ផ្តល់ព័ត៍មានរហ័សនិងអាចជឿទុកចិត្តបាន ជាមួយ Cambodia Express News

ក្បួនតម្រា

មាតិកា

ពេលស្រវឹងស្ត្រីគួរប្រយ័ត្ននូវចំណុចទាំង៨

នៅពេលស្រវឹង ស្ត្រីងាយនឹងរងការខូចខាត ឬគ្រោះភ័យពិសេស នៅពេលជួបជាមួយបុរសដែលមានចំណងមិនល្អមកលើអ្នក ។ ដូច្នេះ បើមិនអាចចៀសវាងការពិសារគ្រឿងស្រវឹង ងាយនឹងកើតហេតុការណ៍ដូចខាងក្រោម ... ។

   ១- មិនត្រូវនិយាយច្រើនជាងមុន : ក្រោយពេលស្រវឹង មនុស្សស្រីនឹងនិយាយរអ៊ូរទាំច្រើនជាងធម្មតា ពិសេស គឺរឿងដែលលាក់ទុកក្នុងចិត្តមិនហ៊ាននិយាយពីមុនមក លុះដល់ពេលស្រវឹង មិនអាចគ្រប់គ្រងស្មារតីខ្លួនឯងបាន មនុស្សស្រីនឹងនិយាយចេញ
មកអស់ នូវរឿងដែលធ្វើឲ្យពិបាកតឹងណែនក្នុងទ្រូងឬក៏និយាយតែរឿងដដែលៗ ។
   ២- ពុំសូវយកចិត្តទុកដាក់នឹងរឿងគេកេងចំណេញ : ជាចំណុចមួយដែលមនុស្សស្រីគ្រប់រូបគួរតែប្រុងប្រយ័ត្ន ព្រោះមនុស្សប្រុសតែងតែឆ្លៀតពេលដែលអ្នកកំពុងស្រវឹងអួទីនួនោះ ចាប់ប៉ះពាល់សាច់របស់អ្នក ព្រោះស្ថានភាពពេលនោះ គឺអំណោយផល ធ្វើឲ្យអ្នករួមតុផឹកស្រាជាមួយគ្នា ឆាប់ស្និទ្ធស្នាលនឹងគ្នា ហើយក៏ដល់ថ្នាក់ហ៊ានចាប់ដៃចាប់ជើងតាមចិត្ត ។
   ៣- មានអារម្មណ៍ស្រស់ស្រាយរីករាយយ៉ាងធម្មតា : គ្រឿងស្រវឹង មានឥទ្ធិពលយ៉ាងខ្លាំង ចំពោះប្រព័ន្ធសរសៃប្រសាទរបស់មនុស្ស ដោយនៅក្រោយពេលដែលជាតិស្រវឹងត្រូវបានស្រូបចូលទៅក្នុងឈាមបានមួយ ស្របក់ អ្នកក៏នឹងមានអារម្មណ៍សប្បាយរីករាយក្នុងចិត្ត បំភ្លេចចោលអស់នូវបញ្ហាស្មុគស្មាញក្នុងខួរក្បាល ហើយក៏ចូលរួមនិយាយជាមួយអ្នករួមតុ យ៉ាងសប្បាយចិត្ត ។
   ៤- ចុះសម្រុងជាមួយអ្នកដទៃបានងាយ នឹងឆាប់រហ័ស : គ្រឿងស្រវឹងអាចជួយឲ្យអ្នកបង្កើតចំណងមិត្តភាពបានយ៉ាងឆាប់រហ័ស ព្រោះថា ការបបួលគ្នាផឹកស្រា ហើយជាតិអាល់កុល ក្នុងគ្រឿងស្រវឹង ក៏អាចកាត់បន្ថយការខ្មាសអៀនបានដែរ ។ ហេតុ
នេះហើយទើបអ្នកទទួលទានគ្រឿងស្រវឹង ច្រើនតែមានមិត្តភក្តិច្រើនជាងអ្នកដែលមិនទទួលទានគ្រឿងស្រវឹង ។
   ៥- ហ៊ាននិយាយពីរឿងលើគ្រែ : ធម្មតាមនុស្សស្រីមានការខ្មាសអៀនច្រើន ពុំសូវហ៊ាននិយាយពីរឿងលើគ្រែដូចខាងបុរសនោះទេ ប៉ុន្តែ នៅពេលដែលជាតិស្រវឹងចូលខ្លួនវិញនោះ ស្ត្រីបែរជាមានភាពក្លាហានចូលចិត្តនិយាយពីរឿងលើគ្រែ យ៉ាងបើកចំហរទៅវិញខុសប្លែកទាំងស្រុងពីពេលដែលមិនទាន់ស្រវឹង ។
   ៦- មើលឃើញបុរសសង្ហាជាងធម្មតា : នេះប្រហែលជាបណ្តាលមកពីភ្នែកព្រិលស្រវាំងផង ក៏មិនដឹង ដែលធ្វើឲ្យនារីមើលទៅបុរសឃើញដូចសង្ហា ទាំងដែលពីមុនយល់ថា គេគ្មានអ្វីសង្ងាទាល់តែសោះ ។
   ៧- ងាយសម្រក់ទឹកភ្នែកជាងធម្មតា : ស្រីមួយចំនួនដែលទទួលទានស្រា ច្រើនតែចូលចិត្តនិយាយរៀបរាប់ពីបញ្ហាស្មុគស្មាញរបស់ខ្លួន នៅពេលស្រវឹង ដើម្បីបន្ធូរអារម្មណ៍ខ្លួនឯង ហើយនៅពេលនិយាយបណ្តើរទឹកភ្នែកក៏ហូរស្រក់មកបណ្តើរ ។
   ៨- ងាយយល់ស្របតាមអ្នកដទៃ : នៅពេលដែលជាតិស្រាចូលខ្លួន ស្មារតីរបស់អ្នកនឹងថយចុះធ្វើឲ្យស្ត្រីងាយយល់ស្របតាមការបបួល ការស្នើសុំឬការអង្វរករបស់អ្នកដទៃ ដោយហេតុថា នៅពេលស្រវឹង អ្នកពុំបានគិតគូរពិចារណាវែងឆ្ងាយ ដូចពេលធម្មតា នោះទេ ហើយចម្លើយដែលអ្នកច្រើនតែឆ្លើយតបវិញនោះ គឺ ‹អូខេ› ឬ ‹ចា៎! បាន!› ។ ហេតុនេះហើយទើបមានមនុស្សស្រីជាច្រើនត្រូវទទួលរងនូវការខូចខាត នៅពេលស្រវឹង ៕