khmer star,music,song

១. ថ្ងៃនេះ​បរិយាយ​មិន​អៀនខ្មាស​    ​
​រឿង​មនុស្ស​ចាស់​ខ្លះ​ធ្វើ​មិនត្រូវ​
​ញាតិ​អើយ​ជួយ​ស្ដាប់​ជួយ​តម្រូវ​
​ខុស​កែ​មក​ត្រូវ​កូនចៅ​តាម (​ត្រាប់​តាម​)​។​

២. ខ្លះ​ដឹក​កូនចៅ​ទៅ​សាលា​
​ឲ្យ​ស្ដាប់​គ្រូ​បា (​គ្រូបាធ្យាយ​) រៀន​ចេះ​ចាំ​
​សង្ឃឹម​សាលា​ជួយ​ណែនាំ​
​កូនចៅ​ប្រឹង​ខំ​មានចំណេះ​។​

៣. ប៉ុន្ដែ​ទង្វើ​លោក​ទាំង​ទ្វេ​(​ម៉ែឪ​)
​មិនបាន​គិត​ទេ​ធ្វេសប្រហែស​
​ជិះ​បញ្ច្រាស​ផ្លូវ​នាំ​កកស្ទះ​    ​
​ភ្លើងស្ដុប​(​ភ្លើង​ឈប់​)​ក៏​ចេះតែ​បើកបរ​។​

៤. សំរាម​គ្រវាត់​ពាសពេញ​ដី​    ​
​លក់ដូរ​អ្វីៗ​ធ្វើ​លឹប​ល​
​ស៊ី​ភ្នែកជញ្ជីង​កុហក​ភរ​    ​    ​
​បន្លំ​គីឡូ​កាឡៃ​ម៉ាក​(Mark)​។​

៥. ទំនេរ​មិន​អប់រំ​កូនចៅ​
​ឲ្យ​ដឹង​ខុសត្រូវ​ចេះ​អៀនខ្មាស​
​ខ្លះ​មើល​ទូរទស្សន៍​វក់​រឿង​ផ្ដាស​
​ខ្លះ​ញៀន​ហ្វេ​ស​ប៊ុ​ក​(Facebook) ទាល់​ក​គ្រេច​។​

៦. ក្មេង​ខ្លះ​ឥលូវ​ឥត​គួរសម​
​ពេល​ជួប​ចាស់ទុំ​ហាក់ដូច​ភ្លេច​
​មិន​ជំរាបសួរ​អ្វី​បន្ដិច​
​ខ្លះទៀត​ខំ​គេច​មិន​រាក់ទាក់​។​

៧. ថ្ងៃ​រៀន​សាលា​ល្ងាច​រវល់​
​ខ្លះ​ខ​ល (Call) ប្រមូល​ជុំ​មិ​ត្ដ​ភក្ដិ​
​ផឹកស៊ី​សាច់​អាំង​ចត​(​ម៉ូតូ​) ឡើង​ស្ទះ​
​ហើយ​ប្រាប់​អ្នកផ្ទះ​ថា​រៀន​ថែម​។​

៨. ម៉ែឪ​មិនដឹង​ប្រឹង​រកលុយ​
​ឯ​កូន​សម្អុយ​ខំប្រឹង​ក្លែម​
​ផឹកស្រា​រក​ស្រី​ធ្វើ​បង្អែម​
​អួតថា​រៀន​ថែម​ផ្ទះសំណាក់​។​

៩. បួន​ឆ្នាំ​រៀន​ចប់​ចេញ​រក​ការ​(​ការងារ​)
​ប្រាប់​ម៉ែឪ​ថា​ពិបាក​ណាស់​
​ការងារ​ឥលូវ​ហាក់ដូច​ខ្វះ​
​ខ្លះ​ធ្វើ​ផ្ដេសផ្ដាស​ឆក់​ប្លន់​គេ​។​

១០. ខ្លះ​ស្ដាប់​កូន​ភរ​ថ្ងូរ​រកលុយ​
​ខ្លះទៀត​ប្រថុយ​លក់​គោ​ស្រែ​
​យកលុយ​ទិញ​អាយ​ហ្វូ​ន​(iPhone)​អួត​គេ​
​រំពឹង​ប្រាក់ខែ​ម៉ែ​បើក​ឲ្យ​។​

១១. ទង្វើ​មនុស្ស​ចាស់​ផ្ដាស​ដល់​ក្មេង​
​ពាក្យពិត​រែង​ស្លែង​ប្រាកដ​ហើយ​
​ទោះ​តិច​ឬ​ច្រើន​កុំ​កន្ដើយ​
​ល្មម​ដល់ពេល​ហើយ​កែ​ទម្លាប់​៕

​និពន្ធ​ដោយៈ លោក ឃុ​ល ប៊ុន​នាដ