loading
ជំងឺគ្រុនចាញ់ហ្វាស៊ីប៉ារ៉ូមសំលាប់អ្នកជំងឺច្រើនជាងគេ
ដោយ : (ថ្ងៃទី 3 កញ្ញា 2009)
N/A:
ប្រជាជនដែលកំពុងប្រឈមមុខនឹងជំងឺគ្រុនចាញ់ រស់នៅតំបន់ដាច់ស្រយាល
និងតំបន់ជា
ប់ព្រំដែនក្នុងប្រទេសកម្ពុជាហើយប្រជាជនដែលចូលព្រៃនៅតែរងគ្រោះ
ដោយសារជំងឺនេះខ្ពស់ធ្វើ
ឱយពិបាកក្នុងការក្តាប់តួលេខពីអ្នកចល័តរករបរទទួល
ទានក្នុងព្រៃជ្រៅ។
ជំងឺគ្រុនចាញ់នៅតែជាបញ្ហាចោទចំពោះសុខភាពសាធារណះនៅកម្ពុជា
ដែលក្រសួងសុខាភិបា លនៅតែដាក់សកម្មភាពកំចាត់ជំងឺនេះ
ជាអាទិភាពរបស់ខ្លួននៅទ្បើយ។
លោកវេជ្ជបណ្ឌិតឌួង
សុជាតិទីប្រឹក្សាអមក្រសួងសុខាភិបាល និងជាប្រធានមជ្ឈមណ្ឌលជា
តិកំចាត់ជំងឺគ្រុនចាញ់បានមានប្រសាសន៍ឲ្យដឹងថា ជំងឺគ្រុនចា ញ់
នៅតែជាបញ្ហាចោទចំពោះសុខភាពសាធារណះរបស់ប្រជាជនកម្ពុជា
ដែលក្រសួងសុខាភិបាលបានចាត់ទុក សកម្មភាពដើម្បីកំចាត់ជំងឺនេះ
នៅតែជាការងារអាទិភាពរបស់ខ្លួន ។
មេរោគនៃជំងឺគ្រុនចាញ់ :
លោកវេជ្ជបណ្ឌិតឌួង សុជាតិបានឲ្យដឹងថាមេរោគនៃ
ជំងឺគ្រុនចាញ់ មាន៤ប្រភេទ : មេរោគគ្រុនចាញ់ប្រភេទហ្វាស៊ីប៉ារ៉ូម
មេរោគគ្រុនចាញ់ប្រភេទវីវ៉ាក់ មេរោគ គ្រុនចាញ់ប្រភេទម៉ាទ្បារីយេ
និងមេរោគជំងឺគ្រុនចាញ់ប្រភេទអូវ៉ាទ្បេ។ ក្នុងចំណោមមេរោគទាំង
៤ប្រភេទនេះ មានតែមេរោគគ្រុនចាញ់ប្រភេទហ្វាស៊ីប៉ារ៉ូមទេ
ដែលអាចសំលាប់មនុស្សបាន តែ ព្យាបាលជាសះស្បើយ។
ចំណែកមេរោគគ្រុនចាញ់បីប្រភេទទៀតមិនសំលាប់មនុស្សទេ តែការ
ព្យាបាលជា លាប់ៗ នៅភាពស៊ាំសារពាង្គកាយអ្នកជំងឺ ។
លោកប្រធានមជ្ឈមណ្ឌលជាតិបានឱយដឹងថា
ជំងឺគ្រុនចាញ់ដែលយើងសង្កេតឃើញនៅ
កម្ពុជាញឹកញាប់ជាងគេមានមេរោគប្រភេទហ្វាស៊ីប៉ារ៉ូមដែលគ្របដណ្តប់
លើអ្នកជំងឺពី៧០ ទៅ៨០ ភាគរយ
ចំណែកមេរោគប្រភេទវីវ៉ាក់គ្របដណ្តប់ពី២០ទៅ៣០ភាគរយ
នៃចំនួនអ្នកកើតជំងឺក្នុង ប្រទេស
ហើយអ្នករងគ្រោះដោយសារជំងឺគ្រុនចាញ់ច្រើនជាងគេ
ជាបុរសមានវ័យចន្លោះអាយុពី១៤ ដល់៤៥ ឆ្នាំ។
រោគសញ្ញា :
សំដៅដល់មេរោគគ្រុនចាញ់ប្រភេទហ្វាស៊ីប៉ារ៉ុម
លោកវេជ្ជបណ្ឌិតឌួង សុជាតិបានឲ្យដឹង ថា ជំងឺនេះចាប់ចេញរោគសញ្ញា
បន្ទាប់ពីមេរោគរបស់វាចូលក្នុងខ្លួនមនុស្ស រយះពេលមួយ
សប្តាហ៍ទៅ១០ថ្ងៃហើយរោគសញ្ញារបស់វាមានគ្រុនក្តៅស្រៀវស្រាញឈឺក្បាល
និងញាក់។
នៅពេលគ្រុនក្តៅសន្ធំក្នុងខ្លួនអ្នកជំងឺមានកំដៅពី៣៩ទៅ៤០អង្សាសេ
