ធនធានជីវៈចម្រុះ នឹងរងផលប៉ះពាល់ បើមិនកំណត់ការប្រ... | ដំណឹងក្នុងប្រទេស:សង្គម

ភ្ជាប់ទំនាក់ទំនងជាមួយយើងតាមរយៈ

ធនធាន​ជីវៈចម្រុះ នឹងរង​ផលប៉ះពាល់ បើ​មិន​កំណត់​ការប្រើប្រាស់​តំបន់ឆ្នេរ​សមុទ្រ​ច្បាស់លាស់​

(ថ្ងៃទី 25 មិថុនា 2013, ម៉ោង 04:47:PM) | ដោយ: ឌីណា

ក- ក+ | Print

ខេត្តកំពត: ឆ្នេរសមុទ្រ​កម្ពុជា​ប្រវែង ៤៤០ គីឡូម៉ែត្រ គ្របដណ្តប់​លើ​ខេត្តកោះកុង ខេត្ត​ព្រះសីហនុ ខេត្តកំពត និង​ខេត្ត​កែប នាពេល​បច្ចុប្បន្ននេះ កំពុងមាន​ការអភិវឌ្ឍ​ន៍​មួយចំនួន ដូចជា ការវិនិយោគ​តំបន់​សេដ្ឋកិច្ច តំបន់ឧស្សាហកម្ម តំបន់​កំពង់ផែ កន្លែង​លំហែកាយ​បែប​កែច្នៃ គម្រោង​សាងសង់​លំនៅស្ថាន សណ្ឋាគារ ជាដើម ដោយ​គម្រោង​ខ្លះ មានការ​ប្រើប្រាស់​នូ​វធ​ន​ធាន​តំបន់ឆ្នេរ​។

​សកម្មភាព​ទាំងនោះ អាច​នឹង​បង្កឱ្យមាន​ផលប​ប៉ះពាល់​លើ​ជីវៈចម្រុះ បើ​មិនមាន​ផែនការ​កំណត់​ការប្រើប្រាស់​តំបន់​ឆ្នេរសមុទ្រ​ត្រឹមត្រូវ​ច្បាស់លាស់ និង​មិនមាន​ការអនុវត្តន៍​ផែនការ​ប្រកបដោយ​ប្រសិទ្ធភាព​នោះ​។

