loading
- សិល្ប:កម្សាន្ត
- ភ្ជាប់និស្ស័យនឹងតារា
- តន្ត្រី ចម្រៀង
- កំណាព្យ
- រឿងកំប្លែងខ្លី/រូបត្លុក
- រឿងព្រេងនិទាន
- ល្បែង
- រូបភាពប្លែកៗ
- គំនូរជីវចល
រំដួលដងស្ទឹងសង្កែ
បទភ្លេងទំនុកច្រៀង សម្រួលតន្ត្រី ច្រៀងដោយ
គង្គ ប៊ុនឈឿន ម៊ែរ ប៊ុន ស៊ីន ស៊ីសាមុត
១- មហាសង្ក្រាន ច្រានឆ្នាំមួយទៅ
ទ្រូងសែនហ្មងសៅ នឹកព្រួយក្រែងពៅ ឆាប់ភ្លេចរឿងដើម
រឿងបាត់ដំបង ចងទងដង្ហើម កាលជួបស្រីឆ្នើម
រដូវសន្សើម ផ្ការីកស្គុះស្គាយ ។
២- អូនដើររើសគ្រុំ ក្នុងស្ទឹងសង្កែ
ភក្ត្រដូចដួងខែ ថ្ពាល់ខួចមានស្នេហ៍ នេត្រាពណ្ណរាយ
ហត្ថាខ្ចីល្ហក់ សក់ខ្មៅរំសាយ ល្អគន់មិនណាយ
ក្លិនខ្លួនឆោមឆាយ រាយសំណាញ់ស្នេហ៍ ។
R- វិចិត្រករអឺយ កុំបាច់គូរអី
នៅក្នុងលោកិយ ស្រីល្អគ្មានទេ
មានតែរំដួល ដងស្ទឹងសង្កែ
ដែលខ្ញុំលួចស្នេហ៍ ទោះរយឆ្នាំខែ ក៏នៅចាំចង ។
៣- ឥឡូវរដូវផ្ការីកវិលវិញ ទ្រូងសែនទោម្នេញ
ព្យុះកម្មបក់ដេញ បាត់ផ្កាមួយទង
ត្រីក្រឹមអូនស្លាប់ នៅក្នុងដបបង
លិខិតនួនល្អង បងទុកទ្រាប់ខ្នង ដេកស្លាប់ក្នុងផ្នូរ ។
ប្រវិត្តដើម
អ្នកដែលធ្លាប់ស្គាល់លោក គង្គ ប៊ុនឈឿន ភាគច្រើនគេតែងនិយាយថា លោកចូលចិត្ត តែងបទចម្រៀង ដែលពណ៌នាទេសភាពនៅស្ទឹងសង្កែ និងរឿងរ៉ាវជីវិតនៅខេត្តបាត់ដំបង ។ មែន ការនិយាយបែបនេះឥតខុសទេ ព្រោះលោកមានដើមកំណើតនៅខេត្តបាត់ដំបង លោកចេះតែមាន មនោសញ្ចេតនានឹករលឹកទៅដល់ទឹកដីកំណើតជានិច្ច ទោះបីជាលោកឃ្លាតឆ្ងាយមកយូរឆ្នាំហើយ ក៏ដោយ ។
ដូច្នេះ ការដែលលោក គង្គ ប៊ុនឈឿន និយាយពីរឿងស្នេហានៅខេត្តបាត់ដំបងគឺមួយ ផ្នែកជាការរំលឹកនូវអនុស្សារវីយ៍នៃជីវិតស្នេហាបឋមវ័យរបស់លោក និងមួយផ្នែកទៀត គឺរំលឹក ដល់ទឹកដីកំណើតតែប៉ុណ្ណោះ ។
ទន្ទឹមនោះ លោក គង្គ ប៊ុនឈឿន តែងតែគិតថា បើលោកស្គាល់ខេត្តបាត់ដំបងច្បាស់ ជាងគេ និងមានអនុស្សាវរីយ៍ច្រើនជាងគេ តើឲ្យលោកសរសេរពីខេត្ត ឬប្រទេសណា ដែលលោក មិនសូវ និងមិនដែលស្គាល់ម្តេចនឹងកើតទៅ ?
បទ "រំដួលដងស្ទឹងសង្កែ" នេះ គឺជាសក្ខីភាពនៃការរំលឹកឡើងវិញ កាលលោក គង្គ- ប៊ុនឈឿន នៅពីក្មេង ។ ពីឆ្នាំ១៩៤៥ មកដល់ឆ្នាំ១៩៥៣ លោករស់នៅលើទូកក្នុងដងស្ទឹងសង្កែ ស្ថិតនៅទល់មុខរោងភាពយន្តអេដែន (បច្ចុប្បន្នរោងកុននេះគ្មានទេ) ។ ពេលដែលលោក គង្គ- ប៊ុនឈឿន ជិះទុកតាមដងស្ទឹង ឬដើរលើស្ពានទៅរៀននៅវត្តពោធិវាល លោកតែងតែចាប់អារម្មណ៍ នឹងទេសភាពក្នុងស្ទឹងសង្កែ ពេលរដូវទឹកជំនន់ ក៏ដូចជាពេលទឹកសម្រក ។
កាលណោះលោក គង្គ ប៊ុនឈឿន តែងយល់ថា ពិភពលោកដ៏ល្អប្រណីត ប្រហែលមាន តែក្នុងបាតស្ទឹងសង្កែតែមួយប៉ុណ្ណោះ ។ មើលចុះ ស្នាមទឹកហូររិញៗ កាត់វាលខ្សាច់ដ៏ស្រស់ប្រផូរ លោកបាននាំមិត្តភក្តិយកក្រមាអូសត្រី និងនាំគ្នាយកក្អមដាក់កប់ក្នុងខ្សាច់ ហើយចោះប្រហោង ដើម្បីច្រោះយកទឹកស្អាតត្រជាក់ ។ មិនតែប៉ុណ្ណោះ លោកឧស្សាហ៍ចាប់យកត្រីក្រឹមមកប្រជល់គ្នា លេងនៅទីនោះ ។
លោក គង្គ ប៊ុនឈឿន មិនអាចភ្លេចបានទេ នូវសម្រស់របស់យុវនារីម្នាក់ ដែលបានចុះ មុជទឹក និងដើររើសគ្រុំនៅបាតស្ទឹងនាពេលថ្ងៃលិច ។ ឥឡូវនេះ ទោះបីផ្សែងជីវិតបានបក់ផាត់រំលាយ អតីតកាលទាំងនេះទៅហើយក្តី ក៏អំណាចនៃក្តីរលឹកបានធ្វើឲ្យទឹកខ្មៅលោកស្រក់ហូរស្រែកហៅ ភក្ត្រាដ៏ស្រស់ប្រិមប្រិយនោះឲ្យមានជីវិតរស់ឡើងវិញដែរ ។
សូមបញ្ជាក់ថា បទ"រំដួលដងស្ទឹងសង្កែ" នេះ លោក គង្គ ប៊ុនឈឿន តែងនៅឆ្នាំ១៩៧៤ ហើយថតឲ្យផលិតកម្មពស់មាស ។ ពេលចាក់ផ្សាយជាលើកដំបូង លោក ញឹក ឌិម ដែលជា វិចិត្រករឯកខ្មែរជំនាន់នោះ មានប្រតិកម្មជាខ្លាំង រករឿងខឹងសម្បារនឹងលោក ស៊ីន ស៊ីសាមុត ដោយ ចោទថា លោកស៊ីន ស៊ីសាមុត ច្រៀងដៀមដាមឲ្យគាត់ត្រង់ឃ្លាថា "វិចិត្រករអើយ កុំបាច់សួរអី នៅ ក្នុងលោកិយស្រីល្អគ្មានទេ" ។
ក្រោយមកទើបលោក ញឹក ឌិម អន់ខឹងវិញ ព្រោះដឹងថាបទនេះជាបទរបស់លោក គង្គ- ប៊ុនឈឿន ដែលលោកគ្មានបំណងរិះគន់ឲ្យលោកទេ ក្រៅពីសរសេរដើម្បីរំលឹកដល់អនុស្សាវរីយ៍ពី អតីតកាលរបស់លោកតែប៉ុណ្ណោះ ហើយនោះគឺរំដួលដងស្ទឹងសង្កែនៅក្នុងក្តីស្រមៃរបស់លោក ៕
