Cen

​Logitech Z906

​ក្រុមហ៊ុន Logitech ប​ញេ្ច​ញ​លក់ គ្រឿង​បំពង​សម្លេង​យ៉ាង​ទំនើបកាលពីពេល​កន្លងមក​នេះ ឡូ​ជី​ថិ​ច បា​នប​ញេ្ច​ញ​លក់​គ្រឿង​បំពង​សម្លេង​ម៉ូ​ដែល Z5500 ប្រកបដោយ​ជោគ​ជ័យ​យ៉ាងខ្លាំង ដោយ​ឃើញបែបនេះ ក្រុមហ៊ុន ឡូ​ជី​ថិ​ច បាន​ផលិត​ម៉ូត​ដែល Z906 មួយ​ថ្មី​ទៀត ដើម្បី​បំពេញ​តាម​ការចង់បាន​របស់​អ្នក​ប្រើ ។

ម៉ូត​ដែល​ថ្មី​នេះ មាន​កម្លាំង​ប​ញេ្ច​ញ​សម្លេង​រហូតដល់ 500W មាន​ប្រព័ន្ធ​សម្លេង THX យ៉ាង​ទំនើប​បំផុត និយាយឱ្យចំ​ទៅ គ្រឿង​បំពង​សម្លេង​នេះ ត្រូវបាន​ផលិតឡើង​ដើម្បី​បង្កើតបានជា​ប្រព័ន្ធ​សម្លេង ដូច​នៅក្នុង​រោងភាពយន្ដ​ដែរ ( theater sound quality ) ព្រោះ​វា​មាន​ប្រព័ន្ធ​បង្វិល​សម្លេង​ឱ្យឮ​បណ្ដាក់​គ្នា ទៅតាម​ការបង្ហាញ​រប​ស់​វី​ឌី​អូ ឬ​សម្លេង​ចេញពី​ឌី​ស ។

​ ​វា​ប្រើ​ប្រព័ន្ធ 5.1 Surround Sound ដែលមាន​គ្រឿង​បំពង​សម្លេង​ចំនួន​ប្រាំ បូក​បន្ថែម បាស​ធំ​មួយ ដើម្បី​បង្កើន​សន្ធឹក​សម្លេង​ឱ្យ​ខ្ទ័រ​ខ្លាំង ។

បើ​យើង​ទិញ​ឌី​ស ឌី​វី​ឌី មក​មើល​ដែលមាន​ដាក់​សញ្ញា​ឡូ​ហ្កូ THX នោះ​​យើង​នឹង​បានឮ​សម្លេង​យ៉ាង​ពិ​រោះ​រណ្ដំ​បណ្ដេញ​តាម​គ្នា ឆ្លាស់​ពីមុខ​ទៅក្រោយ​និង​ពីឆ្វេង​ទៅ​ស្ដាំ ជួនកាល​​សម្លេង​នោះ​រត់តាម​សកម្មភាព​របស់​រូប បី​ដូចជា​សម្លេង​ពិតៗ​តែម្ដង​, តែបើ​យើង​ទិញ​ឌី​ស​ដែល​គេ​ចម្លង​​យើង​នឹង​មិនអាច​បានឮ​សម្លេង​ដ៏​ពិ​រោះ​បែប​នោះឡើយ ។

តាម​ដំណឹង​ដែល​បានប្រកាស គេ​បាន​បញ្ជាក់ថា​​វា​មានតម្លៃ​លក់រាយ​ប្រហែលជា $349.99 និង​ត្រូវគេ​ចេញលក់​នៅ​នៅ​ចុងខែ​មិនា​ឆ្នាំ​២០១១ នេះហើយ ៕

បច្ចេកវិទ្យា

ផ្សព្វផ្សាយ​ពាណិជ្ជកម្ម​លើ គេហទំព័រ​
​សូម​ទំនាក់ទំនង : ០២៣ ៩៩៣ ៧៤៣ និង ០២៣ ៦៩១ ៩៤០១​