ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News - សម្ភារៈទំនើប
Cen

USB 3.0

សំរាប់​អ្នកប្រើប្រាស់​កុំព្យូទ័រ នៅពេល​គេ​និយាយ​ដល់​ពាក្យ USB គេ​នឹង​ដឹង​ភ្លាម​ថា​វា​គឺជា Port, ជា​ខ្សែ​, ជា​ឧបករណ៍​អ្វី​ដែល​អាច​ត​ភ្ជាប់​គ្នា​ដោយ​ប្រើ Port USB ។ បច្ចុប្បន្ន​នេះ​ឧបករណ៍​កុំព្យូទ័រ​មួយ​ចំនួន​ធំ​ស្ទើរតែ​ទាំងអស់​ត្រូវបាន​គេ​ច្នៃ​ឲ្យ​ត​ភ្ជាប់​គ្នា​តាមរយៈ USB Cable ។ ជាង ១៣ ឆ្នាំ​មកហើយ​ដែល Port USB ត្រូវបាន​គេ​ប្រើប្រាស់​សំរាប់​ត​ភ្ជាប់​ឧបករណ៍​នានា និង​បាន​ក្លាយទៅជា Standard មួយ​រួច​ទៅ​ហើយ ។

​​តាំងតែ​ពី​ពេល​ដែល​វា​ត្រូវ​បាន​គេ​ដាក់ឲ្យ​ប្រើប្រាស់​តាំងពី​ឆ្នាំ ១៩៩៥ មក វា​ត្រូវ​បាន​គេ​សាទ​រថា​ជា​វិធី​មួយ​ថ្មី​ទៀត សំរាប់​ជំនួស​ឲ្យ​វិធី​ត​ភ្ជាប់​តាម​បែប​ផ្សេងៗ​នា​ពេលកន្លងមក ដែល​មាន​ការលំបាក និង​មាន​វិធីសាស្ត្រ​ខុសៗ​គ្នា ។

USB 1.1 អាចឲ្យ​គេ​បញ្ចូល data (​ទិន្នន័យ​) បាន​ចំនួន 12Mbps (១២ មេហ្គាបៃត៍​ក្នុង​១​វិនាទី​) រហូតមកដល់ Version ថ្មី​ទៀត​គឺ 2.0 វា​អាច​បញ្ចូល data បាន​ចំនួន 480Mbps (៤៨០ មេហ្គាបៃត៍​ក្នុង​១​វិនាទី​) ។​ ​

​ពេលវេលា​បាន​កន្លងផុតទៅ​, ការស្រាវជ្រាវ​និង​ការអភិវឌ្ឍន៍ USB បាន​បន្ត​ទៅមុខ រហូតមកដល់​ពេលនេះ​គឺ ៨ ឆ្នាំ​ហើយ​ដែល USB 2.0 បាន​ដាក់ឲ្យ​ដំណើរការ ។ ឥឡូវ​នេះ​អាច​ថា​ជា​ពេលវេលា​មួយ​ថ្មី​ដែល​ត្រូវ​ជំនួស USB 2.0 ជាមួយនិង USB 3.0 ដែល​មាន​លក្ខណៈ​ទំនើប​ជាង និង​ល្អ​ជាង Version ចាស់ 2.0 ។ USB 3.0 ត្រូវបាន​គេ​ផលិត​រួច​ទៅ​ហើយ មិនតែប៉ុណ្ណោះ​នាពេល​ឆាប់ៗ​ខាងមុខនេះ គេ​នឹង​ដាក់​ឲ្យ​វា​ដំណើរការ ឯ​ក្រុមហ៊ុន​មួយចំនួន​នឹង​ចាប់ផ្តើម​ដាក់បញ្ចូល USB 3.0 ទៅក្នុង System របស់ខ្លួន ឯ​កុំព្យូទ័រ Mainboard ថ្មីៗ​ក៏​នឹង​មាន​ភ្ជាប់ USB 3.0 រួចជាស្រេច​ជាមិនខាន ។ USB បាន​ត្រូវ​គេ​ចាត់ទុក​វា​គឺជា​វិធិ​មួយ​ដ៏​ល្អ​បំផុត​ក្នុង​ការបញ្ជូន​ទិន្នន័យ​ពី​ឧបករណ៍​មួយ​ទៅ​ឧបករណ៍​មួយទៀត ក្នុង​ល្បឿន​មួយ​ដ៏​លឿន ដោយសារ​ល្បឿន​ដ៏​លឿន​នេះ​បាន​ធ្វើឲ្យ​វា​ក្លាយទៅជា Port (​ទី​សំរាប់​ត​ភ្ជាប់​) មួយ​សកម្ម​ជាង​គេ និង​ត្រូវបាន​គេ​ប្រើ​ញឹកញាប់​ជាង​គេ ។

សំរាប់ USB 3.0 ល្បឿន​របស់​វា​កាន់តែ​លឿន​ជាង​មុន​គឺ 4.8 Gbps 10​ដង លឿន​ជាង USB 2.0 ។

សូម​កុំ​បារម្ភ​អី USB 3.0 នៅតែ​អាច​ឲ្យ​យើង​ប្រើ​វា​បាន​ជាមួយ Versiion ចាស់ៗ​ដែល​បាន​ចេញពី​ពេលមុនៗ​មក ។​

​ក្នុង​ល្បឿន 4.8 Gbps របស់ USB 3.0 ថ្មី​នេះ វា​បាន​បើក​ទំព័រ​មួយ​ថ្មី សំរាប់​ការបញ្ជូន data របស់ Video និង Audio សំរាប់​ការប្រើប្រាស់​ផ្នែក​ទូរទស្សន៍ និង​វិទ្យុ ដែល​តែងតែ​ទាមទារ​ល្បឿន​មួយ​លឿន​ក្នុង​ការបញ្ជូន data ពី​ឧបករណ៍​មួយ​ទៅ​ឧបករណ៍​មួយ​ទៀត ។​

ជាមួយ​បច្ចេកវិទ្យា​ថ្មី USB 3.0 អាច​ក្លាយទៅជា​យាន​មួយ​ជួយ​ឲ្យ​ការប្រើប្រាស់​កុំព្យូទ័រ ជាមួយ​ផ្នែក Video និង Audio កាន់តែ​មាន​ភាពងាយស្រួល​ជាង​មុន និង​មាន​ប្រសិទ្ធិភាព​កាន់តែ​ល្អ​ជាង​មុន ។​

USB 3.0 មាន​ខ្សែ​ធំ​ជាង​មុន​និង​ក្បាល​សំរាប់​ដោត​ធំ​ជាង​មុន​បន្តិច ប៉ុន្តែ​នៅតែ​អាច​ប្រើ​ជាមួយ Port ចាស់​បាន​ជា​ធម្មតា ។​

សូម្បី​ក្បាល​ដោត​សំរាប់ Mini USB ក៏​ត្រូវបាន​កែប្រែ​ថ្មី​បន្តិច​ដែរ ដើម្បី​តម្រូវ​តាម​បច្ចេកទេស​ថ្មី ៕​

បច្ចេកវិទ្យា

ផ្សព្វផ្សាយ​ពាណិជ្ជកម្ម​លើ គេហទំព័រ​
​សូម​ទំនាក់ទំនង : ០២៣ ៩៩៣ ៧៤៣ និង ០២៣ ៦៩១ ៩៤០១​