បទភ្លេងទំនុកច្រៀង សម្រួលតន្ត្រី ច្រៀងដោយ
គង្គ ប៊ុនឈឿន ម៊ែរ ប៊ុន ស៊ីន ស៊ីសាមុត
១- មហាសង្ក្រាន ច្រានឆ្នាំមួយទៅ
ទ្រូងសែនហ្មងសៅ នឹកព្រួយក្រែងពៅ ឆាប់ភ្លេចរឿងដើម
រឿងបាត់ដំបង ចងទងដង្ហើម កាលជួបស្រីឆ្នើម
រដូវសន្សើម ផ្ការីកស្គុះស្គាយ ។
២- អូនដើររើសគ្រុំ ក្នុងស្ទឹងសង្កែ
ភក្ត្រដូចដួងខែ ថ្ពាល់ខួចមានស្នេហ៍ នេត្រាពណ្ណរាយ
ហត្ថាខ្ចីល្ហក់ សក់ខ្មៅរំសាយ ល្អគន់មិនណាយ
ក្លិនខ្លួនឆោមឆាយ រាយសំណាញ់ស្នេហ៍ ។
R- វិចិត្រករអឺយ កុំបាច់គូរអី
នៅក្នុងលោកិយ ស្រីល្អគ្មានទេ
មានតែរំដួល ដងស្ទឹងសង្កែ
ដែលខ្ញុំលួចស្នេហ៍ ទោះរយឆ្នាំខែ ក៏នៅចាំចង ។
៣- ឥឡូវរដូវផ្ការីកវិលវិញ ទ្រូងសែនទោម្នេញ
ព្យុះកម្មបក់ដេញ បាត់ផ្កាមួយទង
ត្រីក្រឹមអូនស្លាប់ នៅក្នុងដបបង
លិខិតនួនល្អង បងទុកទ្រាប់ខ្នង ដេកស្លាប់ក្នុងផ្នូរ ។
ប្រវិត្តដើម
អ្នកដែលធ្លាប់ស្គាល់លោក គង្គ ប៊ុនឈឿន ភាគច្រើនគេតែងនិយាយថា លោកចូលចិត្ត តែងបទចម្រៀង ដែលពណ៌នាទេសភាពនៅស្ទឹងសង្កែ និងរឿងរ៉ាវជីវិតនៅខេត្តបាត់ដំបង ។ មែន ការនិយាយបែបនេះឥតខុសទេ ព្រោះលោកមានដើមកំណើតនៅខេត្តបាត់ដំបង លោកចេះតែមាន មនោសញ្ចេតនានឹករលឹកទៅដល់ទឹកដីកំណើតជានិច្ច ទោះបីជាលោកឃ្លាតឆ្ងាយមកយូរឆ្នាំហើយ ក៏ដោយ ។
ដូច្នេះ ការដែលលោក គង្គ ប៊ុនឈឿន និយាយពីរឿងស្នេហានៅខេត្តបាត់ដំបងគឺមួយ ផ្នែកជាការរំលឹកនូវអនុស្សារវីយ៍នៃជីវិតស្នេហាបឋមវ័យរបស់លោក និងមួយផ្នែកទៀត គឺរំលឹក ដល់ទឹកដីកំណើតតែប៉ុណ្ណោះ ។
ទន្ទឹមនោះ លោក គង្គ ប៊ុនឈឿន តែងតែគិតថា បើលោកស្គាល់ខេត្តបាត់ដំបងច្បាស់ ជាងគេ និងមានអនុស្សាវរីយ៍ច្រើនជាងគេ តើឲ្យលោកសរសេរពីខេត្ត ឬប្រទេសណា ដែលលោក មិនសូវ និងមិនដែលស្គាល់ម្តេចនឹងកើតទៅ ?
