ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News - សម្ភារៈទំនើប
Cen

News
​V-MODA's VAMP គ្រឿង​បន្ថែម​សម្រាប់ iPhone 4/4s

សម្រាប់​អ្នក​ដែល​ចូលចិត្ត​ស្តាប់​ចម្រៀង​កំដរ​អារម្មណ៍ និង​ង​មាន​សមត្ថភាព​ធ្វើជា​ម្ចាស់​របស់ iPhone 4 ឬ 4s និង​មានបំណង​ចង់​បង្កើន​គុណភាព​របស់​សម្លេង​ចេញ​មកពី iPhone ឲ្យ​បានល្អ​ជាង​មុន គួរតែ​សាកល្បង​ឧបករណ៍​មួយ​នេះ​។​

​ ​V-MODA's VAMP គឺជា​សំបក​ទូរស័ព្ទ​ត្រូវបាន​គេ​ធ្វើ​តម្រូវ​សម្រាប់​ទូរស័ព្ទ​ប្រភេទ iPhone 4 និង 4s នៅក្នុង​សំបក​ទូរស័ព្ទ​នេះ វា​មាន​រួមបញ្ចូល AMP និង DAC (Digital to Analog Converter) ព្រមជាមួយ​ថ្ម​សាក​បន្ថែម​។​

​ ​អ្វីដែល​ឧបករណ៍​ធ្វើ គឺ​វា​រំលង​ចោល internal DAC របស់ iPhone បង្វែរ​រាល់ Digital Audio Signal ទាំងអស់ រួច Convert វា​ឲ្យ​ទៅជា Analog តាមរយៈ DAC របស់​វា​ជា​ជំនួស​វិញ ក្រៅពីនេះ​វា​ក៏​រំលង​ចោល Amplifier របស់ iPhone មក​ឲ្យ​ប្រើ Amplifier របស់​វា ដែលមាន​កំរិត 15mw x 2amp គឺ​ធំ​ជាង​ប្រាំ​ដង​នៃ​សម្លេង​ចេញ​តាម iPhone Ampifier ក្រៅពីនេះ V-MODA's VAMP ត្រូវបាន​គេ design ឲ្យ​អាច​ប្រើ​បានជា​មួយ​ប្រភេទ Professional Headphone ដើម្បី​ជួយ​ធ្វើ​ឲ្យ​សម្លេង​ដែល​បន្លឺ​ចេញមក​ច្បាស់​ល្អ និង​ពេញ​ចិត្តបាន​សម្រាប់​អ្នក​ស្តាប់​គ្រប់គ្នា​។​

​ ​V-MODA's VAMP នៅមាន Port មួយទៀត​សម្រាប់​ឲ្យ​យើង​ស្តាប់​សម្លេង​ចេញមក​ជា Digital ក៏បាន​តាមរយៈ S/PDIF/Toslink ដោយ​ភ្ជាប់​វា​ទៅ​ឧបករណ៍​ទាំងឡាយណា​ដែលមាន port នេះដែរ (​តម្រូវ​ឲ្យ​មាន Cable ពិសេស​មួយ​)​។​

​ ​ឧបករណ៍​នេះ ត្រូវបាន​គេ​ផលិត​ពី​វត្ថុ​ធាតុ​ម្យ៉ា​មានគុណ​ភាពដូចគ្នា​ទៅ​និង​វត្ថុ​ធាតុ​ដែល​គេ​យកមក​ផលិត​យន្តហោះ​ដែរ ជា​ប្រភេទ​លោហធាតុ ដែល​អាច​ធុន​ទ្រាំ​ជាមួយ​ការប៉ះទង្គិច រំ​ញ័រ ឯ​សំបក​ពាស​តួ​វិញ​ទៀតសោត ត្រូវបាន​គេ​ធ្វើ​ពី Cilicone ដើម្បី​ជួយ​ការពារ​តួ iPhone កុំ​ឲ្យ​មានការ​ប៉ះទង្គិច​ដល់​ផ្នែក​ខាងក្នុង​របស់​វា​។​

​ ​ថ្ម​សាក​ដែលមាន​ភ្ជាប់​មកជា​មួយ​សំបក​ទូរស័ព្ទ​នេះ ទោះបី​វា​អាចជួយ​បង្កើន​សម្លេង​ឲ្យ​ដល់ iPhone 4 បាន​ច្រើន​មែនពិត ប៉ុន្តែ​វា​មានតម្លៃ​ស្មើ iPhone 4 មួយគ្រឿង​ដែរ ឬ​អាច​ថា​ថ្លៃ​ជាង​ផង​។​

​ ​វា​ត្រូវបាន​គេ​លក់​ក្នុងតម្លៃ 650 $ ក្នុង​មួយគ្រឿង អ្នក​ដែល​ចង់​ទិញ​មក​ប្រើ អាច​ចូលទៅ website របស់​ក្រុមហ៊ុន V-MODA ដើម្បី​ទិញ ឬ​អាច​ចូលទៅ​ទីនោះ ដើម្បី​ឆែក​មើល​ព័ត៌មាន​បន្ថែម​ក៏បាន​៕​

មាតិកា