​ផលិត​កម្មវិធី​សម្រាប់​ទូរទស្សន៍​ក៏​មិន​ភ្លេច​រក​វិធី​បង្កើត​កម្តៅ​ឲ្យ​អ្នក​ដែល​មិន​បានចេញ​ទៅណា​នោះដែរ មើលចុះ​សូម្បីតែ​អ្នក​ផ្សាយ​ពី​ព័ត៌មាន​អាកាសធាតុ​ប្រចាំថ្ងៃ ក៏​ខំប្រឹង​ឆ្លៀត​ជួយ​បង្កើន​កម្តៅ​ឲ្យ​ដល់​អ្នកមើល​ដែរ បើ​បាន​មើល​យូរ​ប៉ុន្មាន​ក៏​កើន​កម្តៅ​ចេញពី​ក្នុង​ខ្លួន​ច្រើន​ប៉ុន​នោះ ហើយ​បើ​មិន​មើល​ក៏​មិនកើត​ព្រោះ​ជា​កម្មវិធី​សំខាន់ និយាយប្រាប់​ពី​អាកាសធាតុ​ដែល​ពលរដ្ឋ​នៅ​លោកខាងលិច​ចូលចិត្ត​តាមដាន​ជាងគេ ព្រោះ​វា "​សំខាន់​ណាស់​" មិនអាច​រំលង​កម្មវិធី​នេះ​ចោល​បានឡើយ​។​
​    ​នៅលើ​អេក្រង់​ទូរទស្សន៍​បាន​បង្ហាញថា ​អាកាសធាតុ​ត្រជាក់​ធ្លាក់​មក​នៅត្រឹម ១៥ ដឺ​ក្រេ តែ​អ្នកមើល​វិញ​អាចមាន​កម្តៅ​ភាយ​ចេញពី​ក្នុង​ខ្លួន​មក​ខ្ពស់ជាង​នេះ ហើយ​សូម​អរគុណ​ផងដែរ​ដល់​កម្មវិធី​ផ្សាយ​ពី​អាកាសធាតុ​ដែល​បាន​ជួយ​រក​វិធី​បង្កើន​កម្តៅ​ឲ្យ​ដល់​អ្នកមើល ដោយ​មិនចាំបាច់​ចំណាយ​ប្រាក់​ទិញ​ម៉ាស៊ីនកម្តៅ​ដាក់​ផ្ទះ​៕​

​សំណើច "​បើក​តាម​ល្បឿន​លេខ​ផ្លូវ​"

​ប៉ូលិស​មួយរូប​បាន​បញ្ឈប់រថយន្ត​មួយគ្រឿង​ដែល​បើកបរ​ក្នុង​ល្បឿន ២០ Km ក្នុង​មួយ​ម៉ោង​នៅលើ Highway លេខ ២០​។ បន្ទាប់ពី​រថយន្ត​ត្រូវបាន​បញ្ឈប់​គាត់​ឃើញ​អ្នក​នៅក្នុង​រថយន្ត​សឹង​ជាម​នុស្ស​តឿ​ទាំងអស់​។​
​    ​ប៉ូលិស :​         អ្នកស្រី​បើក​ក្នុង​ល្បឿន​ត្រឹមតែ ២០ Km ក្នុង​មួយ​ម៉ោង​នៅលើ​ផ្លូវ Highway.....!
​    ​ស្ត្រី​អ្នកបើកបរ : ខ្ញុំ​បាន​បើក​តាម​ផ្លាកសញ្ញា​យ៉ាង​ត្រឹមត្រូវ​, លោក​មើលទៅ​ចុះ​ន៎ោះ (​ស្ត្រី​អ្នកបើក​ចង្អុល​ទៅ​ផ្លាក​មួយ​) ផ្លាក​នោះ​ហើយ !
​    ​ប៉ូលិស :​         មិនមែន​ទេ​អ្នកស្រី នោះ​គឺជា​លេខ​ផ្លូវ មិនមែន​ផ្លាក​ល្បឿន​ឲ្យ​បើកបរ​ទេ ! អ្នកស្រី​ច្រឡំ​ហើយ !
​    ​បន្ទាប់ពី​បាន​សូមទោស​ភ្នាក់ងារ​ប៉ូលិស​រួច​ស្ត្រី​អ្នកបើក​បរបាន​ចូលក្នុង​ឡាន​វិញ តែ​ចៃដន្យ​ប៉ូលិស​ក្រឡេក​មើលទៅ​អ្នក​នៅក្នុង​ឡាន​ផ្នែក​ខាងក្រោយ ឃើញ​ពួកគេ​ហាក់ដូចជា​ភិតភ័យ​ខ្លាំង ប៉ូលិស​ក៏​សួរ :
​    ​ប៉ូលិស :​          ហេតុ​ម៉េច ! បានជា​អ្នក​ទាំងនោះ​ភ័យ​ខ្លាំង​ម្ល៉េះ​?
​    ​ស្ត្រី​អ្នកបើកបរ :  ពួកគេ​មិន​អី​ទេ លោក​ប៉ូលិស ! ពួកយើង​ទើប​បើក​ចេញ​មកពី​ផ្លូវ​លេខ ១៥៥ មុននេះ​បន្តិច​.......
​    ​ប៉ូលិស : ...................!!!​