ភ្ជាប់ទំនាក់ទំនងជាមួយយើងតាមរយៈ

សភាពការណ៍​ព្រំដែន​ទិស​ប្រាសាទព្រះវិហារ​ស្ងប់ស្ងាត់​ល្អ ក្នុង​ថ្ងៃ​បោះឆ្នោត​

(ថ្ងៃទី 3 មិថុនា 2012, ម៉ោង 10:28:AM) | ដោយ: ច័ន្ទ ពន្លឹក​

ក- ក+ | Print

សភាពការណ៍​ព្រំដែន​ទិស​ប្រាសាទព្រះវិហារ​ស្ងប់ស្ងាត់​ល្អ ក្នុង​ថ្ងៃ​បោះឆ្នោត​
លោកនាយ​ឧ​ត្ត​ម​សេនីយ៍ ជា តារា ប្រធាន​គណៈបញ្ជាការ​ឯកភាព​សមរភូមិ​មុខ​ទិស​យោធភូមិភាគ​ទី​៤ រួម​នឹង​មេបញ្ជាការ​ជួរមុខ​មួយចំនួនទៀត ដែល​ចុះ​ជាប់​ប្រចាំការ សមរភូមិ​មុខ ក៏បាន​អញ្ជើញ​ទៅ​បោះឆ្នោត​ឃុំ​សង្កាត់ នៅក្នុង​ការិយាល័យ​បោះឆ្នោត​លេខ ០២១៤ សិ្ថ​ត​ក្នុង​ឃុំ​អន្លង់វែង

សភាពការណ៍​ព្រំដែន​ទិស​ប្រាសាទព្រះវិហារ​ស្ងប់ស្ងាត់​ល្អ ក្នុង​ថ្ងៃ​បោះឆ្នោត​
លោកនាយ​ឧ​ត្ត​ម​សេនីយ៍ ជា តារា ប្រធាន​គណៈបញ្ជាការ​ឯកភាព​សមរភូមិ​មុខ​ទិស​យោធភូមិភាគ​ទី​៤ រួម​នឹង​មេបញ្ជាការ​ជួរមុខ​មួយចំនួនទៀត ដែល​ចុះ​ជាប់​ប្រចាំការ សមរភូមិ​មុខ ក៏បាន​អញ្ជើញ​ទៅ​បោះឆ្នោត​ឃុំ​សង្កាត់ នៅក្នុង​ការិយាល័យ​បោះឆ្នោត​លេខ ០២១៤ សិ្ថ​ត​ក្នុង​ឃុំ​អន្លង់វែង

 
ឧ​ត្ត​រ​មានជ័យ: នៅ​ថ្ងៃទី​៣ ខែមិថុនា ឆ្នាំ​២០១២ សភាពការណ៍​តំបន់​ព្រំដែន​កម្ពុជា​-​ថៃ ទិស​ប្រាសាទព្រះវិហារ មាន​សភាព​ស្ងប់ស្ងាត់​ល្អ បង្កលក្ខណៈ​ដល់​ប្រជាជន និង​កងទ័ព កងកម្លាំង​គ្រប់​ប្រភេទ​បាន​ប្តូរ​វេន​គ្នា​ទៅ​បោះឆ្នោត​នៅតាម​ឃុំ សង្កាត់ ក្នុង​តំបន់​ឈរជើង ដោយ​រីករាយ និង​សង្ឃឹម​ជឿជាក់​លើ​សន្លឹកឆ្នោត​មួយ​សន្លឹក​របស់ខ្លួន ពិតជា​នាំមក​នូវ​តំណាង​របស់ខ្លួន ដើម្បី​កសាង​អភិវឌ្ឍន៍​ភូមិ​ឃុំ រឹងមាំ​បន្តទៀត​។​
 
​ស្រុក​អន្លង់វែង ខេត្ត​ឧ​ត្ត​រ​មានជ័យ ជា​ស្រុក​ជាប់​ព្រំដែន​កម្ពុជា​-​ថៃ ចាប់តាំងពី​ម៉ោង ៧ ព្រឹក នា​ថ្ងៃអាទិត្យ ទី​៣ ខែមិថុនា ឆ្នាំ​២០១២ នេះ​ប្រជាពលរដ្ឋ​មាន​សិទ្ធិ​បោះឆ្នោត​យ៉ាងច្រើន​កុះករ នៅបាន​ធ្វើដំណើរ​ទៅកាន់​ការិយាល័យ​បោះឆ្នោត​នានា ក្នុង​ឃុំ សង្កាត់ នីមួយៗ​ដែល​រៀបចំឡើង​ដោយ​គណៈកម្មាធិការ​ជាតិ​រៀបចំ​ការបោះឆ្នោត ក្នុង​ទឹកមុខ​ញញឹម និង​មាន​របៀបរៀបរយ បញ្ជាក់​ពី​ការពេញចិត្ត ក្នុងការ​អនុវត្ត​សិទ្ធិ​របស់ខ្លួន​។​
 
​ដោយឡែក​លោកនាយ​ឧ​ត្ត​ម​សេនីយ៍ ជា តារា ប្រធាន​គណៈបញ្ជាការ​ឯកភាព​សមរភូមិ​មុខ​ទិស​យោធភូមិភាគ​ទី​៤ រួម​នឹង​មេបញ្ជាការ​ជួរមុខ​មួយចំនួនទៀត ដែល​ចុះ​ជាប់​ប្រចាំការ សមរភូមិ​មុខ ក៏បាន​អញ្ជើញ​ទៅ​បោះឆ្នោត​ឃុំ​សង្កាត់ នៅក្នុង​ការិយាល័យ​បោះឆ្នោត​លេខ ០២១៤  សិ្ថ​ត​ក្នុង​ឃុំ​អន្លង់វែង ដើម្បី​អនុវត្ត​ជា​ពលរដ្ឋ​កម្ពុជា ដូច​បងប្អូន​ពលរដ្ឋ​ទូទាំងប្រទេស​ដែរ​។  

​សូមបញ្ជាក់ថា សំរាប់​ការបោះឆ្នោត​ក្រុមប្រឹក្សា​ឃុំ សង្កាត់​អាណ​តិ្ត​ទី​៣ នៅ​ស្រុក​អន្លង់វែង ខេត្ត​ឧ​ត្ត​រ​មានជ័យ ប្រជាពលរដ្ឋ​មាន​សិទ្ធិ​បោះឆ្នោត មាន​ចំនួន​សរុប ២៣.១៤៨ នាក់ មាន ៤៥ ការិយាល័យ បោះឆ្នោត សំរាប់​ឃុំ​ទាំង ៥  ដែលមាន ៤ គណបក្ស​ចូលរួម​។ ការបោះឆ្នោត​អាណត្តិ​ទី​២ កន្លងទៅ គឺ​គណបក្ស​ប្រជាជន​កម្ពុជា​ទទួល​ការគាំទ្រ​ពី​ប្រជាជន​នាំមុខ​គ្រប់​ឃុំ​តែម្តង​៕

E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners