​បទ​ភ្លេង​ទំនុក​ច្រៀង​    ​    ​សម្រួល​តន្ត្រី​    ​    ​ច្រៀង​ដោយ​
​គ​ង្គ ប៊ុន​ឈឿន​    ​    ​កែវ អែម​    ​    ​សូ សាវឿន​
​    ​INTRO-​    ​អនិច្ចា​ក​ម្មចាស់  ! ... ឈឺ​ណាស់ មិនទាន់​បាត់​ស្នាម !!
​    ​១-​    ​វេន​ស្នេហ៍ វេន​កម្ម ចិញ្ច្រាំ​ដួងចិត្ដ​
​    ​    ​ដំបៅ​ជីវិត រួតរឹត​បែក​ស្រាំ កម្ម​នាំ​ម​រណា​
​    ​    ​អណ្ដាត​ស្វាមី លក់​ក្ដី​មេ​តា្ដ​
​    ​    ​បេះដូង​ប្ញ​ស្យា ប្រហារ​ភ្លេង​ការ​កាត់​ត្រើយ ។​
​    ​២-​    ​ផ្គរ​លន់​រងំ អូន​យំ​ក្នុង​ផ្នូរ​
​    ​    ​អតីត​ស្រែកថ្ងូរ កូន​យំ​ទ្រហោ​ថ្ងូរ​រក​ឪ​ហើយ​
​    ​    ​ចិត្ដ​បងដា​ច់ណាស់ ម្ចាស់​ស្នេហ៍​អូន​អើយ​
​    ​    ​កូន​យើង​ធំ​ហើយ ម្ដេច​ឡើយ​ព្រងើយ​នឹង​គ្នា ។​
​    ​R-​    ​ធូប​បី​សរសៃ ឆេះ​អស់​
​    ​    ​បង​គ្មាន​ស្រណោះ សោះ​កូនកំព្រា​
​    ​    ​ខ្លងខែក​ស្រែក​ទារ កម្ម​ពៀរ​លោកិយ ។​
​    ​៣-​    ​ឱ ! ស្រុក​អូរជ្រៅ រណ្ដៅ​ទឹកភ្នែក​
​    ​    ​សូម​ជួយ​រំលែក ជួយ​ប្រកាស​ស្រែក ហែក​លោក​ទាំង​បី​
​    ​    ​ធ្វើបុណ្យ​ដាក់​បាត្រ ឲ្យ​ស្អាត​ជា​តិថ្មី​
​    ​    ​ជាតិ​នេះ​អប្រិយ កុំឲ្យ​ជួប​ប្ដី​កាមគុណ ។​
​    ​លោក គ​ង្គ ប៊ុន​ឈឿន បាន​ស្គាល់​អ្នកស្រី សូ សាវឿន តាំងពី​ក្នុង​អំឡុង​ឆ្នាំ​១៩៦៥ ពេល​ដែល​អ្នកស្រី​ទៅ​ច្រៀង​ក្នុង​វង់​តន្ដ្រី យោធា​ភិរម្យ​ដែល​មាន​លោក កែវ អែម ជា​ប្ដី និង​ជា​អ្នក​ផ្លុំ​ត្រុំ​ប៉ែត​ដ៏​ល្បី​ម្នាក់​ប្រចាំ​នៅក្នុង​វង់ភ្លេង​នោះ​ទៀត​ផង ។​
​    ​ពេលនោះ លោក​កែវ អែម បាន​សុំឲ្យ​លោក គ​ង្គ ប៊ុន​ឈឿន ជួយ​តែង​បទ​ចម្រៀង​ខ្លះៗ​សំរាប់​ឲ្យ​អ្នកស្រី សូ សាវឿន ច្រៀង ព្រោះ​កាល​ណោះ​អ្នកស្រី សូ សាវឿន មិនសូវ​ជា​ល្បីល្បាញ​ប៉ុន្មាន​ឡើយ ។​
​    ​បទ​មុនគេ​ដែល​លោក គ​ង្គ ប៊ុន​ឈឿន បាន​តែង​ឲ្យ​អ្នកស្រី សូ សាវឿន ច្រៀង​គឺ​ឈ្មោះ​ថា​បទ​វិញ្ញាណ​ផ្នូរ​ខ្ញុំ​នេះឯង ហើយ​ជា​បទ ដែល​មាន​លក្ខណ​:​សាច់​រឿង​ប្លែក គឺ​តួ​ស្រី​អភ័ព្វ​សេ្ន​ហ៍​ដែល​ស្លាប់​ទៅហើយ អាច​ស្រែកច្រៀង​ពី​ក្នុង​ផ្នូរ​មក​ប្រាប់​សង្សារ​វិញ​បាន ។​
​    ​បទ​នេះ មិន​មែន​នៅ​ក្នុង​កម្រង​កាស្សែត ឬ​សំ​រាប់បញ្ចូល​ទៅ​ក្នុង​ខ្សែភាពយន្ដ​ណាមួយ​ទេ គ្រាន់តែ​ផ្សាយ​តាម​វិទ្យុ​ប៉ុណ្ណោះ ប៉ុន្ដែ ក្រោយ​ដែល​ចេញផ្សាយ​ទៅ បាន​ធ្វើឲ្យ​អ្នកស្ដាប់​គ្រប់​មជ្ឈដ្ឋាន មាន​ការភ្ញាក់ផ្អើល​ជា​ខ្លាំង ហើយ​អ្នកស្រី សូ សាវឿន កាន់តែ​មាន​ឈ្មោះ​ល្បី ចាប់តាំងពី​ពេលនោះ​មក​ដែរ ។​
​    ​ក្រោយមក ដោយសារ​បទ​នេះ​ល្បី​ខ្លាំងពេក ទើប​មាន​ក្រុមហ៊ុន​ថត​ថា​ស​មួយ​បាន​មក​ទាក់ទង​សុំ​ទិញ​ថត​បញ្ចូល​ទៅក្នុង​ថាស និង ក្នុង​កាស្សែត ហើយ​ពេល​ដែល​អ្នកស្រី សូ សាវឿន ចេញ​ទៅ​សម្ដែង​ច្រៀង​នៅទីណា អ្នក​ស្ដាប់​តែងតែ​សំណូមពរ​ឲ្យ​ច្រៀង​បទ​នេះ​មិនដែល លស់​ខាន​ឡើយ រហូតដល់​មាន​គេ​ទិញ​រង្វាន់​អនុស្សាវរីយ៍​ឲ្យ​អ្នកស្រី សូ សាវឿន​ជាច្រើន​ទៀតផង ។​
​    ​ទំនុកច្រៀង​របស់​បទ​នេះ បញ្ជាក់​ឡើង​ទំនួញ​អភ័ព្វ​ស្នេហ៍​របស់​នារី​ម្នាក់​នៅ​ស្រុក​អូរជ្រៅ ( កាល​ណោះ​នៅ​ក្នុង​ខេត្ដ​បាត់ដំបង ) ដែល​ទោះបីជា​នាង​ស្លាប់​ទៅ​ហើយ​ក្ដី ក៏​អង្វរ​ឲ្យ​ប្ដី​នៅរ​ស់ ជួយ​ថែរក្សា​ចិញ្ចឹម​កូន​ផង ។​
​    ​MELODIE របស់​បទ​នេះ ខ្លោចផ្សា​មែនទែន ដែល​អម​ដោយ​សម្លេង​វី​យូ​ឡុង​របស់លោក មាស សាម៉ន ធ្វើឲ្យ​លោកគ​ង្គ ប៊ុន​ឈឿន នៅ​តែ​គិត​ដល់​អ្នកចំរៀង​កំប្លែង​រូបនេះ​ជានិច្ច គឺ​មិន​ត្រឹម​តែ​ចេះ​ច្រៀង​ប៉ុណ្ណោះ​ទេ គឺ​ថែមទាំង​ចេះ​កូតវីយូឡុង​ដ៏​ពីរោះ​លន្លង់លន្លោច​ទៀតផង ។​