ក្បួន​តម្រា

មាតិកា

ទំនាយ​ជោគវាសនា​ជីវិត​គូ តាមរយៈ​ឆ្នាំ​កំណើត​ អ្នក​កើត​ឆ្នាំវក​ ​

- គូ​អ្នក​កើត​ឆ្នាំ​ជូត : ជីវិត​ស្នេហា​របស់​អ្នក ជា​ស្នេហា​បែប​សាមញ្ញ​ធម្មតា ។​
​​- គូ​អ្នក​កើត​ឆ្នាំ​ឆ្លូវ : ជីវិត​ស្នេហា​របស់​អ្នក ជា​ស្នេហា​បែប​មនុស្ស​កម្រិត​ទាប​ដូច​គ្នា ស្រឡាញ់គ្នា ចុះសម្រុង​គ្នា​ល្អ មាន​សេចក្តីសុខ​ល្មម​សមគួរ មិន​លេចធ្លោ​ប៉ុន្មាន​ទេ ។
​​- គូ​អ្នក​កើត​ឆ្នាំ​ខាល : ជីវិត​ស្នេហា​របស់​អ្នក អាចនិយាយបាន​ថា​លេចធ្លោ​ល្មម​គួរសម ព្រោះ​គូគ្រង​របស់​អ្នក ពុំមែន​ជា​មនុស្ស​ធម្មតា ដែល​គ្មាន​ចិត្តថ្លើម​នោះទេ  តែ​គេ​ជា​គូគ្រង​ល្អ រួមរស់​ជាមួយ​គ្នា​យ៉ាង​មាន​សេចក្តីសុខ ក្នុង​កម្រិត​ជីវភាព​បែ​ប​សេដ្ឋី ។ ប៉ុន្តែ​តាម​តម្រា​ចិន ឆ្នាំ​វក ឆុង នឹង​ឆ្នាំខាល ។
​​- គូ​អ្នក​កើត​ឆ្នាំ​ថោះ : ជីវិត​ស្នេហា​របស់​អ្នក ល្អ​ណាស់ ព្រោះ​គូគ្រង​ជា​មនុស្ស​ល្អ មាន​កិត្តិយស កេរ្តិ៍ឈ្មោះ និង​ជា​មនុស្ស​ដែល​អាច​ឈាន​មុខ​នា​អនាគត ។
​​- គូ​អ្នក​កើត​ឆ្នាំ​រោង : ជីវិត​ស្នេហា​របស់​អ្នក ជួប​គូគ្រង​ដែល​មិន​គួរ​យក​ជា​គូ​ឡើយ ព្រោះ​ជីវិត​ស្នេហា​របស់​អ្នក មាន​បញ្ហា​កើតឡើង​ជា​ច្រើន ជាមួយ​មនុស្ស​ដែល​យក​តែ​ចិត្ត​ខ្លួនឯង ។
- គូ​អ្នក​កើត​ឆ្នាំ​ម្សាញ់ : ជីវិត​ស្នេហា​របស់​អ្នក ជួប​គូគ្រង​ល្អ​បំផុត​មាន​ទង្វើ​ល្អ គួរឲ្យ​គោរព និង​ជឿជាក់ បើ​រួមរស់​ជាមួយ​គ្នា​យូរ​ទៅៗ ឆាកជីវិត​កាន់តែ​មាន​សេចក្តីសុខ និង​ការរីកចម្រើន​ទៅមុខ ។
- គូ​អ្នក​កើត​ឆ្នាំ​មមី : ជីវិត​ស្នេហា​របស់​អ្នក បាន​គូគ្រង ដែល​មាន​និស្ស័យ​ដូច​ជា​ក្មេង ជា​ហេតុ​ធ្វើឲ្យ​មាន​ភាពច្របូកច្របល់ កើតឡើង​ដោយ​ងាយ ព្រោះតែ​ការ​មិន​យល់ចិត្ត​គ្នា ដូចនេះ​អ្នក​ត្រូវ​អត់ធន់​បន្តិច ។​
- គូ​អ្នក​កើត​ឆ្នាំ​មមែ : ជីវិត​ស្នេហា​របស់​អ្នក នឹង​បាន​ជា​គូគ្រង​ល្អ​ប្រពៃ មាន​កិត្តិយស កេរ្តិ៍ឈ្មោះ ជា​មនុស្ស​ល្អ មាន​សីលធម៌ ស្រឡាញ់​អ្នក​យ៉ាង​អស់ពី​ចិត្ត​ពី​ថ្លើម ឆាកជីវិត​មាន​ការហូបចុក​គ្រប់គ្រាន់ ។​
- គូ​អ្នក​កើត​ឆ្នាំ​វក : ជីវិត​ស្នេហា​របស់​អ្នក ដូច​មនុស្ស​ទូទៅ គ្នា​អ្វី​លេចធ្លោ​ប៉ុន្មាន​ទេ ជា​ស្នេហា​កម្រិត​ទាប មាន​សេចក្តីសុខ​ធម្មតា ។​
- គូ​អ្នក​កើត​ឆ្នាំ​រកា : ជីវិត​ស្នេហា​របស់អ្នក ល្អ គូគ្រង​ស្រឡាញ់​អ្នក​ណាស់ រួមរស់​ជាមួយ​គ្នា​យ៉ាង​សុខសាន្ត រហូត​ក្លាយជា​អ្នកមាន ។
- គូ​អ្នក​កើត​ឆ្នាំច : ជីវិត​ស្នេហា​របស់​អ្នក មាន​លក្ខណៈ​ធម្មតា មិន​មាន​ភាព​លេចធ្លោ​ប៉ុន្មាន​ទេ រួម​ជាមួយ​គ្នា​បាន​សុខទុក្ខ​ធម្មតា ។
- គូ​អ្នក​កើត​ឆ្នាំ​កុរ : ជីវិត​ស្នេហា​របស់​អ្នក គួរ​ឲ្យ​ពេញ​ចិត្តណាស់ ព្រោះ​គូគ្រង​ម្នាក់នេះ ជា​មនុស្ស​ល្អ មានបុណ្យ​ស័ក្តិធំ ជា​ចៅហ្វាយនាយ​គេ សង្គម​ទទួលស្គាល់ ជា​ហេតុ​ធ្វើឲ្យ​អ្នក​មាន​មុខមាត់​ជា​មួយ​ដែ​រ ៕