Cen

រាត្រី​សេកុង​
​ទំនុក​បទ​ភ្លេង​    ​    ​សម្រួល​តន្ត្រី​    ​    ​ច្រៀង​ដោយ​
​ស៊ីន សាមុត​    ​    ​    ​ស៊ីន សាមុត​    ​    ​ហួយ មាស​
១-​    ​រាត្រី​សេកុង​បាន​ប្រុងប្រៀប​ប្រាណ​    ​    ​ចាំ​ប្រុស​កល្យាណ ជា​គូ​វាសនា​
​    ​នៅក្រោម​រស្មី​ចន្ទ​រះ​ភ្លឺ​ថ្លា​    ​    ​    ​តាម​ឆ្នេរ​ជលសារ​ដែល​ហូរ​ហែង ។​
២-​    ​រាត្រី​សេកុង​ព្រួយ​អា​ណុង​ចិត្ត​    ​    ​អ្នក​ហាក់​មិន​ស្និទ្ធស្នេហ៍​ចំ​បែង​
​    ​ខ្ញុំ​នៅ​រង់ចាំ​ចាំ​តែម្នាក់ឯង​    ​    ​    ​ឱ​រ៉ា​ចំបែង​អូន​រែង​ទន្ទឹង ។​
បន្ទ​រ​-​    ​ជំនោរ​ត្រជាក់​ធ្លាក់​មក​ដល់​ហើយ​    ​    ​ផ្កាយ​អើយ​យាង​ទៅ​ណាត់​បាត់​ដំណឹង​
​    ​ព្រះ​ច័ន្ទ​ក៏​យ៉ាង​ម្តេច​បាត់​សូន្យឈឹង​    ​    ​ឱ្យ​ខ្ញុំ​រំពឹង​រំពឹង​ម្តេច​បាន ។​
៣-​    ​រាត្រី​សេកុង​ហូរ​ឆ្ងាយ​ម្ល៉េះ​ណា​    ​    ​ជលនេត្រ​សោកា​ខ្លោចផ្សា​ក្នុង​ប្រាណ​
​    ​ជាតិ​នេះ​ប្រហែល​ជា​ខ្ញុំ​មិនបាន​    ​    ​រូប​ប្រុស​កល្យាណ​ជា​គូគាប់​ឡើយ ។​
បញ្ចប់ៈ     ​រូប​ប្រុស​កល្យាណ​ជា​គូគាប់ៗ​ៗ​ៗ​
ប្រវត្តិ​ដើម​
​    ​នេះ​គឺ​ជា​បទ​ទី​១ ដែល​អាច​និយាយបាន​ថា ជា​បទ​ដែល​លោក​ស៊ីន ស៊ី​សាមុត បាន​សរសេរ​ពី​ខេត្ត​ស្ទឹងត្រែង ហើយក៏​ជា​បទ​ដំបូង​គេ​របស់​អ្នកស្រី ហួយ មាស ដែល​ល្បី​មុន​គេ​បំផុត​នា​ឆ្នាំ​១៩៦៨ ។ គេ​ច្រើន​តែ​នាំគ្នា​ឆ្ងល់​ថា ហេតុ ដូចម្តេច​បានជា​លោក​ស៊ីន ស៊ី​សាមុត មាន​ស្រុកកំណើត​នៅ​ខេត្ត​ស្ទឹងត្រែង តែ​គេ​បាន ឮ​គាត់​ច្រៀង​តែ​បទ​នៅ​បាត់ដំបង ច្រើន​ម្ល៉េះ​? ពិតជា​គួរឱ្យ​ឆ្ងល់​មែន ប៉ុន្តែ​តាមរយៈ​នៃ​ការស្រាវជ្រាវ គួបផ្សំ​នឹង​ការពណ៌នា​ពី​បណ្តា​រៀមច្បង