ភ្ជាប់ទំនាក់ទំនងជាមួយយើងតាមរយៈ

សេដ្ឋី​រុស្ស៊ី នឹងត្រូវ​នគរបាល​ក​ម្ពុ​ជា បញ្ជូនទៅ​រុស្ស៊ី​វិញ​នៅ​ម៉ោង ១១​យប់​ថ្ងៃនេះ​

(ថ្ងៃទី 21 មិថុនា 2012, ម៉ោង 05:28:PM) | ដោយ: រតនា

ក- ក+ | Print

ភ្នំពេញ: មន្ត្រីជាន់ខ្ពស់​នគរបាល​ជាតិ​កម្ពុជា បាន​និយាយថា សេដ្ឋី​រុស្ស៊ី លោក Alexander Trofimov ដែល​បាន​បោះទុន ៣០០ លាន​ដុល្លារ វិនិយោគ​កោះពស់ នៅ​ខេត្ត​ព្រះសីហនុ ជាប់​ពាក់ព័ន្ធ​ក្នុងការ​រំលោភ​កុមារ​កម្ពុជា នឹងត្រូវ​បណ្តេញ​ចេញពី​ប្រទេស​កម្ពុជា ទៅ​ប្រទេស​រុស្ស៊ី​វិញ នៅ​ថ្ងៃទី​២១ មិថុនា ឆ្នាំ​២០១២​នេះ វេលា​ម៉ោង ១១​យប់​។​

​កម្ពុជា​សម្រេច​បណ្តេញ​សេដ្ឋី​ជាតិ​រុស្ស៊ី លោក Alexander Trofimov ចេញពី​ប្រទេស​កម្ពុជា ឲ្យ​ទៅកាន់​ប្រទេស​រុស្ស៊ី​វិញ​ប៉ុន្តែ មិនមាន​អាជ្ញាធរ នៃ​រដ្ឋាភិបាល​ប្រទេស​រុស្ស៊ី មក​ទទួល​នោះទេ គឺ​កម្ពុជា​បណ្តេញចេញ​តែម្តង​។​

​សូមបញ្ជាក់ថា ទណ្ឌិត Alexander Trofimov ត្រូវបាន​ចាប់ខ្លួន​ពីបទ​រំលោភ​សេពសន្ថវៈ​លើ​អនីតិជន មាន​ក្មេងស្រី​ច្រើន​នាក់ ដែល​ប្រព្រឹត្ត​នៅក្នុង​ទីក្រុង​ភ្នំពេញ និង​ខេត្ត​ព្រះសីហនុ កាលពី​អំឡុង​ចុងឆ្នាំ​២០០៣ ហើយ​ត្រូវ​ឃុំខ្លួន នៅ​រាជធានី​ភ្នំពេញ រហូតដល់​ដើមឆ្នាំ​២០០៤ តុលាការក្រុង​ភ្នំពេញ បាន​ផ្ទេរ​សំណុំរឿង​មក​ខេត្ត​ព្រះសីហនុ និង​បាន​បើកសវនាការ​នៅ​សាលាដំបូង​ខេត្ត​ព្រះសីហនុ ជា​លើក​ទី​២ នៅ​ថ្ងៃទី​២៨ កុម្ភៈ ឆ្នាំ​២០០៤​។ បុរស​រុស្ស៊ី​រូបនោះ ត្រូវបាន​ដោះលែង នៅ​ថ្ងៃទី​២០ ខែធ្នូ ឆ្នាំ​២០១១ បន្ទាប់ពី​ទទួល​ទោសទណ្ឌ​រយៈពេល ៨​ឆ្នាំ នៅ​ខេត្ត​ព្រះសីហនុ​៕​
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners