ភ្នំពេញ:
លោកស្រី សែម ស័ក្តិកូឡា ចៅក្រមស៊ើបសួររបស់តុលាការសាលាដំបូងរាជធានីភ្នំពេញ កាលពីរសៀលថ្ងៃទី៣ ខែសីហា ឆ្នាំ២០១២ បានចេញដីកាសម្រេចបដិសេធនូវពាក្យស្នើសុំរបស់មេធាវី មិនឱ្យលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និងជានាយកវិទ្យុសំបុកឃ្មុំ អេហ្វអឹម១០៥ នៅក្រៅឃុំបណ្តោះអាសន្នឡើយ។
កាលពីថ្ងៃទី៣១ ខែកក្កដា ឆ្នាំ២០១២ លោក សុក សំអឿន មេធាវីការពារក្តីឱ្យលោក ម៉ម សូណង់ដូ បានដាក់ពាក្យសុំឱ្យកូនក្តីរបស់លោក នៅក្រៅឃុំបណ្តោះអាសន្ន បន្ទាប់ពីសមត្ថកិច្ចបានចាប់ខ្លួនលោកម៉មសូណង់ដូ កាលពីថ្ងៃទី១៥ ខែកក្កដា ឆ្នាំ២០១២។
តាមច្បាប់ លោកមេធាវី សុក សំអឿន ឬសាម៉ីខ្លួន លោក ម៉ម សូណង់ដូមានសិទ្ធិប្តឹងឧទ្ធរណ៍ប្រឆាំងនឹងការសម្រេចរបស់ចៅក្រម ទៅកាន់សភាស៊ើបសួរ របស់តុលាការសាលាឧទ្ធណ៍ ដើម្បីសម្រេចបន្តទៀត។
ការស្នើសុំឱ្យលោកម៉មសូណង់ដូ នៅក្រៅឃុំ គឺលោកមេធាវី បានសំអាងថា ការឃុំខ្លួននោះ គឺខុសច្បាប់ ព្រោះលោក ម៉ម សូណង់ដូ ពុំបានប្រព្រឹត្តដូចការចោទប្រកាន់ ហើយក៏ពុំមានបំណងគេចវេះនោះដែរ។
មានអាយុ ៧២ ឆ្នាំ លោក ម៉ម សូណង់ដូ ត្រូវបានប៉ូលិស ចាប់ខ្លួន កាលពីថ្ងៃទី១៥ ខែកក្កដា ឆ្នាំ២០១២ បន្ទាប់ពីលោកបានវិលត្រឡប់មកពីសហរដ្ឋអាមេរិកបានតែបីថ្ងៃប៉ុណ្ណោះ។ តុលាការបានសម្រេចឃុំខ្លួនលោកម៉មសូណង់ដូ នៅពន្ធនាគារព្រៃស ក្រោមការចោទប្រកាន់ពីបទ ផ្តួចផ្តើមគំនិតប្រឆាំងអ្នករាជការសាធារណៈ ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ញុះញង់ឲ្យប្រជាពលរដ្ឋកាន់កាប់អាវុធខុសច្បាប់ និងប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លើលោកម៉មសូណង់ដូ គឺតុលាការ បានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដី ដែលអាជ្ញាធររដ្ឋាភិបាល ចោទប្រកាន់ថា អ្នកទាំងនោះ ចាប់ដីរដ្ឋ បង្កើតតំបន់អបគមន៍ ត្រូវបានរដ្ឋាភិបាល បង្ក្រាប និងបណ្ថេញចេញ កាលពីថ្ងៃទី១៦ឧសភា ឆ្នាំ២០១២ បណ្តាលឲ្យក្មេងស្រីម្នាក់ ស្លាប់ និងមនុស្សជាច្រើន បានរត់គេចខ្លួន ពីការតាមចាប់របស់តុលាការខេត្តក្រចេះ។
