នៅក្នុង​ការតាំង​ពិ​ពណ៌​គ្រឿង​អេឡិចត្រូនិច​ក្នុង​ឆ្នាំ ២០១០ នេះ​ លោក Balmer បានបង្ហាញ Tablet មួយ​គ្រឿង​ផលិត​ដោយ HP ព្រម​ជាមួយ​ការបញ្ជាក់​ថា HP islate Tablet នេះ​ដំណើរការ​ដោយ Window 7 ដែល OS ចុងក្រោយ​គេ​របស់ Microsoft ប៉ុន្តែ​នៅក្នុង​ពេល​ថ្មីៗ​នេះ ក្រុមហ៊ុន HP បាន​សម្រេចចិត្ត​ផ្អាក​ការចេញលក់ islate Tablet នេះ​វិញ​ ដោយសារ​មិន​ពេញចិត្ត​ចំពោះ​របៀប​ដែល Window Tablet 7 មិនអាច​ដំណើរការ​បាន​តាម​ការ​ចង់​បាន ​ដោយសារ​វា​នៅ​មាន​បញ្ហា​មួយចំនួន, មួយ​វិញ​ទៀត​នោះ​ គឺ​នៅក្នុង​ពេល​តែមួយ ក្រុមហ៊ុន HP បាន​សម្រេចចិត្ត​ទិញ​យក​បច្ចេកវិទ្យា​របស់ Palm (Palm OS) ក្នុងតម្លៃ ១២០០​ដុល្លារ ដើម្បី​យក Palm OS មក​អភិវឌ្ឍន៍​ឲ្យទៅជា Web OS Plate Form សម្រាប់ Tablet របស់ខ្លួន និង​សម្រាប់​គ្រឿង Devices ផ្សេងៗ​ទៀត ។​

​ ​ក្រៅ​ពី​ក្រុមហ៊ុន HP សម្រេចចិត្ត​ធ្វើ​ដូច្នេះ ​ក្រុមហ៊ុន Microsoft ដែល​ផលិត Courier Tablet ដែរ​នោះ ​ក៏​បាន​សម្រេចចិត្ត​ផ្អាក​ការចេញលក់ Courier Tablet របស់​ខ្លួន​ដែរ ចំពោះ​មូលហេតុ​វិញ​នោះ​គឺ​អាច​ដោយសារ​បញ្ហា OS ដំណើរការ​មិន​ល្អ និង​អាច​ថា​មាន​បញ្ហា​បច្ចេកទេស​ផ្សេងៗ​ទៀតផង ។​

​ ​រហូតមកទល់​ពេលនេះ ​ទាំង​ក្រុមហ៊ុន HP និង Microsoft មិន​បាន​ចេញ​សេចក្តីប្រកាស​ណាមួយ​ច្បាស់លាស់​នៅឡើយ​ទេ ប៉ុន្តែ​លោក Balmer ដែល​ជា​នាយក​ប្រតិបត្តិ​របស់ Microsoft បាន​ប្រកាស​ជា​ថ្មី​ថា Tablet ដំណើរការ​ដោយ Window OS 7 អាច​នឹង​មាន​ចេញ​លក់​នៅ​ដំណាច់​ឆ្នាំ​នេះ (២០១០) ។​

​ ​ទោះបី​មាន​សេចក្តីប្រកាស​បែបនេះ​ក៏ដោយ​ក៏​គេ​នៅ​មិនទាន់​ដឹងថា '​តើ​អាច​មាន Tablet ដំណើរការ​ដោយ Window 7 ចេញ​លក់​បាន​ដែរឬទេ ?' នៅ​ដំណាច់​ឆ្នាំ​នេះ ៕