​Gigabyte S1080 ចេញលក់​ហើយ អ្នករស់នៅ​សហរដ្ឋអាមេរិក​អាច​បញ្ជា​ទិញ​មុន​បាន​សម្រាប់​ការផ្ញើ​ឱ្យនៅ​ថ្ងៃទី​១ ខែកក្កដា​នេះ ។ ថេប​ប្លិ​ត​នេះ​ត្រូវបាន​គេ​ចេញលក់​ជាដំបូង​នៅ​តៃវ៉ាន់​និង​នៅ​អូស្ដ្រាលី វា​ជា​ថេប​ប្លិ​ត​មួយ​ដំបូង​គេដែល​ផលិត​ដោយ​ក្រុមហ៊ុន​មានឈ្មោះ​ល្បីដែល​​បំពាក់​ហាដ​ឌី​ស​ឱ ្យ​វា​រហូតដល់​ទំហំ ៣២០ Gigabyte មាន​អេក្រង់​ទំហំ​រហូតដល់​ទៅ ១០.១​អ៊ី​ញ ប្រើ dual-core Atom N570 មាន​រន្ធ​ដោត​យូ​អេស​ប៊ី 3.0 (3.0 USB port) 802.11b/g/n WiFi, Bluetooth 3.0, 1.3 megapixel webcam និង​ដើរ​ដោយ Windows 7 ដែល​ទើប​ចេញ​ថ្មី​​ដោយ​ក្រុមហ៊ុន​ម៉ៃ​ក្រូ​សូ​ហ្វ ។

នេះ​គឺជា​ថេប​ប្លិ​ត ដែល​ល្អ​ល្មម​គ្រប់គ្រាន់​សម្រាប់​អ្នក​ដែល​ត្រូវ​នាំយក​ការងារ​ទៅតាម​ខ្លួន​និង​មិន​ចង់​បែក​ចិ​ត្ដ​ចេញពី Good Old Windows ដែល​ធ្លាប់ប្រើ ធ្លាប់​ស្គាល់​រួចហើយ ។ វា​អាច​​បំពេញ ការងារ​ស្ទើរ​គ្រប់យ៉ាង​ដែល​យើង​ត្រូវការ​ជាមួយ​វា ។

ជាធម្មតា ថេប​ប្លិ​ត​ភាគច្រើន មាន​កន្លែង​សម្រាប់​រក្សា​ហៃ្វ​ល៍​ទុក​ត្រឹមតែ ៣២ ទៅ ៦៤​ជី​ហ្កា​បៃ​ត៍ ប៉ុណ្ណោះ​យ៉ាងច្រើន តែ​ដោយឡែក​ក្រុមហ៊ុន​ជី​ហ្កា​បៃ​ត៍​បាន​ឈាន​ទៅមួយ​ជំ​ហ៊ាន​យ៉ាង​វែង ដោយ​សម្រេច​ដាក់​ហាដ​ឌី​ស​ឱ្យ​ថេប​ប្លិ​តរបស់​ខ្លួន​ដល់​ទំហំ ៣២០​ជី​ហ្កា​បៃ​ត៍ វា​ប្រសើរ​ជាង​ថេប​ប្លិ​ត​ដទៃ​​ឯទៀត​ច្រើនណាស់ បើ​ប្រៀបធៀប​ទៅ​អ្វីដែល​វា​មាន ៕