បទ "រំដួលដងស្ទឹងសង្កែ" នេះ គឺជាសក្ខីភាពនៃការរំលឹកឡើងវិញ កាលលោក គង្គ- ប៊ុនឈឿន នៅពីក្មេង ។ ពីឆ្នាំ១៩៤៥ មកដល់ឆ្នាំ១៩៥៣ លោករស់នៅលើទូកក្នុងដងស្ទឹងសង្កែ ស្ថិតនៅទល់មុខរោងភាពយន្តអេដែន (បច្ចុប្បន្នរោងកុននេះគ្មានទេ) ។ ពេលដែលលោក គង្គ- ប៊ុនឈឿន ជិះទុកតាមដងស្ទឹង ឬដើរលើស្ពានទៅរៀននៅវត្តពោធិវាល លោកតែងតែចាប់អារម្មណ៍ នឹងទេសភាពក្នុងស្ទឹងសង្កែ ពេលរដូវទឹកជំនន់ ក៏ដូចជាពេលទឹកសម្រក ។
កាលណោះលោក គង្គ ប៊ុនឈឿន តែងយល់ថា ពិភពលោកដ៏ល្អប្រណីត ប្រហែលមាន តែក្នុងបាតស្ទឹងសង្កែតែមួយប៉ុណ្ណោះ ។ មើលចុះ ស្នាមទឹកហូររិញៗ កាត់វាលខ្សាច់ដ៏ស្រស់ប្រផូរ លោកបាននាំមិត្តភក្តិយកក្រមាអូសត្រី និងនាំគ្នាយកក្អមដាក់កប់ក្នុងខ្សាច់ ហើយចោះប្រហោង ដើម្បីច្រោះយកទឹកស្អាតត្រជាក់ ។ មិនតែប៉ុណ្ណោះ លោកឧស្សាហ៍ចាប់យកត្រីក្រឹមមកប្រជល់គ្នា លេងនៅទីនោះ ។
លោក គង្គ ប៊ុនឈឿន មិនអាចភ្លេចបានទេ នូវសម្រស់របស់យុវនារីម្នាក់ ដែលបានចុះ មុជទឹក និងដើររើសគ្រុំនៅបាតស្ទឹងនាពេលថ្ងៃលិច ។ ឥឡូវនេះ ទោះបីផ្សែងជីវិតបានបក់ផាត់រំលាយ អតីតកាលទាំងនេះទៅហើយក្តី ក៏អំណាចនៃក្តីរលឹកបានធ្វើឲ្យទឹកខ្មៅលោកស្រក់ហូរស្រែកហៅ ភក្ត្រាដ៏ស្រស់ប្រិមប្រិយនោះឲ្យមានជីវិតរស់ឡើងវិញដែរ ។
សូមបញ្ជាក់ថា បទ"រំដួលដងស្ទឹងសង្កែ" នេះ លោក គង្គ ប៊ុនឈឿន តែងនៅឆ្នាំ១៩៧៤ ហើយថតឲ្យផលិតកម្មពស់មាស ។ ពេលចាក់ផ្សាយជាលើកដំបូង លោក ញឹក ឌិម ដែលជា វិចិត្រករឯកខ្មែរជំនាន់នោះ មានប្រតិកម្មជាខ្លាំង រករឿងខឹងសម្បារនឹងលោក ស៊ីន ស៊ីសាមុត ដោយ ចោទថា លោកស៊ីន ស៊ីសាមុត ច្រៀងដៀមដាមឲ្យគាត់ត្រង់ឃ្លាថា "វិចិត្រករអើយ កុំបាច់សួរអី នៅ ក្នុងលោកិយស្រីល្អគ្មានទេ" ។