ការចោទប្រកាន់របស់រដ្ឋាភិបាលទៅលើលោក លោក ម៉មសូណង់ដូ ដែលជាសកម្មជនរិះគន់រឿងព្រំដែន ហើយត្រូវបានរដ្ឋាភិបាលចាប់ដាក់ពន្ធនាគារ ២ ដងមកហើយនោះ ត្រូវបានសកម្មជនអង្គការសង្គមស៊ីវិល តាមឃ្លាំមើលរឿងនោះ ដោយប្រយ័ត្នប្រយែង ព្រោះថា មានមជ្ឈដ្ឋានជាច្រើន បានចាត់ទុកថា ការចាប់ខ្លួនលោក ម៉ម សណូង់ដូ ធ្វើឡើង ដោយគ្មានមូលដ្ឋានច្បាស់លាស់ និងទាមទារឲ្យដោះលែងលោក ម៉ម សូណង់ដូ ឲ្យមានសេរីភាពឡើងវិញ។
លោក អំ សំអាត បានបន្ថែមថា "យើងជាសង្គមស៊ីវិល រង់ចាំមើលរឿងនោះ ទៅតាមដំណើរការតុលាការ តើការចោទប្រកាន់យ៉ាងណាៗនោះ លើលោកម៉មសូណង់ដូ គឺយើងចាំមើលដំណើរការរបស់តុលាការទៅមុខទៀត"។
សេចក្តីប្រកាសខាងលើនេះ បានធ្វើឡើង តែមួយថ្ងៃប៉ុណ្ណោះ ក្រោយពីសម្តេចនាយករដ្ឋមន្ត្រី ហ៊ុន សែន បានប្រកាស កាលពីថ្ងៃទី១សីហា ឆ្នាំ២០១២ ក្នុងពិធីចែកសញ្ញាប័ត្រដល់និស្សិតច្បាប់ និងសេដ្ឋកិច្ច ថា ករណីលោកម៉មសូណង់ដូ ជារឿងផ្លូវច្បាប់របស់តុលាការ ដែលត្រូវត្រៀមមេធាវី ដើម្បីតតាំងរឿងក្តី តាមផ្លូវច្បាប់។ រីឯគំនាបអន្តរជាតិ ឬក៏ស្នាមមេដៃ របស់មហាជន មិនអាចជួយលោកម៉មសូណង់ដូ ឲ្យរួចផុតពីការកាត់ទោស តាមផ្លូវច្បាប់បានទេ៕
កាលពីថ្ងៃទី៣១ ខែកក្កដា ឆ្នាំ២០១២ លោក សុក សំអឿន មេធាវីការពារក្តីឱ្យលោក ម៉ម សូណង់ដូ បានដាក់ពាក្យសុំឱ្យកូនក្តីរបស់លោក នៅក្រៅឃុំបណ្តោះអាសន្ន បន្ទាប់ពីសមត្ថកិច្ចបានចាប់ខ្លួនលោកម៉មសូណង់ដូ កាលពីថ្ងៃទី១៥ ខែកក្កដា ឆ្នាំ២០១២។
តាមច្បាប់ លោកមេធាវី សុក សំអឿន ឬសាម៉ីខ្លួន លោក ម៉ម សូណង់ដូមានសិទ្ធិប្តឹងឧទ្ធរណ៍ប្រឆាំងនឹងការសម្រេចរបស់ចៅក្រម ទៅកាន់សភាស៊ើបសួរ របស់តុលាការសាលាឧទ្ធណ៍ ដើម្បីសម្រេចបន្តទៀត។
ការស្នើសុំឱ្យលោកម៉មសូណង់ដូ នៅក្រៅឃុំ គឺលោកមេធាវី បានសំអាងថា ការឃុំខ្លួននោះ គឺខុសច្បាប់ ព្រោះលោក ម៉ម សូណង់ដូ ពុំបានប្រព្រឹត្តដូចការចោទប្រកាន់ ហើយក៏ពុំមានបំណងគេចវេះនោះដែរ។
មានអាយុ ៧២ ឆ្នាំ លោក ម៉ម សូណង់ដូ ត្រូវបានប៉ូលិស ចាប់ខ្លួន កាលពីថ្ងៃទី១៥ ខែកក្កដា ឆ្នាំ២០១២ បន្ទាប់ពីលោកបានវិលត្រឡប់មកពីសហរដ្ឋអាមេរិកបានតែបីថ្ងៃប៉ុណ្ណោះ។ តុលាការបានសម្រេចឃុំខ្លួនលោកម៉មសូណង់ដូ នៅពន្ធនាគារព្រៃស ក្រោមការចោទប្រកាន់ពីបទ ផ្តួចផ្តើមគំនិតប្រឆាំងអ្នករាជការសាធារណៈ ធ្វើកុបកម្ម ជ្រៀតជ្រែកខុសច្បាប់ នៅក្នុងការបំពេញមុខងារសាធារណៈ ញុះញង់ឲ្យប្រជាពលរដ្ឋកាន់កាប់អាវុធខុសច្បាប់ និងប្រឆាំងនឹងអាជ្ញាធរស្របច្បាប់ ដែលមានចែងក្នុងមាត្រាមួយចំនួន នៃក្រមព្រហ្មទណ្ឌ។
ការចោទប្រកាន់លើលោកម៉មសូណង់ដូ គឺតុលាការ បានភ្ជាប់នឹងករណីជម្លោះដី ដែលបង្កឡើងដោយប្រជាពលរដ្ឋមួយក្រុម ដែលជាសាខាសមាគមអ្នកប្រជាធិបតេយ្យ នៅក្នុងភូមិប្រម៉ា ឃុំកំពង់ដំរី ស្រុកឆ្លូង ខេត្តក្រចេះ។ ករណីជម្លោះដី ដែលអាជ្ញាធររដ្ឋាភិបាល ចោទប្រកាន់ថា អ្នកទាំងនោះ ចាប់ដីរដ្ឋ បង្កើតតំបន់អបគមន៍ ត្រូវបានរដ្ឋាភិបាល បង្ក្រាប និងបណ្ថេញចេញ កាលពីថ្ងៃទី១៦ឧសភា ឆ្នាំ២០១២ បណ្តាលឲ្យក្មេងស្រីម្នាក់ ស្លាប់ និងមនុស្សជាច្រើន បានរត់គេចខ្លួន ពីការតាមចាប់របស់តុលាការខេត្តក្រចេះ។
ការចោទប្រកាន់របស់រដ្ឋាភិបាលទៅលើលោក លោក ម៉មសូណង់ដូ ដែលជាសកម្មជនរិះគន់រឿងព្រំដែន ហើយត្រូវបានរដ្ឋាភិបាលចាប់ដាក់ពន្ធនាគារ ២ ដងមកហើយនោះ ត្រូវបានសកម្មជនអង្គការសង្គមស៊ីវិល តាមឃ្លាំមើលរឿងនោះ ដោយប្រយ័ត្នប្រយែង ព្រោះថា មានមជ្ឈដ្ឋានជាច្រើន បានចាត់ទុកថា ការចាប់ខ្លួនលោក ម៉ម សណូង់ដូ ធ្វើឡើង ដោយគ្មានមូលដ្ឋានច្បាស់លាស់ និងទាមទារឲ្យដោះលែងលោក ម៉ម សូណង់ដូ ឲ្យមានសេរីភាពឡើងវិញ។
លោក អំ សំអាត បានបន្ថែមថា "យើងជាសង្គមស៊ីវិល រង់ចាំមើលរឿងនោះ ទៅតាមដំណើរការតុលាការ តើការចោទប្រកាន់យ៉ាងណាៗនោះ លើលោកម៉មសូណង់ដូ គឺយើងចាំមើលដំណើរការរបស់តុលាការទៅមុខទៀត"។
សេចក្តីប្រកាសខាងលើនេះ បានធ្វើឡើង តែមួយថ្ងៃប៉ុណ្ណោះ ក្រោយពីសម្តេចនាយករដ្ឋមន្ត្រី ហ៊ុន សែន បានប្រកាស កាលពីថ្ងៃទី១សីហា ឆ្នាំ២០១២ ក្នុងពិធីចែកសញ្ញាប័ត្រដល់និស្សិតច្បាប់ និងសេដ្ឋកិច្ច ថា ករណីលោកម៉មសូណង់ដូ ជារឿងផ្លូវច្បាប់របស់តុលាការ ដែលត្រូវត្រៀមមេធាវី ដើម្បីតតាំងរឿងក្តី តាមផ្លូវច្បាប់។ រីឯគំនាបអន្តរជាតិ ឬក៏ស្នាមមេដៃ របស់មហាជន មិនអាចជួយលោកម៉មសូណង់ដូ ឲ្យរួចផុតពីការកាត់ទោស តាមផ្លូវច្បាប់បានទេ៕
.jpg)
