ភ្ជាប់ទំនាក់ទំនងជាមួយយើងតាមរយៈ

ចៅក្រម​សាលាឧទ្ធរណ៍ ប្រគល់​នីតិសម្បទា​ឲ្យ​លោកស្រី មូរ សុខ​ហួរ ឡើងវិញ​ហើយ​

(ថ្ងៃទី 3 សីហា 2012, ម៉ោង 10:59:AM) | ដោយ: លីនណា

ក- ក+ | Print

ចៅក្រម​សាលាឧទ្ធរណ៍ ប្រគល់​នីតិសម្បទា​ឲ្យ​លោកស្រី មូរ សុខ​ហួរ ឡើងវិញ​ហើយ​
លោកស្រី មូរ សុខ​ហួរ អ្នកតំណាងរាស្ត្រ មកពី​គណបក្ស សម រង្ស៊ី (រូបថត : ស៊ីវ ចាន់ណា)

 
ភ្នំពេញ: ​លោកស្រី មូរ សុខ​ហួរ អ្នកតំណាងរាស្ត្រ មកពី​គណបក្ស សម រង្ស៊ី ត្រូវបាន​ចៅក្រម​របស់​តុលាការ​សាលាឧទ្ធរណ៍ សម្រេច​ប្រគល់​នីតិសម្បទា​ជូន​លោកស្រី ដែល​អាច​បើកផ្លូវ​ឲ្យ​លោកស្រី ទទួលបាន​អភ័យឯកសិទ្ធិ​ពេញលេញ​ឡើងវិញ​។ ក៏ប៉ុន្តែ​តាមច្បាប់ មួយខែ​ទៀតទើប​លោកស្រី មូរ សុខ​ហួរ ទទួលបាន​អភ័យឯកសិទ្ធិ ប្រសិនបើ​គ្មាន​បណ្តឹង​។​

​ការសម្រេច​របស់​ចៅក្រម​បែបនេះ បានធ្វើ​ឡើងនៅក្នុង​សវនាការ កាលពី​ព្រឹក​ថ្ងៃទី​៣ ខែសីហា ឆ្នាំ​២០១២ នៅ​សភា​ស៊ើបសួរសាលាឧទ្ធរណ៍​។

​ក្រោយ​ការសម្រេច លោកស្រី មូរ សុខ​ហួរ បាន​ប្រាប់​អ្នកកាសែត​ថា​ ការសម្រេច​របស់​សភា​ស៊ើបសួរ​សាលាឧទ្ធរណ៍​នេះ គឺជា​ការសម្រេច​ដ៏​ត្រឹមត្រូវ ដែល​លោកស្រី ទទួលយកបាន​។ នៅក្នុង​រយៈពេល​មួយខែ​នេះ លោកស្រី​នៅតែ​បំពេញ​តួនាទី​ជា​អ្នក​តំណា​ង​រាស្ត្រ ព្រោះ​រាស្ត្រ​បោះឆ្នោត​ឲ្យ មិនមែន​ឲ្យ​មក​នៅ​ស្ងៀម​បិទមាត់​ទេ លោកស្រី​មិន​ស្តាប់​អ្នកណា​ក្រៅពី​រាស្ត្រ​ទេ​។

​លោកស្រី មូរ សុខ​ហួរ បាន​បន្តថា លោកស្រី​បាន​រង់ចាំ​យុត្តិធម៌ អស់​រយៈពេល​ជិត​បី​ឆ្នាំ​មកហើយ​។ តុលាការក៏បាន​កាត់​ប្រាក់បៀវត្ស​របស់លោក​ស្រី អស់ ១៦,៥ លាន រៀល​។​

​សូម​បញ្ជា​ក់ថា សម្តេច​តេ​ជោ ហ៊ុន សែន នាយករដ្ឋមន្ត្រី បានដាក់​ពាក្យបណ្តឹងទៅ​សាលាដំបូង​រាជធានី​ភ្នំពេញ កាលពី​ឆ្នាំ​២០០៩ ប្តឹង​លោកស្រី មូរ សុខ​ហួរ ពីបទ​បរិហាកេរ្តិ៍​សម្តេច ហើយ​តុលាការ​បានសម្រេច​ក្តី​ឲ្យ​លោកស្រី​ចាញ់ក្តីសម្តេច​តេ​ជោ ហ៊ុន សែន និង​បាន​បង្គាប់​ឲ្យ​លោកស្រី បង់ប្រាក់​ពិន័យ ព្រមទាំង​ប្រាក់​សំណង​ជំងឺ​ចិត្ត សរុប​ចំនួន ១៦,៥ លាន​រៀល​។ ប៉ុន្តែ​លោកស្រី​មូរ​ សុខ​ហួរ មិន​ព្រមព្រៀង​បង់ប្រាក់​ទាំងនោះ ទើប​តុលាការ​ជ្រើស​រើសយកដំណោះស្រាយ​ឈ្នះ​ឈ្នះ តាមរយៈ​ការ​កាត់​ប្រាក់ខែ​របស់លោក​ស្រី មូរ សុខ​ហួរ ក្នុងនាម​ជា​សមាជិក​រដ្ឋសភា​៕ S
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners