ហុងស៊ុយ

មាតិកា

ហុងស៊ុយ​សម្រាប់​សិរី​សួស្តី​នៅផ្ទះ​បាយ​


ក្បួន​ហុងស៊ុយ​របស់​ចិន​ត្រូវបាន​គេ​ជំនឿ​ដោយមាន​វ័យ​កាល​ជាង​៣០០០​ឆ្នាំ​មកហើយ​។​ជំនឿ​នេះ​បាន​និយាយ​ដល់​រឿង​នៃ​ការរីកចម្រើន​លូតលាស់ ដំណើរ​ជីវិត​ក៏ដូចជា​ការរស់នៅ​ប្រកបទៅដោយ​ភាព​សុខដុម​និង​បញ្ហា​អាក្រក់​តែង​ព្យាបាទ​យាយី​។​
   តើ​ជឿ​ឬទេ​ថា​ក្រៅពី​ការជ្រើសរើស​អាហារ​ហើយ​សភាព​បរិយាកាស​ផ្ទះបាយ​ក៏ដូចជា​ការតុបតែង​លម្អរ​សុទ្ធ​តែមាន​ឥទ្ធិពល​ដល់​ការរស់នៅ​របស់​យើង​ទាំងអស់​។​
**​បរិយាកាស​បន្ទប់​អាហារ​
  បើ​អ្នក​ព្យាយាម​បញ្ចុះទម្ងន់​និង​គ្រប់គ្រង​អាហារ​គួរប្រើ​ពណ៌​បន្ទប់​ដែលជា​ពណ៌​ធន​កណ្តាល​បាន​ហើយ​ពោលគឺ​មិន​ត្រូវឱ្យ​ឆើត​ពេក​ឬ​ស្រអាប់​ពេក​ឡើយ​។​ការប្រើ​ពណ៌​បែបនេះ​ក្រៅពី​ធ្វើឱ្យ​ត្រូវ​តាម​ក្បួន​ហុងស៊ុយ​ដោយ​ផ្តល់​ភាពស្ងប់ស្ងាត់​ហើយ​នៅ​ជួយ​ឱ្យ​អារម្មណ៍​របស់​យើង​មិន​ភ្ញាក់ផ្អើល​ជាមួយ​បរិយាកាស​ជុំវិញ​គ្រប់ពេលវេលា​ផង​។​ក្រៅពីនេះ​វា នឹង​ជួយ ឱ្យ​អ្នក​មិន​ចង់​បរិភោគ​អាហារ​ច្រើន​ថែមទៀត​។  ចំណែក​បើតាម​គោលការណ៍​ចិត្តសាស្ត្រ​វិញ​គេ​បាន​និយាយថា​បន្ទប់​ដែលមាន​ពណ៌​ទឹក​ក្រូច​ខ្ចី​ពណ៌​ត្នោត​ឬ​ពណ៌​បៃតង​នឹង​ជួយ​បន្ថែម​អារម្មណ៍​របស់​អ្នក​ឱ្យ​ពេញចិត្ត​ជាមួយ​អាហារ នៅផ្ទះ​បាយ​នោះ​កាន់តែច្រើន​ទ្វេ​ឡើង​ដូចនេះ​ចៀសវាង​ប្រើ​ពណ៌​ទាំងនេះ​ដាច់ខាត​បើ​ស្ត្រី​ត្រូវការ​បញ្ចុះទម្ងន់​។​
** ជ្រើសរើស​ប្រើ​ចាន​បួន​ជ្រុង​


ការដែល​ប្រើ​ចាន​មាន​រាង​បួន​ជ្រុង​នោះ​នឹង​ជួយ​ឱ្យមាន​អារម្មណ៍​ដល់​ភាព​ពេញចិត្ត ធ្វើឱ្យ​យើង​មាន​អារម្មណ៍​ឆ្អែត​ឆាប់រហ័ស​ឡើង​។​សម្រាប់​ចាន​រាង​មូល​វិញ​នឹង​ទាក់ទាញ​ធ្វើឱ្យ យើង​ចង់ដឹង​ចង់ឃើញ​ដូចនេះ​ជំរុញ​ឱ្យ​យើង​បរិភោគ​ច្រើន​។​តាម​ក្បួន​ហុងស៊ុយ​និង​ចិត្តសាស្ត្រ​ហើយ​ការបរិភោគ​ចាន​រាង​បួន​ជ្រុង​អាចធ្វើឱ្យ​យើង​មិន​ចង់​បរិភោគ​អាហារ​ដូចនេះ​ផ្តល់​ផល​ល្អ​សម្រាប់​ក្រុមមនុស្ស​បញ្ចុះទម្ងន់​។​
 ** ការរៀបចំ​តុ​និង​ទីតាំង​
  តាម​ក្បូន​ហុងស៊ុយ​នោះ​លេខ​គូ​ចាត់ទុកថា​នឹង​ជួយ​បង្កើត​ភាព​ស្ងប់​សុខ​។​ចំណែក​លេខ​សេស​នោះ​នឹង​ជួយ​បន្ថែម​ភាព​ភ្ញាក់ផ្អើល​និង​អារម្មណ៍​មិន​សុខ​ស្រួល​។​ដូចនេះ​បើ​អ្នក​ចង់​រៀបចំ​កន្លែង​តុ​អាហារ​ឱ្យ​ត្រូវ​តាម​ក្បួន​ហុងស៊ុយ​នោះ​កៅអី​គួររៀបចំ​ជា​គូ​ដើម្បី​ជួយ​ឱ្យមាន​ភាព​ស្ងប់​សុខ​មិនសូវមាន​បញ្ហា​ប្រទាំង​ប្រទើស​កើតមានឡើង​។​ក្រៅពីនេះ​បើ​យក​ល្អ​ត្រូវមាន​កញ្ចក់​ភ្ជាប់​នៅ​បរិវេណ​តុ​អាហារ​មួយ​ផ្ទាំង​នោះ​ក៏​ជួយ​បណ្តេញ​រាល់​ចង្រៃឧបទ្រព​និង​ពិស​សេស​ជួយ​ឱ្យ​អ្នក​បាន​ឆ្លុះ​មើល​ពី​រូបរាង​ខ្លួនឯង​សម្រាប់​ជួយ​មិនឱ្យ​បរិភោគ​ច្រើន​នាំ​ឡើង​ទម្ងន់​ទៀតផង​៕