​សព្វថ្ងៃនេះ​ទីផ្សារ Tablet កំពុង​ឡើង​កំដៅ​យ៉ាងខ្លាំង​ចាប់តាំងពី​ក្រុមហ៊ុន Apple បាន​ដណ្តើមយក​ទីផ្សារ​នេះ​មុនគេ​កាលពី​ខែ ៤​កន្លងទៅនេះ ។​

​ ​មាន​ក្រុមហ៊ុន​ជាច្រើន​បាន​ប្រឹងប្រែង​ចេញមក​ដណ្តើមយក​ទីផ្សារ Tablet នេះដែរ តែ​វា​ហាក់ដូចជា​យឺត​ពេល​បន្តិច​ទៅហើយ ពីព្រោះ​ត្រឹមតែ ១​ខែ ដំបូង Apple លក់ Tablet របស់ខ្លួន​បាន​រហូតដល់​ទៅ ១​លាន​គ្រឿង គឺមាន​ចំនួន​ច្រើនជាង​ការលក់ Iphone 3G ទៅទៀត ។​

​ទោះបីជា​យ៉ាងណាក៏ដោយ ក្រុមហ៊ុន MSI ដែលជា​ក្រុមហ៊ុន​ផលិត​គ្រឿង​កុំព្យូទ័រ និង​គ្រឿង​អេ​ឡិច​ត្រូ​និ​ច​ដ៏​ធំ​មួយ​ដែរនោះ បានដាក់​ចេញលក់ MSI 3G SlateBook ប្រជែង​ជាមួយ Apple និង​ក្រុមហ៊ុន​ដទៃ​ដែរ ។​

​ ​តាម​ដំណឹង​មួយទៀត​បាន​ឲ្យ​ដឹងថា ក្រុមហ៊ុន Microsoft ដែលមាន​ការផលិត Tablet ជាសម្ងាត់​ដែរនោះ បាន​ទម្លាក់​គម្រោង​នោះ​ចេញ​វិញ ទោះបី Tablet ដែល​បាន​ផលិត​នោះ​ចូលដល់​ដំណាក់កាល​ផលិត​លក់​ក៏ដោយ ។ ពុំ​ដឹងថា ក្រុមហ៊ុន​ម៉ៃ​ក្រូ​សូ​ហ្វ​ធ្វើបែបនេះ​ដោយសារ​មូលហេតុ​អ្វី​ឡើយ ។​

​ ​នៅមាន​ក្រុ​ហ៊ុន​ជាច្រើន​ទៀត​បាន​ផលិត Tablet សម្រាប់​លក់ តែ​មិនដឹង​អាច​លក់បាន​ដូច Apple iPad ដែរ ឬ​យ៉ាងណា​នោះទេ ៕