ភ្ជាប់ទំនាក់ទំនងជាមួយយើងតាមរយៈ

កំពត៖ព្រឹក​នេះ អ្នក​មក​បោះឆ្នោត បាន​ជាង ៥០ ភាគរយ

(ថ្ងៃទី 3 មិថុនា 2012, ម៉ោង 12:26:PM) | ដោយ: ឌី ណា

ក- ក+ | Print

កំពត៖ព្រឹក​នេះ អ្នក​មក​បោះឆ្នោត បាន​ជាង ៥០ ភាគរយ

កំពត៖ព្រឹក​នេះ អ្នក​មក​បោះឆ្នោត បាន​ជាង ៥០ ភាគរយ

កំពត៖ព្រឹក​នេះ អ្នក​មក​បោះឆ្នោត បាន​ជាង ៥០ ភាគរយ

 
​កំពត: ​អាច​ចាត់ទុកជា​រយៈពេល​ពាក់​កណ្ដាល​នៃ​ដំណើរការ​បោះឆ្នោត ដែល​បានអូសបន្លាយ​ពី​ម៉ោង ៧ ព្រឹក រហូតដល់​ម៉ោង​១១ ថ្ងៃទី​៣ ខែមិថុនា ឆ្នាំ​២០១២ ដោយ​អ្នក​មក​បោះឆ្នោត​ប្រមាណ​ជាង ៥០ ភាគរយ បាន​បំពេញ​តួនាទី​របស់ខ្លួន​។ ចំនួន​នេះ មានការ​យឺតយ៉ាវ​បើ​ប្រៀបធៀប នឹង​ការបោះឆ្នោត​នាពេល​កន្លងមក ដែល​អ្នកបោះឆ្នោត​ភាគច្រើន សម្រុក​មក​បោះឆ្នោត នាពេល​ព្រឹក​។  

​លោក តែ ជិន​ណា​រិ​ទ្ធ ប្រធាន​គណៈកម្មការ​រៀប​ចំការ​បោះឆ្នោត ប្រចាំ​ខេត្ដ​កំពត បានឱ្យដឹងថា មកដល់​ម៉ោង ១១ ថ្ងៃទី​៣ ខែមិថុនា ឆ្នាំ​២០១២ ចំនួន​អ្នក​បានមក​បោះឆ្នោត មាន​ប្រមាណ​ជាង ៥០ ភាគរយ​ប៉ុណ្ណោះ ដោយ​មើលទៅ ហាក់​យឺតយ៉ាវ ជាង​បណ្ដា​ការបោះឆ្នោត​សកល​កន្លងមក ដែល​យ៉ាងហោចណាស់ ដល់​វេលា​ដូចគ្នា ក៏បាន​ជាង ៦០ ភាគរយ​ដែរ​។

​កន្លងមក​អ្នកបោះឆ្នោត​តែង​នាំគ្នា​សម្រុក​មក​បោះ នៅពេល​ព្រឹក រហូត​មានការ​កកស្ទះ​តាម​ការិយាល័យ​និ​មួយៗ​ទៀតផង​។ នេះ​អាច​បណ្ដាលមកពី ហេតុផល ដែល​ពួកគាត់ មិន​ចង់​ប្រជ្រៀត​គ្នា​នាំឱ្យ​ជួប​បញ្ហា​ស្មុគស្មាញ ហើយក៏​អាច​ដោយសារ​អ្នកខ្លះ​ជាប់រវល់​លក់ដូរ ក្នុងអំឡុង​ពេលព្រឹក​ផងដែរ​។

​ជាការ​រំពឹងទុក អ្នកបោះឆ្នោត​នឹង​នាំគ្នា​មក​ច្រើន ចន្លោះពេល​ហូបបាយ​ថ្ងៃត្រង់​រួចរាល់​នោះ​។ លោក​ប្រធាន​បញ្ជាក់​ឱ្យដឹង​ផងដែរ​ថា មកដល់​ម៉ោង ១១ ដដែល​នេះ មិនទាន់មាន​បណ្ដឹង​ណាមួយ ដាក់​ចូលមក​គណៈកម្មកា​រ​រៀបចំ​ការបោះឆ្នោត ថ្នាក់​ខេត្ដ នៅឡើយ​ទេ​។

​ដោយឡែក​លោក ម៉ុក សែន ប្រធាន​គណៈកម្មការ​រៀប​ចំ​កាបោះឆ្នោត ប្រចាំ​ខេត្ដ​កែប បានឱ្យដឹងថា គិត​ត្រឹម​ម៉ោង ១០ ព្រឹក នៃ​ថ្ងៃ​បោះឆ្នោត​នេះ មិនមាន​រឿងរ៉ាវ​អវិជ្ជមាន​ណា​កើតឡើង​ឡើយ ខណៈដែល​អ្នកបោះឆ្នោត ដែលមាន​ឈ្មោះ​ក្នុង​បញ្ជី ២៥.០៥១ នាក់ គឺមាន ១៣.៤៦៥ នាក់ បានមក​បោះឆ្នោត​ហើយ គិត​ត្រឹម​ព្រឹក​ថ្ងៃទី​៣​មិថុនា ឆ្នាំ​២០១២ ពោលគឺ​ស្មើនឹង ៥៣,៧៥ ភាគរយ​។​

​ការិយាល័យ​បោះឆ្នោត​ទូទាំងប្រទេស នឹង​បិទទ្វារ នៅ​ម៉ោង ៣ រសៀល បើទោះបីជា​អ្នកបោះឆ្នោត មិន​មក​គ្រប់​ចំនួន​ក៏ដោយ​៕
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners