ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News - សម្ភារៈទំនើប
Cen

Acer IConia A510 ទំហំ 10.1 អ៊ី​ញ​ចេញលក់​ហើយ​

បន្ទាប់ពី​ចេញលក់ Acer IConia A500 រួចមក Acer ហាក់ដូចជា​បាន​នៅ​ស្ងាត់ស្ងៀម​មួយ​រយៈពេល​យ៉ាងយូរ រហូត​មានការ​សង្ស័យថា Acer មិនអាច​ប្រកួត​ជាមួយ Tablet ផ្សេងទៀត​បាន ប៉ុន្តែ​ផ្ទុយទៅវិញ​ក្នុងពេល​ប៉ុន្មាន​សប្តាហ៍​កន្លងទៅនេះ Acer បានប្រកាស​ឲ្យ​ដឹង​ពី Tablet ចេញ​ថ្មី​គឺ Model A510 (A=Android OS) មាន Screen resolution ទំហំ 10.1 អ៊ី​ញ (1280X800) បានដាក់​ឲ្យ Pre order ចាប់ពីពេលនេះ​ទៅហើយ​នៅតាម (online) Website លក់ទំនិញ​នានា​។​

​ ​អ្វីដែល​គួរ​ឲ្យ​ចាប់អារម្មណ៍​សម្រាប់ Tablet ថ្មី​នេះ​គឺ​នៅត្រង់​វា​ប្រើ Nvidia Quad-Core Tegra 3 Soc និង​ប្រើ Android Icecream Sandwich (​មានការ​កែ​លើ UI ខ្លះ​ដែល Acer ចង់បាន​)​។​

​ ​Tablet ថ្មី​នេះ​ក្រុមហ៊ុន Acer បាន​ដាក់លក់​ក្នុងតម្លៃ 450 ដុល្លារ​មាន Storage ទំហំ 32 Gb មាន RAM ចំនួន 1 Gb អាច​ជ្រើស​រើសយក​ពណ៌​ខ្មៅ​ឬ​ពណ៌​ស​ក៏បាន​។ ក្រៅពីនេះ​វា​នៅមាន​កាមេរ៉ា​ខាងមុខ​ទំហំ 1Mp រួមជាមួយ Autofocusing ចំណែក​កាមេរ៉ា​នៅ​ខាងក្រោយ​មាន​ទំហំ 5Mp​។​

​ ​លក្ខណៈពិសេស​មួយទៀត​របស់ Acer A510 នេះ​គឺ​ថ្ម​របស់​វា​អាច​ឲ្យ Play Video បាន​រហូតដល់ 12 ម៉ោង អាចនិយាយបាន​ថា​វា​ជា Tablet ដែលមាន​ថ្ម​ប្រើ​បានយូរ​ជាង Tablet ផ្សេងៗ​ឆ្ងាយ​ណាស់​៕​

បច្ចេកវិទ្យា

ផ្សព្វផ្សាយ​ពាណិជ្ជកម្ម​លើ គេហទំព័រ​
​សូម​ទំនាក់ទំនង : ០២៣ ៩៩៣ ៧៤៣ និង ០២៣ ៦៩១ ៩៤០១​