ក្រោយមកទើបលោក ញឹក ឌិម អន់ខឹងវិញ ព្រោះដឹងថាបទនេះជាបទរបស់លោក គង្គ- ប៊ុនឈឿន ដែលលោកគ្មានបំណងរិះគន់ឲ្យលោកទេ ក្រៅពីសរសេរដើម្បីរំលឹកដល់អនុស្សាវរីយ៍ពី អតីតកាលរបស់លោកតែប៉ុណ្ណោះ ហើយនោះគឺរំដួលដងស្ទឹងសង្កែនៅក្នុងក្តីស្រមៃរបស់លោក ៕
តន្ត្រី ចម្រៀង
- ប្រវត្តិបទវិញ្ញាណផ្នូរខ្ញុំ
- ប្រវត្តិបវិញ្ញាណផ្នូរខ្ញុំ
- ប្រវត្តិដើមបទ“ទឹកភ្នែកឪពុក”
- ប្រវត្តិដើមបទរាត្រីសេកុង
- ប្រវត្តិដើមបទ“នេះឬជីវិត?”
- ប្រវត្តិដើមបទ“ជ្រោះពេជ្រចិន្តា”
- ប្រវត្តិដើមបទលាហើយសោភីនី!
- ប្រវត្តិដើមបទ“ស្ពានអូរតាគី”
- បទ"រំដួលដងស្ទឹងសង្កែ"ធ្វើឲ្យញឹក ឌឹមខឹងស៊ិន ស៊ីសាមុត
- រស់ សេរីសុទ្ធាញាប់ញ័រពេលច្រៀងបទ"កូនស្រីអ្នកនេសាទ"
- ប្រវត្តិដើមបទ"លាហើយស៊ូម៉ាត្រា"
- ប្រវត្តិដើមបទ"សម្រស់នាងចែវទូកដរ"
- ប្រវត្តិដើមបទ"ស្ពានឈើអភ័ព្វ"
- ប្រវត្តិដើមបទ"ខ្យងក្តក់"
- បទ“ម្លប់ដូងទី១០”ជាប្រវត្តិស្នេហ៍ឈឺចាប់របស់ គង្គ ប៊ុនឈឿន
- បទ"អនអើយស្រីអន"មានចំណងជើងពិតថា "ពន្លកស្នេហ៍ជ័យអន"
- ប្រវត្តិដើមបទ"អារសាច់ជូនម្តាយ"
- បទភ្លេងបុរាណខ្មែរនៅសតវត្សរ៍ទី១៩ ...
- បទចំរៀង ត្រឡោក និង ឆៃយ៉ាំខ្មែរ
- ប្រភពឥណ្ឌានៃទ្រ និងចាប៉ីខ្មែរ
- ប្រវត្តិដើមបទ"អនុស្សាវរីយ៍ខ្នងភ្នំសំពៅ"
- “ចំប៉ាបាត់ដំបង”ធ្វើឱ្យគ្រួសារស៊ីនស៊ីសាមុតប្រេះស្រាំប្រាំពីរ ឆ្នាំ
- “ផ្ញើកងចងដៃ”រឿងពិតរបស់ស្មៀនម្នាក់នៅចំការមន
- វង់ភ្លេងមហោរីខ្មែរសុរិន្ទ
- បទ“ស្ពានកំពង់ហ្លួង”ប្រវត្តិស្នេហ៍របស់តារាចម្រៀងសូ សាវឿន
- ការរកឃើញឈ្មោះឧបករណ៍ភ្លេងមិមនាសម័យអង្គរ
- ប្រភពចាប៉ីដងវែងខ្មែរ
- ឧបករណ៍តន្ត្រីគែន គឺជារបស់ខ្មែរ
- ភ្លេងពិណពាទ្យមិនមែនជាភ្លេងសៀមទ