​បន្ទាប់ពី​ព្រមាន​, មិនទាន់មាន​សញ្ញា​អាក្រក់​ចំពោះ Domain name របស់ Internet

សេចក្តី​ព្រមាន​ចេញផ្សាយ​ដោយ​ពួក Hacker អនាមិក​មួយ​បាន​ឲ្យ​ដឹងថា​ ពួកគេ​នឹងធ្វើ​ឲ្យ​ប្រព័ន្ធ Internet ​ដួលរលំ​នៅ​ថ្ងៃទី 31 ខែមីនា វាបានធ្វើ​ឲ្យ​ពិភពលោក​ទាំងមូល​បើក​ភ្នែក​ធំៗ ព្រោះ​វា​អាច​នឹង​ក្លាយទៅជា​រឿង​ដ៏​អាក្រក់​បំផុត​មួយ​ដែល​មិន​ធ្លាប់មាន​។​
​ ​ប៉ុន្តែ​ថ្ងៃ 31 ខែមីនា​បាន​កន្លងផុត​ទៅហើយ គេ​នៅ​មិនទាន់​ឃើញ​មាន​អ្វី​កើតឡើង​នៅឡើយ​ទេ ត្រង់នេះ​វា​ក៏បាន​ធ្វើ​ឲ្យ​គ្រប់គ្នា​បាន​ធូរចិត្ត​បន្តិច​វិញ​ដែរ ព្រោះ​បើសិន​អ្វីៗ​ត្រូវបាន​កើតឡើង​ដូច​ការដែល​ក្រុម​ជនអនាមិក​នោះបាន​ព្រមាន​មែន យើង​មិនដឹងថា​តើ​បញ្ហា​អ្វីខ្លះ​កើតឡើង​នោះទេ​។​
​ ​កាលពី​ជាង​មួយខែ​មុននេះ​ពួកក្រុម Hacker អនាមិក​បានចេញ​សេចក្តី​ព្រមាន​មួយ​ថា​ពួកគេ​នឹង​ផ្តួលប្រព័ន្ធ Internet ដោយ​ប្តូរ Domain name របស់ Website ឲ្យ​ទៅជា​លេខ​ជា​ជំនួស​វិញ​, បន្ទាប់ពី​សេចក្តីប្រកាស​នោះ​ត្រូវបាន​ធ្វើឡើង មានការ​ខិតខំ​ជាច្រើន​ត្រូវបាន​គេ​ធ្វើឡើង​ដើម្បី​ការពារ​ប្រព័ន្ធ​របស់ Domain កុំ​ឲ្យ​ធ្លាក់​ចូលក្នុង​កណ្តាប់ដៃរ​បស់​ពួក Hacker ទាំងនោះ​នាប៉ុន្មាន​សប្តាហ៍​ចុងក្រោយ​នេះ ហើយ​ប្រាក់​ច្រើន​លាន​ដុល្លារ​ក៏ត្រូវ​បាន​ចំណាយ​សម្រាប់​បង្កើត​ខែល​ការពារ​មួយ​ដែល​រឹងមាំ​ជាងមុន តែ​ក៏​មិនទាន់​ដឹងថា​វា​អាច​ការពារ​បានដែរ​ឬ​យ៉ាងណា​នោះទេ​។​
​ ​គេនៅ​មិនទាន់​ដឹង​ទេ​ថា តើ​នឹងមាន​អ្វី​កើតឡើង​នៅពេល​អនាគត​ខាងមុខ ព្រោះ​សូម្បី​ប្រព័ន្ធ Credit Card ត្រូវ​ពួក​នោះ​ចូល​បាន Google ត្រូវ​ពួក​នោះ​ចូល​រំខាន​បាន និង​នៅមាន​ទៀត​ដែល​សឹង​ជា Website មិនអាច Hack បាន តែ​ផ្ទុយទៅវិញ​នៅតែ​ត្រូវ​ក្លាយជា​អ្នករងគ្រោះ​ដោយសារ​អំពើ​របស់ Hacker អនាមិក​ទាំងនោះ​ដែរ។​
​ ​ទាំងអស់គ្នា​នៅ​រង់ចាំ​មើលថា ​តើ​មាន​អ្វី​កើតឡើងចំពោះ​ប្រព័ន្ធ Internet។ សម្រាប់​ពេលនេះ​យើង​បាន​ត្រឹម​រង់​ចាំមើល​តែប៉ុណ្ណោះ​៕​