khmer star,music,song

១. លើកដៃ​សំពះ​ខ្លាច​ខ្មាស​គេ     ​    ​ខ្លះ​ខ្លួន​ជា​ខ្មែរ​មិន​ថែ​ក្បួន​
​បើ​រឿង​ស៊ីផឹក​ឈ្លោះ​គុំកួន​    ​    ​អួតអាង​ថា​ខ្លួនឯង​អស្ចារ្យ​។​

២. ម៉ែឪ​នៅផ្ទះ​មិន​ដឹងអី​    ​    ​    ​ស្មាន​កូនប្រុស​ស្រី​ទៅ​សិក្សា​
​តាមពិត​ណាត់គ្នា​គេច​សាលា​    ​    ​លេងល្បែង​ស្រី​ស្រា​បំផ្លាញ​ទ្រព្យ​។​

៣. ម៉ែឪ​ខ្លះ​ក៏​ទំយើ​កូន     ​    ​    ​ស្រឡាញ់​ខុស​ក្បួន​ស្មានថា​គាប់​
​កូន​ចង់បាន​អ្វី​ក៏​ខំ​ផ្គាប់​    ​    ​    ​រកស​ម្ប​តិ្ដ​ទ្រព្យ​ដើម្បី​កូន​។​

៤. ទ្រព្យ​កណ្ដៀរ​កោរ​កណ្ដុរ​កាត់​    ​    ​វិជ្ជា​ល្អ​ក្ដាត់​ទើប​ជា​ក្បូន​
​ចរិយា​មារយាទ​ល្អ​សមសួន​    ​    ​សម្បត្ដិ​ទាំង​បួន​មិនអាច​ខ្វះ​។​

៥. សម្បត្ដិ​ទីមួយ គឺ​រូបា (​រូប​សម្បត្ដិ​)​    ​    ​ទី​ពីរ ចរិយា (​ចរិយា​សម្បត្ដិ​) ចាំ​ឲ្យ​ច្បាស់​
​ទី​បី វិជ្ជា (​វិជ្ជា​សម្បត្ដិ​) ជួយ​ឲ្យ​ឈ្នះ​    ​    ​ឯ​ទ្រព្យ (​ទ្រព្យសម្បត្ដិ​) ក្នុងផ្ទះ​គឺ​ទី​បួន​។​

៦. រៀន​តាម​លំដាប់​មួយ​ពីរ​បី​    ​    ​សូម​ញាតិ​ប្រុស​ស្រី​កុំ​ភ្លេចខ្លួន​
​ទុកទ្រព្យ​សម្បត្ដិ​រឿង​ក្រៅ​ខ្លួន​         ​ជួយ​អប់រំ​កូនចៅ​យើង​ផង​៕

​ដោយ ៖ លោក ឃុ​ល ប៊ុន​នាដ​

មាតិកា