Cen

ក្រុមហ៊ុន Gigabyte និង​ផលិត tablet ដែល​អាច Boot Windows OS និង Android

បើ​យោងតាម​សេចក្តីប្រកាស​មួយ ដែល​ធ្វើឡើង​ដោយ​ក្រុមហ៊ុន​តៃវ៉ាន់​មួយ​នេះ បាន​ឲ្យ​ដឹងថា ក្រុមហ៊ុន​នេះ​មាន​គម្រោង​បញ្ចេញ​លក់ Tablet ជំនាន់​ថ្មី​ទៀត​បន្ទាប់ពី Gigabyte S1080 ដែល​បាន​ចេញលក់​រួចហើយនោះ ។ Tablet ទាំងពីរ​នោះ មួយ​អាច​ប្រើ​បាន​ទាំង windows និង Android ឯ​ចំណែក​មួយទៀត​ចេញលក់​នៅក្នុង​ឆ្នាំក្រោយ អាច​ប្រើ​បាន​ទាំង Windows 7 និង Window 8 ។​

​ ​Tablet ចេញ​ក្រោយនេះ​មាន​ទំហំ​ពីរ​ខុសគ្នា គឺ​មួយ​ទំហំ 7" និង​មួយទៀត​ទំហំ 10", tablet 10" នឹង​ត្រូវគេ​ដាក់​ឲ្យ​ប្រើ Android 3.0 (Honey comb) ចំណែក​មួយទៀត ដែលមាន Screen តូច​ជាង និង​ត្រូវគេ​ដាក់​ឲ្យ​ប្រើ Android 2.2 ។​

​ ​ចំណែក tablet មួយបែប​ផ្សេងទៀត អាច​ឲ្យ​អ្នកប្រើប្រាស់​ជា​របៀប duah boot បាន​ដោយ​គ្រាន់តែ​ជ្រើស​យក​ការប្រើ Windows ឬ Android នៅពេល​គេ​បើក​ប្រើ​វា​នៅ​ខណៈ​ដំបូង​, Tablet ប្រភេទ​នេះ​នឹង​តម្រូវ​បាន​ទាំង​ចំពោះ​អ្នក​ប្រើ Windows និង​អ្នក​ប្រើ Android ។ លោក ម៉ា (Ma) ដែលជា​អនុប្រធាន​របស់​ក្រុមហ៊ុន បាន​ឲ្យ​ដឹង​ដែរ​ថា លោក​នៅ​មិនទាន់​ច្បាស់​ទេ​ថា តើ Android Version ណាមួយ​ដែល​លោក​នឹង​យកមកប្រើ​ជាមួយ Tablet ប្រភេទ Duah boot នោះ ។​

​ ​Tablet ចេញ​ថ្មី​នោះ និង​មិនមាន USB port ទេ មួយទៀត​នោះ គឺ​វា​ទាំងពីរ​ប្រើ Intel CPU ប្រភេទ A torn ។​

​ ​មូលហេតុ​ដែល Gigabyte មិន​ដាក់​ឲ្យ​មាន USB port សម្រាប់ tablet ចេញ​ថ្មី​នេះ គឺ​បណ្តាលមកពី Gigabyte យល់ថា អ្នក​ប្រើ​មិនត្រូវ​ការ​វា ព្រោះ tablet ដែល​ចេញលក់​ពេលមុន​ម៉ូ​ដែល S1080 មាន​បំពាក់ USB port រហូតដល់​ទៅ​បី (​វា​នឹង​ជា​ប្រការ​មួយ​មិនល្អ​សោះ ព្រោះ USB port អាច​ឲ្យ​យើង ប្រើ​អ្វី​ផ្សេងៗ​ទៀត​បាន​ច្រើន ទាំង USB Modem, TV eard, ត​ភ្ជាប់​ទៅ​គ្រឿង​ឧបករណ៍​ផ្សេងទៀត និង​មាន​ច្រើន​ទៀត​រាប់មិនអស់​) ។​

​ ​សម្រាប់​អ្នក​ដែល​ចង់​ប្រើ tablet ឲ្យ​ដូចជា​កុំព្យូទ័រ​ធម្មតា សូម​ទិញ Gigabyte ម៉ូ​ដែល S1080 (tablet) ប្រើ​ចុះ ល្អ​ជាង​ការប្រើ iPad II ឆ្ងាយ​ណាស់ ព្រោះ​វា​មាន​លក្ខណៈពិសេស​ច្រើនជាង អាច​ប្រើ​ប្រូ​ក្រាម windows បាន​ទាំងអស់ ។​

​ ​តំណាង Gigabyte បាន​ឲ្យ​ដឹងផង​ដែរ​ថា Microsoft គួរ​គិតគូរ​ធ្វើយ៉ាងណា​ឲ្យ Windows 8 អាច​ដើរ​ជាមួយ ARM CPU បាន បើ​មិន​ដូច្នោះ​ទេ Micosoft អាច​បាត់បង់​ទីផ្សារ​មួយ​នេះ​ព្រោះ ARM CPU ស៊ី​ភ្លើង​តិច មាន​សមត្ថភាព​ខ្ពស់ជាង ។​

​ ​ចំពោះ​ម៉ូ​ដែល​ប្រុង​ចេញ​ថ្មី អាច​នឹងមិន​គាប់ចិត្ត​ចំពោះ​អ្នក​ប្រើ​ច្រើន​ទេ ព្រោះ​គ្មាន USB port ជាហេតុ​ធ្វើ​ឲ្យ​ការចម្លង file មានការ​ពិបាក​ខ្លះៗ​មិន​ខាន ។ តែ​វា​មាន port សម្រាប់​ប្រើ SD card តែ​តាមពិតទៅ USB port វា​សំខាន់​ជាង​ច្រើនណាស់ ។​

​ ​សូមបញ្ជាក់ថា tablet សឹងតែ​ទាំងអស់ គ្មាន​ដាក់ USB port ខ្នាត​ពេញ (​រន្ធ USB ធម្មតា​) ទេ មានតែ​រន្ធ USB ខ្នាតតូច Mini USB ដល់​អីចឹង​ទៅ​យើង​មានការ​ពិបាក​ច្រើន ។​

​ ​ក្នុងចំណោម tablet ទាំងអស់​មានតែ Gigabyte S1080 មួយ​ប៉ុណ្ណោះ​ដែលមាន USB2 port និង USB3 port ។​

​ ​តែ​នៅ​ប្រទេស​កម្ពុជា​ច្រើន​ពេលនេះ មិនមាន​លក់​ទេ ទាល់តែ​កុម្ម៉ង់​ទិញ តែ tablet ផ្សេង​ពីនេះ​មាន​លក់​ស្ទើរ​គ្រប់កន្លែង ៕

ពត័មានកុំព្យូទ័រ