ដែលបណ្តាលឱយអ្នកជំងឺ សន្លប់ហើយឈានទៅបាត់បង់ជីវិតបាន
លោកបន្ថែមថា ពេលមេរោគ នេះចូលក្នុងខ្លួនមនុស្ស
វាដើរតួបំបែកគ្រាប់ឈាមប្រហម ដែលអ្នកជំងឺត្រូវបញ្ជូលឈាមដើម្បី
ទប់ស្កាត់ភាពស្លេកស្លាំង
និងការបាត់បង់ជាតិទឹកបណ្តាលឱយលែងមានទឹកនោម ។
ការព្យាបាល :
ការព្យាបាលជំងឺគ្រុនចាញ់ដោយមេរោគហ្វាស៊ីប៉ា
រ៉ុម អ្នកជំងឺត្រូវប្រើថ្នាំ Artsunate និងថ្នាំ Mefloquine ( A បូក M
) បូកបញ្ចូលគ្នារយះពេលបីថ្ងៃទើបជាសះស្បើយ។ ចំណែកមេរោគគ្រុនចាញ់
ប្រភេទវីវ៉ាក់ និងមេរោកពីរប្រភេទទៀត
ត្រូវព្យាបាលដោយប្រើប្រាស់ថ្នាំឈ្មោះ chioroquine រយះពេលបីថ្ងៃ។
តើប្រជាជនត្រូវរកសេវាសុខាភិបាលបែបណា ដើម្បីព្យាបាលជំងឺនេះឲ្យ មានប្រសិទ្ឋភាពនិងជាសះស្បើយ :
លោកវេជ្ជបណ្ឌិតឌួង សុជាតិបានឱយដឹងថា
បើប្រជាជនឈឺសូមកុំទៅកាន់គ្លីនិច ប្ញឱសថស្ថានឯកជន
សូមប្រជាជនទៅកាន់មណ្ឌលសុខភាព និងជួបអ្នកស្ម័គ្រចិត្តភូមិដែលទទួល
បានការបណ្តុះបណ្តាលពីមន្ត្រីក្រសួងសុខាភិបាល
ដើម្បីធ្វើតេស្តឈាមមុននឹងប្រើប្រាស់ឱសថ ។
មធ្យោបាយការពារដ៏មានប្រសិទ្ឋិភាពជាងគេប្រជាជន
ដែលនិយមការចូលព្រៃដើម្បីរកអនុផល ព្រៃឈើ
សូមកុំភ្លេចប្រើប្រាស់មុងជ្រលក់ថ្នាំជាប្រចាំ
ដើម្បីការពារកុំឱយមូសដែកគោលញី
ខាំព្រោះវាជាភ្នាក់ងារចំលងជំងឺនេះ ។
បញ្ហាប្រឈមមួយទៀតគឺប្របច្ចុប្បន្ននេះ
មន្ត្រីជំនាញកំពុងព្រួយបារម្ភនៅពេលអ្នកស៊ាំនឹង
ជំងឺគ្រុនចាញ់មានការកើនទ្បើង ដោយគិតតែក្នុងក្រុងប៉ៃលិន
មានអ្នកជំងឺរហូតដល់១០ភាគរយ
មានភាពស៊ាំនឹងឱសថនេះហើយភាពស៊ាំនឹងឱសថត្រូវគេបន្ទោសទៅលើ
ឥរិយាបទនៃការប្រើប្រាស់ ថ្នាំ ការវិវត្តន៍នៃមេរោគ
ឱសថក្លែងក្លាយដែលលក់នៅតាមឱសថស្ថាន និងការលេបថ្នាំមិនគ្រប់ចំ
នួនតាមវេជ្ជបញ្ជារបស់អ្នកជំងឺ ។
ទោះជាយ៉ាងណាករណីជំងឺគ្រុនចាញ់បានធ្លាក់ចុះក្នុងប្រទេសកម្ពុជា
យោងតាម
របាយការណ៍របស់មជ្ឈមណ្ឌលជាតិកំចាត់ជំងឺគ្រុនចាញ់ក្នុងរយៈពេល់៦ខែ
ដើមឆ្នាំ២០០៨នេះបាន
បង្ហាញថាករណីឈឺដោយសារជំងឺគ្រុនចាញ់មានការថយចុះ
ប្រមាណ៥០ភាគរយបើប្រៀបធៀប
នឹងឆ្នាំកន្លងមកព្រោះរយៈពេល៦ខែដើមឆ្នាំ២០០៨នេះមានប្រជាជនចំនួន
២០.៥៣៣ករណីបានឈឺដោយសារជំងឺនេះក្នុងនោះស្លាប់ចំនួន៦៥ករណី។
អត្រាឈឺដោយសារជំងឺគ្រុនចាញ់មានម្នាក់ លើ ប្រជាជន១.០០០នាក់
និងស្លាប់៦៥នាក់លើចំនួនប្រជាជន១០០.០០០នាក់ ៕
