ភ្ជាប់ទំនាក់ទំនងជាមួយយើងតាមរយៈ

យុទ្ធសាស្ត្រ​ថាមពល​អាស៊ី​បូព៌ា បំពេញតម្រូវការ ការរស់នៅ​យ៉ាង​សមរម្យ​បំផុត​

(ថ្ងៃទី 2 សីហា 2012, ម៉ោង 04:17:PM) | ដោយ: ចៅចិត្រ

ក- ក+ | Print

យុទ្ធសាស្ត្រ​ថាមពល​អាស៊ី​បូព៌ា បំពេញតម្រូវការ ការរស់នៅ​យ៉ាង​សមរម្យ​បំផុត​

យុទ្ធសាស្ត្រ​ថាមពល​អាស៊ី​បូព៌ា បំពេញតម្រូវការ ការរស់នៅ​យ៉ាង​សមរម្យ​បំផុត​

 
ភ្នំពេញ: ក្នុងអំឡុងពេល​នៃ​កិច្ចពិភាក្សា​ប្រសិទ្ធភាព​ថាមពល​លើក​ទី​២ តំបន់​អាស៊ី​បូព៌ា នៅ​រាជធានី​ភ្នំពេញ អ្នកជំនាញការ និង​អ្នកកំណត់​នូវ​គោលនយោបាយ​នៃ​អ្នកចូលរួម បានលើកឡើង និង​ផ្សព្វផ្សាយ​នូវ​យុទ្ធសាស្ត្រ​មួយចំនួន ដែល​ស៊ី​ទៅនឹង​បរិបទ​មជ្ឈដ្ឋាន​ក្នុង​តំបន់ និង​ពិភពលោក​ទាំងមូល​។​

​ប្រទេស​កម្ពុជា កំពុង​ត្រូវការ​ថវិកា​ប្រមាណ​ជា ១.០០០ លាន​ដុល្លារ សម្រាប់​អភិវឌ្ឍ​ក្នុង​រយៈពេល​វែង ឬ​យ៉ាងហោចណាស់ ១០០ លាន​ដុល្លារ សម្រាប់​ការវិនិយោគ​ប្រចាំឆ្នាំ ដើម្បី​ធ្វើ​វឌ្ឍនកម្ម​ទៅលើ​គម្រោង​ថាមពល​កកើត​ឡើងវិញ បំពេញតម្រូវការ​អគ្គិសនី​នៅតាម​ទីជនបទ​ដាច់ស្រយាល ក្នុង​បុព្វហេតុ​កាត់បន្ថយ ដោយយោង​ទៅលើ​ការ​បូកសរុប​នៃ​ប្រេងម៉ាស៊ូត​។ នេះ​ជា​សក្ខីកម្ម ដែល​បានបង្ហាញ​ដោយ​លោក ទូច សុ​វណ្ណា ប្រធាន​ស្ថាប័ន​បច្ចេកវិទ្យា​ថាមពល នៃ​ក្រសួង​ឧស្សាហកម្ម រ៉ែ និង​ថាមពល នៃ​ព្រះរាជាណាចក្រ​កម្ពុជា​។​

​ប្រទេស​ថៃ បាន​ផ្តោតទៅលើ​គោលនយោបាយ​ឥន្ធនៈ​ផ្សេងៗ ដោយ​ឆ្លងកាត់​ការអភិវឌ្ឍ​ថាមពល​កកើត​ឡើងវិញ ការ​នាំចូល​ថាមពល​ពី​ប្រទេសជិតខាង និង​ធ្យូង ដើម្បី​ធ្វើ​ឲ្យ​មាន​តុល្យភាព​នៃ​ការប្រើប្រាស់​ហ្គាស​។

​លោក​បណ្ឌិត JirapornSirikum ប្រធាន​ស្ថាប័ន​ប្រព័ន្ធ​បង្កើត​អភិវឌ្ឍ​គម្រោង​នៃ EGAT បាន​និយាយថា “​ប្រទេស​ថៃ នៅតែ​ពឹង​ផ្អែកលើ​ឧស្ម័ន​ធម្មជាតិ ប៉ុន្តែ​វា​នឹងត្រូវ​កាត់បន្ថយ​ពី ៦៧ ភាគរយ នៅ​ឆ្នាំ​២០១១ ទៅ​ប្រហែលជា ៥៨ ភាគរយ នៅ​ឆ្នាំ​២០៣០ ដែល​ទោះបីជា​យើង​បាន​ពន្យារពេល​នូវ​ការអនុវត្ត​គម្រោង​ថាមពល​នុយ​ក្លេរ​អ៊ែរ បន្ទាប់ពី​គ្រោះថ្នាក់​នៅ Fukushima ក៏ដោយចុះ​។ យើង​រង់ចាំ​ទាល់តែ​ប្រទេស​ជប៉ុន ចាប់ផ្តើមបាន​មួយរយ​ភាគរយ​នូវ​គម្រោង​ស្ថានីយ៍​នុយ​ក្លេរ​អ៊ែរ​របស់គេ​ចប់សព្វគ្រប់​”​។

​សន្និសីទ​ប្រសិទ្ធភាព​ថាមពល​អាស៊ាន​លើក​ទី​២ បានចាប់ផ្តើម​ពីថ្ងៃ​ទី​៣១ ខែកក្កដា ដល់​ថ្ងៃទី​១ ខែសីហា ឆ្នាំ​២០១២ ដែល​ក្រសួង​ឧស្សាហកម្ម រ៉ែ និង​ថាមពល ព្រះរាជាណាចក្រ​កម្ពុជា​ជា​ម្ចាស់ផ្ទះ ដោយមាន​កិច្ច​សហ​ប្រតិ​ប​ត្ត​ការ​ជាមួយនឹង​វិទ្យាស្ថាន​ស្រាវជ្រាវ​សេដ្ឋកិច្ច​សម្រាប់​អាស៊ាន និង​អាស៊ី​បូព៌ា​(ERIA)​និង​មជ្ឈមណ្ឌល​ថាមពល​អាស៊ាន​(ACE) ដោយ​គាំទ្រ​ថវិកា​ពី​ទីភ្នាក់ងារ​ថាមពល​កកើត​ឡើងវិញ​អន្តរជាតិ (IRENA)៕​
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners