ភ្ជាប់ទំនាក់ទំនងជាមួយយើងតាមរយៈ

អ​.​វ​.​ត​.​ក ចែក​សៀវភៅ​សាលដីកា សំណុំរឿង​០០១ ជូន​ជនរងគ្រោះ​ក្នុង​របប​ខ្មែរក្រហម​

(ថ្ងៃទី 17 ឧសភា 2012, ម៉ោង 06:53:PM) | ដោយ: លីនណា

ក- ក+ | Print

ភ្នំពេញ: អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (​អ​.​វ​.​ត​.​ក​) នឹង​ចែក​សៀវភៅ​សាលដីកា​ស្ថាពរ បិទផ្លូវ​តវ៉ា ក្នុង​សំណុំរឿង​០០១ ជូន​ដល់​អ្នក​រស់រានមានជីវិត​ពី​មន្ទីរ ស​-២១ និង​ដើមបណ្ដឹង​រដ្ឋប្បវេណី ដែលជា​ជនរងគ្រោះ​ក្នុង​របប​ខ្មែរក្រហម​។ នេះ​បើតាម​សេចក្ដីប្រកាស​ព័ត៌មាន នៅ​ល្ងាច​ថ្ងៃទី​១៧ ខែឧសភា ឆ្នាំ​២០១២​។​

​សេចក្ដីប្រកាស​ព័ត៌មាន បាន​បង្ហាញថា ផ្នែក​កិច្ចការ​សាធារណៈ និង​អង្គភាព​គាំពារ​ជនរងគ្រោះ នៃ​អង្គជំនុំជម្រះ​វិសាមញ្ញ ក្នុង​តុលាការ​កម្ពុជា នឹង​ចែក​សៀវភៅ​សាលដីកា ក្នុង​សំណុំរឿង​០០១ ជូន​ដល់​អ្នក​រស់រានមានជីវិត​ពី​មន្ទីរ​ស​-២១ និង​ដើមបណ្ដឹង​រដ្ឋប្បវេណី នៅ​ថ្ងៃ​សុក្រ ទី​១៨ ខែឧសភា ឆ្នាំ​២០១២ វេលា​ម៉ោង ១ និង ៣០ នាទី រសៀល នៅ​សារមន្ទីរ​ឧក្រិដ្ឋកម្ម​ប្រល័យពូជសាសន៍​ទួលស្លែង​។​

​សេចក្ដីប្រកាស​ព័ត៌មាន​បានលើកឡើង​ថា សំណុំរឿង​០០១ គឺជា​សំណុំរឿង​ទីមួយ ដែល​ត្រូវបាន​ជំនុំជម្រះ​នៅ​ចំពោះមុខ អ​.​វ​.​ត​.​ក​។ សំណុំ​រឿងនេះ បាន​បិទ​បញ្ចប់​នៅ​ថ្ងៃទី​៣ ខែកុម្ភៈ ឆ្នាំ​២០១២ ដែល​ពេលនោះ អង្គជំនុំជម្រះ​តុលាការ​កំពូល​បានប្រកាស​សាលដីកា​ផ្ដន្ទាទោស កាំ​ង ហ្កេ​ក​អ៊ា​វ ហៅ ឌុ​ច ដាក់ពន្ធនាគារ​អស់​មួយជីវិត ពីបទ​ឧក្រិដ្ឋកម្ម​ប្រឆាំងនឹង​មនុស្សជាតិ និង​ការរំលោភបំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺ​ណែវ​ឆ្នាំ​១៩៤៩​។​

​សេចក្ដីប្រកាស​ព័ត៌មាន​ដដែល​ក៏បាន​លើកឡើង​ផងដែរ​ថា ដើម្បី​ឲ្យ​សាធារណជន​កម្ពុជា បានទទួល​ព័ត៌មាន​លម្អិត​អំពី​សាលដីការ​នេះ អ​.​វ​.​ត​.​ក បាន​បោះពុម្ព​សាលដីកា​ទាំងស្រុង​ជា​ភាសា​ខ្មែរ​ចំនួន ៥.០០០ ច្បាប់ និង​សាលដីកា​សង្ខេប​ជា​ភាសា​ខ្មែរ​ចំនួន ១៥.០០០ ច្បាប់ ដើម្បី​ចែកជូន​ដើមបណ្ដឹង​រដ្ឋប្បវេណី ស្ថាប័ន​តុលាការ​ក្នុងស្រុក សាកលវិទ្យាល័យ បណ្ណាល័យ និង​មន្ទីរ​ក្រសួង​នៅក្នុង​រដ្ឋាភិបាល​៕​
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners