​Windows 8 អាច​ចេញរួច​ក្នុង​ខែតុលា​ឆ្នាំនេះ​

គេ​អាច​សន្និដ្ឋានថា Windows 8 អាច​នឹងត្រូវ​ចេញ​ដាក់​ឲ្យ​ប្រើ​នៅ​ចុងឆ្នាំ​នេះ តាមមើលទៅ​ការ​ស្មាន​នេះ​អាច​ពិតជា​ត្រូវ​មែន​, ហើយ​ការ​ស្មាន​ទុក​នេះ​គឺ​ដំបូង​ឡើយ​ត្រូវបាន​បញ្ចេញ​ឲ្យ​ដឹង​ដោយ​ក្រុមហ៊ុន Beoomberg មុនគេ​។​ ​ ​Windows 8 អាច​ត្រូវ​ដាក់លក់​ជា​សាធារណៈ​ក្នុង​ខែ​នោះ មិនតែប៉ុណ្ណោះ Windows ថ្មី​នេះ​ប្រហែលជា​អាច​ប្រើ​បាន​ផងដែរ​ជាមួយ Device ប្រើ ARM chip ប៉ុន្តែ​មានតែ​ក្រុមហ៊ុន​ចំនួន​ត្រឹមតែ​ប្រាំ​ប៉ុណ្ណោះ​ដែល​ប្រើ ARM chip ជាមួយ Windows ថ្មី​នេះ​បើ​ប្រៀបធៀប​ជាមួយ Intel chip គឺមាន​រហូតដល់​ទៅ​ជាង ៤០ ឯណោះ​។​ ​ ​ប្រការ​ដែល Microsoft មានបំណង​ដាក់ចេញ​លក់ Windows 8 ក្នុង​ខែតុលា​នោះ​គឺ​ចង់​ឲ្យ​វា​ចំ​រដូវ​បុណ្យទាន ព្រោះ​នៅពេល​វេលា​ដែល​គេ​ចេញមក​ចាយលុយ អាច​ថា​ពេល​នោះគេ​ទិញ Tablet ឬ Computer សម្រាប់​ធ្វើជា​អំណោយ ពេលវេលា​នោះ​ទៀតសោត គឺ​ដាច់ស្រឡះ​ពី​ខាង Apple ព្រោះ​ក្រុមហ៊ុន​ទាំងពីរ​តែង​រើស​រក​ថ្ងៃ​ចេញលក់​ឲ្យ​ខុសពី​គ្នា បើ​មិន​ដូច្នោះ​ទេវា​អាចធ្វើ​ឲ្យ​អ្នក​ម្ខាង​ទៀត​ជួបប្រទះ​បញ្ហា​មិនខានឡើយ​។​ ​ ​មានការ​សួរនាំ​ខ្លះ​ដែរ​ទៅ​ក្រុមហ៊ុន Microsoft ស្តីពី​ថ្ងៃ​ចេញលក់​ពិតប្រាកដ ប៉ុន្តែ​ជាធម្មតា​ក្រុមហ៊ុន​នេះ​មិន​ងាយ​បញ្ចេញ​អ្វី​ឲ្យ​គេ​ដឹង​ជាមុន​ឡើយ ដូច្នេះ​យើង​មានតែ​រង់ចាំ​មើល​រហូត​ដល់​ខែកញ្ញា និង តុលា​សិន ទើប​បានដឹង​ច្បាស់​ពី​ការពិត​។ មួយវិញទៀត​នោះ​នៅក្នុង​ខែមេសា​ខាងមុខនេះ​អាច​នឹងមាន​ដំណឹង​អ្វីខ្លះៗ​ជាមិនខាន តែ​នេះ​គ្រាន់តែ​ជាការ​ស្មាន​របស់​មនុស្ស​មួយចំនួន​ដែល​ចូលចិត្ត​ស្មាន​ប៉ុណ្ណោះ​។​ ​ ​ដំណឹង​នេះ​ទៀតសោត​វា​មានតម្លៃ​សម្រាប់តែ​អ្នក​ដែល​ប្រើ Windows ទេ សម្រាប់​អ្នក​ប្រើ OS ផ្សេង​ពីនេះ​សូម​ចាត់ទុក​រឿងនេះ​ជា​មោ​ឃៈ​ទៅ​ចុះ​៕​