ជាពិសេស អស់លោក​ដែល​ដឹង​រឿង​នៅ​ខេត្ត​ស្ទឹងត្រែង​មួយចំនួន​បាន​ឱ្យដឹងថា គួរ​ឱ្យ​លោក​ស៊ីន ស៊ី​សាមុត មិន​ចង់​រំលឹក​ឬ​ភ្លេច រៀបរាប់​ពី​ស្រុកកំណើត​មែន ព្រោះ​ម្យ៉ាង​លោក​ឈឺចាប់​នឹង​ពាក្យ​គេ​និន្ទា​ថា អ្នក​ស្ទឹងត្រែង​ជា​ពួក​ដែល​លក់​ដី​ឱ្យ​គេ​? ម្យ៉ាង​កាលពី​អាយុ​ប្រាំ​ឆ្នាំ លោក​បាន​មក​រស់នៅ​ជាមួយ​ឪពុក​ម្តាយ​ឯ​ខេត្ត​បាត់ដំបង និង​ជាងនេះទៀត ដូច​មិត្ត​អ្នកអាន ជ្រាប​ស្រាប់ កាលពី​សម័យ​នោះ បាត់ដំបង​គឺ​ជា​ទឹកដី​មួយ​ដែល​ស៊ីវិល័យ ទាន់សម័យ​ជាងគេ​បំផុត ហើយ​សម្បូរ​អ្នក ចម្រៀង អ្នកនិពន្ធ អ្នក​ភ្លេង តារាភាពយន្ត អ្នក​ប្រដាល់​ល្បីៗ​ភាគច្រើន​មាន​ប្រភព​ចេញពី​ខេត្ត​បាត់ដំបង​នេះ​ឯង ។ ជាក់ស្តែង​ដូចជា​ស្ពាន​អូ​តា​គី សម័យ​នេះ​សម្រាប់​អ្នក​ដែល​ចង់ឃើញ ដោយសារ​ឮ​តាម​បទ​ចម្រៀង ពិតជា​គ្រវីក្បាល ហើយ​លាន់មាត់​ថា ចាញ់បោក​ចម្រៀង​លោក​ស៊ីន ស៊ី​សាមុត គ្រប់​គ្នា​មិន​ខាន តែបើ​ធ្មេចភ្នែក​គិត​ទៅ​រក​ជំនាន់​បារាំង វិញ​នោះ ស្ពាន​អូរ​តា​គី គឺជា​ស្ពាន​ទី​១ ដែល​មាន​នៅក្នុង​ប្រទេស​កម្ពុជា​ដំបូង​គេ ហើយ​បទ​ចម្រៀង​បាត់ដំបង​ភាគច្រើន គឺជា​ទំនុក​បទ​របស់​កវីនិពន្ធ គ​ង្គ ប៊ុន​ឈឿន​, វ៉ោ​យ ហូរ និង​ម៉ា ឡៅ​ពី​ជាដើម​៘ ដូច្នេះ​វិភាគ​តាម​ដំណើររឿង​ខាង លើ លោកអ្នក​នាង​ពិតជា​អាច​ជ្រាប​បាន​ខ្លះ​ថា តើ​ពីព្រោះ​តែ​ហេតុអ្វី​?
​    ​សំណួរ​នេះ មិនទាន់​មាន​ការសន្និដ្ឋាន​ថា​យ៉ាងណា​ពិតប្រាកដ​នៅឡើយ​ទេ ពីព្រោះ​បើ​តាម​ប្រសាសន៍​របស់ រៀមច្បង​ភាគច្រើន​សុទ្ធតែ​អះអាងថា ជីវិត​លោក​ស៊ីន ស៊ី​សាមុត ជា​ជីវិត​ដែល​ពោរពេញ​ទៅ​ដោយ​អាថ៌កំបាំង​ណាស់ អ្នក​ល្មមៗ​មិន​ងាយ​គាត់​ឱ្យ​ដឹង​ឡើយ ។​

តន្ត្រី ចម្រៀង