​ផ្អែកលើ​ក្តីបារម្ភ​នេះ ក្រោម​កិច្ចសហការ​រវាង​សាលាខេត្ត​កំពត និង​អង្គកា រ​សហភាព​អន្តរជាតិ​ដើម្បី អភិរក្ស​ធម្មជាតិ​នៅ​កម្ពុជា ( IUCN ) ក្រោម​ការផ្តល់​មូលនិធិ​របស់​សហភាព​អឺរ៉ុប នា​ព្រឹក​ថ្ងៃទី​២៥ ខែ មិថុនា​ឆ្នាំ​២០១៣ នៅ​សណ្ឋាគារ​កំពត​ឌី​យ៉ា​ម៉​ង់ សិក្ខាសាលា​មួយ​បាន​បើក​ឡើង​នូវ​ប្រធានបទ ចាប់ផ្តើម​ការអនុវត្ត​ន៍​សកម្មភាព​គម្រោង​ស្តីពី​ការរៀបចំ​កំណត់​បែងចែក​ការប្រើប្រាស់​តំបន់ឆ្នេរ​សមុទ្រ​។​
​    ​
​លោក គង់ គីម​ស្រេង មន្ត្រីជាន់ខ្ពស់​នៃ​កម្មវិធី​អង្គការ IUCN នៅ​កម្ពុជា​បាន​អាន​សុន្ទរកថា​មាន ខ្លឹមសារ​ថា​ព្រោះតែ​កំណើន​ប្រជាពលរដ្ឋ តម្រូវឱ្យមាន​ការអភិវឌ្ឍ​ន៍​គ្រប់យ៉ាង​ដើម្បី​លើកស្ទួយ​សេដ្ឋ កិច្ច​។ ថ្មីៗ​នេះ ការប្រែប្រួល​អាកាសធាតុ​ជា​ផ្នែក​មួយ​ដែល​បន្ថែម​នូវ​ទំនាស់​រវាង​ការអភិរក្ស និង​ការ អភិវឌ្ឍន៍ ហើយក៏​បានដាក់​សម្ពាធ​កាន់តែខ្លាំង​ចំពោះ​ធនធានធម្មជាតិ​នានា ក្នុងនោះ​រួមមាន​តំបន់ ឆ្នេរ​ផងដែរ​។ ដើម្បី​ធានាឱ្យមាន​តុល្យភាព​រវាង​ការអភិរក្ស និង​ការអភិវឌ្ឍន៍ ឬ​ការអភិវឌ្ឍន៍​ប្រកប​ទៅ ដោយ​ប្រសិទ្ធភាព​ខ្ពស់​ដែល​មិន​ប៉ះពាល់​ធ្ងន់ធ្ងរ ឬ​បំផ្លាញ​ដល់​ធនធានធម្មជាតិ និង​ប្រព័ន្ធ​អេកូឡូស៊ី តាម​បទពិសោធ​ជាតិ និង​អន្តរជាតិ នោះ​គឺ​ការរៀបចំ​កំណត់​បែងចែក​ការប្រើប្រាស់​តំបន់ឆ្នេរ​សមុទ្រ ដែល​អាច​អនុញ្ញាត ឱ្យ​យើង​បាន​យល់ដឹង​ពី​សក្តានុពល​នៃ​តំបន់​និ​មួយៗ ព្រមទាំង​អាចដាក់​ចេញ​នូវ ផែនការ​គ្រប់គ្រង​ដ៏​មាន​ប្រសិទ្ធភាព​នាពេល​អនាគត​ដោយ​ភាពច្បាស់លាស់​ទៅលើ​តំបន់​ទាំងនេះ​ថា តើ​តំបន់​ណា​គួរ​ពិចារណា​ក្នុង​ការដាក់​ជា​តំបន់​អភិវឌ្ឍ​សេដ្ឋកិច្ច​? តំបន់​ណា​សម្រាប់​អភិវឌ្ឍ​ហេ​ដ្ឋា​រចនា សម្ព័ន្ធ​សហគមន៍ ទីទួល​សុវត្ថិភាព និង​តំបន់​ណា​គួរ​ទុក​សម្រាប់​ការអភិរក្ស​ធនធានធម្មជាតិ ប្រព័ន្ធ អេកូឡូស៊ី តំបន់​វប្បធម៌ ឬ​បេតិកភណ្ឌ​ធម្មជាតិ​?​។
​    ​
​លោក សូត យា អភិបាលរង​ខេត្តកំពត មានប្រសាសន៍​ក្នុង​ពិធី​បើក​សិក្ខាសាលា​នេះ​ថា ឆ្នេរ សមុទ្រ​កម្ពុជា​ដែលមាន​ប្រ​វៃ​ង​៤៤០​គីឡូម៉ែត្រ គ្របដណ្តប់​លើ​ខេត្តកំពត ខេត្ត​កែប ខេត្ត​ព្រះសីហនុ និង​ខេត្តកោះកុង សម្បូរ​ដោយ​ធនធាន​ម្ម​ជាតិ ដូចជា ព្រៃកោងកាង ស្មៅ​សមុទ្រ តំបន់​ផ្កាថ្ម និង​ធន ធាន​ផ្សេងៗ​ទៀត ដែល​ប្រព័ន្ធ​អេកូឡូស៊ី​តំបន់ឆ្នេរ​ទាំងអស់នេះ​បាន និង​កំពុង​ដើរតួ​យ៉ាងសំខាន់ ជា ជម្រក​ចាំបាច់​មិនអាច​កាត់ថ្លៃ​បាន​សម្រាប់​ធនធាន​វា​រី​សមុទ្រ រួមមាន ប្រភេទ​ត្រី​តុកកែ ជ្រូក​ទឹក សត្វ ផ្សោត អណ្តើក កន្ធាយ ការទាក់ទាញ​ភ្ញៀវទេសចរ ការរក្សា​លំនឹង​បរិស្ថាន​ធម្មជាតិ ការ​ស្រូបយក​កា ប៊​ន​ពី​បរិយាកាស និង​ចូលរួម​លើកកម្ពស់​ជីវភាព​រស់​នៅ​របស់​ប្រជា​នេសាទ​មូលដ្ឋាន​។ ក្នុងចំណោម ឆ្នេរ​សុ​ទ្រ​រួម ខេត្តកំពត​គ្របដណ្តប់​ដោយ​ស្រុក​កំពង់ត្រាច ស្រុក​ទឹកឈូ និង​ក្រុង​កំពត ប្រវែង​៦៦,៥ គីឡូម៉ែត្រ ដែលមាន​ប្រជាជន​រស់នៅ​ជិត​ពាក់កណ្តាល​នៃ​ប្រជាពលរដ្ឋ​សរុប​របស់​ខេត្ត ហើយ​បច្ចុប្បន្ន នេះ​កំពុងមាន​សកម្មភាព​អភិវឌ្ឍន៍​មួយចំនួន​ដូចជា ការវិនិយោគ​តំបន់​សេដ្ឋកិច្ច (​កំពង់ផែ​ខ្នាត​អន្តរ ជាតិ​) តំបន់ឧស្សាហកម្ម (​រោងចក្រ​ម៉ាស៊ីនកិនស្រូវ​សម្រាប់​នាំចេញ និង​កំពង់ផែ​ឃុំ​ព្រែក​ត្នោត​) ការ រៀបចំ​តំបន់​លំហែកាយ​កែច្នៃ​ចាក់ដី​ចូល​សមុទ្រ​(​កែប​ថ្មី​) គម្រោង​សាងសង់​លំនៅស្ថាន និង​កន្លែង កម្សាន្ត​ឆ្នេរ​ថ្មី​ខាងកើត​ភ្នំ​ដូង​(​សង្កាត់​ត្រើយ​កោះ​)​ព្រមទាំង​តំបន់​វិនិយោគ​សាងសង់​សណ្ឋាគារ​ជាប់មាត់ សមុទ្រ​លក (​ព្រំដែន​កម្ពុជា វៀតណាម​) ជាដើម​។

​លោក សូត យា បន្តថា ក្រៅពី​សកម្មភាព​អភិវឌ្ឍ កំពុង​កើតឡើង និង​គម្រោង​ស្នើសុំ​វិនិយោគ​នៅតាម​តំបន់ឆ្នេរ​សមុទ្រ​ខេត្តកំពត ក៏មាន​សកម្មភាព​ប្រើ ប្រាស់​នូវ​ធនធានធម្មជាតិ​ផងដែរ ដូចជា ការធ្វើសកម្មភាព​នេសាទ​ខ្នាតតូច ធំ និង​មធ្យម ដោយ​ទូក ម៉ាស៊ីន ការធ្វើសកម្មភាព​ដឹកជញ្ជូន​ទំនិញ​តាម​ទូក កប៉ាល់​ក្នុង​ដែនសមុទ្រ ការសាងសង់​លំនៅស្ថាន តាម​តំបន់ឆ្នេរ ដែល​សកម្មភាព​ទាំងនោះ​អាច​នឹង​បង្កឱ្យមាន​ផលប​ប៉ះពាល់​លើ​ជីវៈចម្រុះ ប្រសិនបើ មិនមាន​ផែនការ​កំណត់​ការប្រើប្រាស់​តំបន់​ឆ្នេរសមុទ្រ​ត្រឹមត្រូវ​ច្បាស់លាស់ និង​មិនមាន​ការអនុវត្តន៍ ផែនការ​ប្រកបដោយ​ប្រសិទ្ធភាព​ទេនោះ​។ លើសពីនេះ​ទៀត តំបន់ឆ្នេរ​សមុទ្រ​ខេត្តកំពត​បាន និង​កំ ពុង​ជួបប្រទះ​នូវ​បញ្ហា​មួយចំនួន រួមមាន ការបំពុល​បរិស្ថាន​តំបន់ឆ្នេរ​ដោយមាន​កំណើន​ប្រជាពលរដ្ឋ រស់នៅ​តំបន់​ឆ្នេរសមុទ្រ​ច្រើន ការបំផ្លិចបំផ្លាញ​ធនធាន​ជីវចម្រុះ​ក្នុង​តំបន់ឆ្នេរ​សមុទ្រ ជម្លោះ​លើ​ការ ប្រើប្រាស់​តំបន់ឆ្នេរ ដូចជា ការនេសាទ ទេសចរណ៍ និង​ការអភិរក្ស​ធនធានធម្មជាតិ និង​ទំនាស់​រវាង​ការអភិរក្ស ការប្រើប្រាស់​តំបន់ឆ្នេរ​ជាមួយ​ការអភិវឌ្ឍន៍​។ ដូច្នេះ​សង្ឃឹមថា តាមរយៈ​សិក្ខាសាលា​ធ្វើ ឡើង​ដោយ​អង្ក​ការ IUCN សហការ​ជាមួយ​សាលាខេត្ត​កំពត​តាមរយៈ​ជំនួយ​របស់​សហភាព​អឺរ៉ុប​នឹង ផ្តល់ជូន​សិក្ខាកាម​មកពី​តាម​បណ្តា​មន្ទីរ អង្គភាព ផ្នែក​ពាក់ព័ន្ធ​នានា​នូវ​លទ្ធផល​វិជ្ជមាន​ជុំវិញ​ការប្រើប្រាស់​តំបន់ឆ្នេរ​សមុទ្រ​ក្នុង​ខេត្តកំពត​ទាំងមូល​៕



ដំណឹងថ្មីៗចុងក្រោយ

Our Partners