lesson1 | រៀនបង្កើតឈុតអក្សរខ្មែរដោយខ្លួនឯង
Cen
មាតិការផ្សេងទៀត

មាតិកា

រៀនបង្កើតឈុតអក្សរខ្មែរដោយខ្លួនឯង

​សព្វថ្ងៃ​នេះ​ទោះបី​ឈុត​អក្សរ​ខ្មែរ សម្រាប់​ប្រើការ​មាន​ច្រើន​សម្បូ​រណ៍​គួរសម ល្មម​អាច​ប្រើការ​បាន​ហើយ​ក៏​ដោយ ក៏​សេចក្តីត្រូវការ​នៃ​ឈុត​អក្សរ​ថ្មី​ប្លែកៗ នៅតែ​ជា​បំណងប្រាថ្នា​របស់​អ្នក​ប្រើ​កុំព្យូទ័រ​នៅឡើយ ។​

​អ្នកខ្លះ​គិតថា ឈុត​អក្សរ​ដែល​កំពុង​ប្រើ​រាល់ថ្ងៃ មិន​សម​តាម​បំណងប្រាថ្នា អ្នកខ្លះ​យល់​ថា ល្មម​អាច​ប្រើការ​បាន ទេ​អ្នក​ដែលមាន​សេចក្តីត្រូវការ​ចាំបាច់ ក៏​បាន​ទៅ​ជួល​អ្នក​ដែល​ចេះ​បង្កើត​ឈុត​អក្សរ ឲ្យធ្វើ​អក្ស​រដែលខ្លួន​ត្រូវការ ឬ​ចង់​បាន​តាម​បំណង​របស់​គេ ។​

​សេចក្តីត្រូវការ​ខាង​ឈុត​អក្សរ​ខ្មែរ សម្រាប់​ប្រើការ​ជាមួយ PC នឹង​មិន​មាន​ទី​បញ្ជប់​ឡើយ នោះ​ក៏​ព្រោះតែ​ចំណូលចិត្ត​របស់​អ្នក​ប្រើ មាន​ការពេញចិត្ត​ចំពោះ​ឈុត​អក្សរ ( Font ) ខុសៗ​គ្នា ។ អ្នក​ប្រើ​ខ្លះ​ចង់​បាន​រូបរាង​អក្សរ​បែបនេះ អ្នក​ប្រើ​ខ្លះ​ទៀត​ចង់បាន​ឈុត​អក្សរ​បែប​នោះ ហេតុនេះ​ចំណូលចិត្ត​មិន​ដូចគ្នា​នេះ បាន​នាំ​ដល់​ឲ្យមាន​ការបង្កើតឈុត​អក្សរ​ថ្មីៗ​ឡើង ។

​ការបង្កើត​ឈុត​អក្សរ​ណាមួយ មិនមែន​ជា​រឿង​ងាយស្រួល​ប៉ុន្មាន​នោះឡើយ ពីព្រោះ​វា​ទាមទារ​ទាំង​ជំនាញ​នៃ​ការ​គូរ ការ​អំណត់​ព្យាយាម និង​ចំណេះដឹង​នៃ​ការបង្កើត​ឈុត​អក្សរ​នោះ​ផង​ដែរ ។ ដោយហេតុ​ថា ការបង្កើត​ឈុត​អក្សរ​ថ្មីៗ​មាន​ការលំបាក​បែប​នេះ ទើប​មិន​សូវ​មាន​អ្នកបង្កើត​ឈុត​អក្សរ ឬ​អាចមកពី​មិន​បាន​ដឹង​របៀប​នៃ​ការបង្កើត​ឈុត​អក្សរ​នោះ​ក៏​ថា​បាន ។​

​ដើម្បី​ជួយ​ឲ្យ​ការបង្កើត ឬ​រៀន​បង្កើត​ឈុត​អក្សរ​ថ្មីៗ អាច​ធ្វើ​ទៅ​បាន​ទាំង​អ្នក​ចេះ​ប្រើ​កុំព្យូទ័រ​ធម្មតាៗ ក៏​អាច​ធ្វើបាន​ផង​នោះ យើងខ្ញុំ​បាន​រៀបចំ​មេរៀន​នៃ​ការបង្កើត​ឈុត​អក្សរ​នេះ​ឡើង ដោយ​មាន​បំណង​បង្កើន​ចំនួន​អ្នក​ចេះ បង្កើត​ឈុត​អក្សរ​ខ្មែរ​ឲ្យមាន​កាន់តែ​ច្រើនឡើង ដូច្នេះ​ចំនួន​ឈុត​អក្សរ​ខ្មែរ សម្រាប់​ប្រើការ​នឹង​មាន​ចំនួន​កាន់តែ​ច្រើន​ឡើង​ថែម​ទៀត​ដែរ បើ​មាន​អ្នក​ចេះ​បង្កើត​ឈុត​អក្សរ​ខ្មែរ​ច្រើន​នោះ ។​