Internet Explorer លែង​ជា​ជម្រើស​ទីមួយ​

​វា​គឺជា​សប្តាហ៍​ដំបូង​បំផុត​នៃ​ប្រវត្តិសាស្ត្រ ព្រោះ Google Chrome បានក្លាយ​ទៅជា Browser ដែល​គេ​ប្រើ​ច្រើន​បំផុត​ក្នុង​ពិភពលោក​។ Statcounter បានបញ្ជាក់​យ៉ាងច្បាស់​ពី​បញ្ហា​នេះ ដោយសារ​អ្នក​ប្រើ Browser ច្រើនឡើង បាន​បោះបង់ចោល Internet Explorer (IE) នៅ​ចុង​សប្តាហ៍​នៃ​ថ្ងៃ​ឈប់សម្រាក​ពី​ការងារ​រួច download យក Chrome មក​ប្រើ​ជា​ជំនួស​វិញ​។ ចាប់ពី​ថ្ងៃទី ១៤ ដល់​ថ្ងៃទី ២០ ខែឧសភា​កន្លងទៅនេះ វា​ត្រូវបាន​កត់ត្រា​ថា ជា​លើកទីមួយ​ហើយ​ដែល Chrome ត្រូវបាន​គេ​ប្រើ​ជា Browser នៅលើ Traffic របស់ Internet ពេញ​មួយ​សប្តាហ៍​តែម្តង​។​

​ ​កាលពី​មុននេះ ក្រុមអ្នកវិភាគ​បាន​ប៉ាន់​ស្មានថា Chrome និង​ក្លាយជា Browser ដ៏​មាន​ប្រជាប្រិយភាព តែ​ដោយឡែក​នៅក្នុង​សហ​រដ្ឋា​មេ​រិ​ក​វិញ Internet Explorer នៅតែ​អ្នក​នាំមុខគេ​ក្នុងការ​ប្រើប្រាស់​ដដែល គឺ​ប្រហែលជា ២៦-៣៧ ភាគរយ​នៃ​អ្នក​ប្រើ​។​

​ ​តើ​តំបន់​ណាខ្លះ​ដែល​ប្រើ Chrome ច្រើនជាងគេ​ក្នុង​ពិភពលោក​? នៅ​អ៊ឺរ៉ុប Chrome ច្រើន​ជា Internet Explorer កាលពី​ពីរ​សប្តាហ៍​កន្លងទៅ តែ​គ្រាន់តែ​ជា​តួលេខ​ប៉ុណ្ណោះ មិនបាន​ក្លាយជា​ចំណាត់ថ្នាក់​នៅឡើយ​ទេ តែ FireFox ទៅវិញ​ទេ ដែល​ត្រូវគេ​ប្រើ​ច្រើនជាង Browsers ទាំងពីរ​។ IE នៅតែ​នាំមុខគេ​ទី​ពីរ​ក្នុងចំណោម​ប្រទេស Oceania គឺ​ក្រោម Chrome បន្តិច ចំណែក Firefox វ៉ា​ដាច់ Chrome និង IE នៅ​ទ្វីប​អា​ហ្វ្រី​ក​ទាំងស្រុង​។​

​ ​IE នៅតែ​ជា​ជម្រើស​ទីមួយ​ក្នុងប្រទេស​ជប៉ុន គឺមាន​អ្នក​ប្រើ​ច្រើនជាង 50​ភាគរយ​, ចំណែក​ប្រទេស​ចិន និង​កូរ៉េខាងត្បូង អ្នក​ប្រើ​បី​ភាគ​បួន ប្រើ IE របស់ Microsoft នៅ​ឥណ្ឌា​ឯណោះ​វិញ Chrome ត្រូវបាន​នាំមុខគេ តែ​លើសគេ​តែ​៨​ភាគរយ​ប៉ុណ្ណោះ​។ ប៉ែក​ខាង​អា​មេ​រិច​ខាងត្បូង​វិញ មាន​អ្នក​ប្រើ​ច្រើនជាង ៥០​ភាគរយ​នៃ​ចំនួន​អ្នក​ប្រើ​។​

​ ​ទោះជា​យ៉ាងណាក៏ដោយ នៅពេល​មួយ Chrome គង់​នឹង​ក្លាយជា Browser ត្រូវបាន​គេ​ប្រើ​ច្រើនជាងគេ​មិន​ខាន​។​

​ ​សម្រាប់​ប្រទេស​កម្ពុជា​យើង​វិញ Firefox គួរតែ​ជា​ជម្រើស​ទីមួយ​ទើប​ត្រឹមត្រូវ ព្រោះ​វា​អាច​ឲ្យ​យើង​មើល Website ជា​ភាសា​ខ្មែរ​បាន​ត្រឹម​ត្រូវជា Browsers ដទៃ​ឯទៀត ទោះបី​វា​នៅមាន​បញ្ហា​តិចតួច​ក៏ដោយចុះ តែ​ខ្ញុំ​នៅតែ​ជ្រើសរើស​ប្រើ​វា​ដោយ​មិនបាន​ប្រើ Browser ផ្សេង​ពីនេះ​ឡើយ ព្រោះ​មិនអាច​ប្រៀប​ស្មើ​ជាមួយ Firefox បាន​។ សម្រាប់​អ្នក​ដែល​មិនទាន់បាន​សា​កល្ប​ប្រើ សូម​សាកល្បង​ប្រើ​ចុះ នោះ​នឹង​ដឹងថា វា​ល្អ​សម្រាប់​ភាសា​ខ្មែរ​យើង​ប៉ុណ្ណា និង​ប្រសើរ​ជាង Browsers ដទៃ​ច្រើន​ប៉ុណ្ណា​៕​