ភ្ជាប់ទំនាក់ទំនងជាមួយយើងតាមរយៈ

寻人启事寻找在1975年失散的哥哥名叫符史克解放前住在戴高乐街的金泉咖啡店，隔壁是明发电器店亲人如下：父亲：符鸿梓母亲：林素锦大妹：符史莲二妹：符史蓉三妹：符史花小妹：符史芬大弟：符史锋小弟：符史铭如有仁人善士知其下落请联络柬埔寨下列地址 :门牌 55E3 路 136 新街市3 金边柬埔寨联系电话号码：+855 12 912326 , +855 13 558813, +855 97 8899628 感恩不尽，功德无量

អតីតអ្នករស់នៅសហគមន៍៧៨ ធ្វើពិធីរម្លឹកខួបបីឆ្នាំ ក្រោយការបណ្ដេញចេញ

(ថ្ងៃទី 17 កក្កដា 2012, ម៉ោង 11:06:AM) | ដោយ: រតនា

ក- ក ក+ | Print

ភ្នំពេញ: ប្រជាពលរដ្ឋ អតីតអ្នករស់នៅសហគមន៍ ៧៨ មានទីតាំងនៅសង្កាត់ទន្លេបាសាក់ ខណ្ឌចំការមន នៅជិតរដ្ឋសភា ជាប់ស្ថានទូតអូស្ត្រាលី បានជួបជុំគ្នាកាលពីព្រឹកថ្ងៃទី១៧ ខែកក្កដា ឆ្នាំ២០១២ ដើម្បីរម្លឹកខួបបីឆ្នាំ នៃការបាត់បង់ដីលំនៅដ្ឋានរបស់ពួកគេ ដោយការបណ្ដេញចេញពីសំណាក់អាជ្ញាធរក្រុងភ្នំពេញ ដែលគ្មានសំណងសមរម្យ។

ពិធីជួបជុំនោះ មានអ្នកចូលរួមប្រមាណ ៥០ នាក់ និងមានធ្វើពិធីសូត្រមន្ត តាមបែបព្រះពុទ្ធសាសនា និងពិធីសែនព្រេនដល់ម្ចាស់ទឹកម្ចាស់ដី។

លោក សុរ័ត្ន តំណាងប្រជាពលរដ្ឋអតីតសហគមន៍៧៨ បាននិយាយថា ប្រជាពលរដ្ឋសហគមន៍៧៨ នៅតែមិនអស់ចិត្តជាមួយនឹងអាជ្ញាធរក្រុងភ្នំពេញ ដែលបណ្ដេញពួកគាត់ចេញពីលំនៅដ្ឋានកាលពីអំឡុងឆ្នាំ២០០៩ ដោយយកលេសថា “ពួកគាត់រស់នៅលើដីផ្លូវរបស់រដ្ឋ” ការបណ្ដេញចេញនោះ ប្រជាពលរដ្ឋមួយចំនួនមិនទាន់បានទទួលសំណងទេ ហើយអ្នកដែលបានទទួលសំណងតិចតួចនោះ ក៏មិនអាចមានលទ្ធភាពទិញដីដើម្បីសង់លំនៅដ្ឋានបានសមរម្យដែរ។

លោក សុរ័ត្ន បាននិយាយថា “ពួកយើងយល់ថា បើដីអតីតលំនៅទាំងនោះ រដ្ឋយកទៅអភិវឌ្ឍន៍ជាផលប្រយោជន៍រដ្ឋ យើងមិនទាមទារសំណងទេ ប៉ុន្តែអាជ្ញាធរបណ្ដេញពួកយើងពីលំនៅដ្ឋាន ហើយប្រគល់ដីឲ្យទៅក្រុមហ៊ុនឯកជន ធ្វើរបងព័ទ្ធទុកចោល”។

ចំណែកលោក ឡៅ ម៉ុងហៃ ប្រធានអង្គការសិទ្ធិមនុស្សអាស៊ី ដែលបានចូលរួមក្នុងពិធីជួបជុំនៅព្រឹកនេះ បានមានប្រសាសន៍ថា ក្រុមហ៊ុនគួរតែផ្ដល់សំណងសមរម្យដល់ប្រជាពលរដ្ឋនៃសហគមន៍ ៧៨នេះ យើងមិនសប្បាយចិត្តទេ នៅពេលដែលប្រជាពលរដ្ឋរងការបណ្ដេញចេញដោយអយុត្តិធម៌ និងមិនបានទទួលសំណងសមរម្យ៕ S