ភ្ជាប់ទំនាក់ទំនងជាមួយយើងតាមរយៈ

“​បុគ្គលិក​ជំនាញ​ផ្នែក​បច្ចេកវិទ្យា​” អាចជួយ​ឲ្យ​ក្រុមហ៊ុន​ចំណេញ​ប្រាក់​ជាច្រើន​ម៉ឺន​ដុល្លារ​

(ថ្ងៃទី 19 កក្កដា 2012, ម៉ោង 10:25:AM) | ដោយ: Ezecom

ក- ក+ | Print

“​បុគ្គលិក​ជំនាញ​ផ្នែក​បច្ចេកវិទ្យា​” អាចជួយ​ឲ្យ​ក្រុមហ៊ុន​ចំណេញ​ប្រាក់​ជាច្រើន​ម៉ឺន​ដុល្លារ​

 
ភ្នំពេញ: ​ការជួល ​“​អ្នក​ពូកែ​” ​ផ្នែក​បច្ចេកទេស​ ឲ្យ​បម្រើ​ការងារ​នៅក្នុង​ក្រុមហ៊ុន អាចជួយ​ឲ្យ​ក្រុមហ៊ុន​ធម្មតានៅក្នុង​ប្រទេស​កម្ពុជា សន្សំសំចៃ​ប្រាក់បាន​ដល់​ទៅ​រាប់ម៉ឺន​ដុល្លារ ក្នុង​មួយឆ្នាំ ហើយ​អាចធ្វើ​ឲ្យ​ក្រុមហ៊ុន​មាន​ប្រសិទ្ធភាព​កាន់តែ​ប្រសើរ​ជាង​មុន​។ នេះ​បើ​យោងតាមក្រុមហ៊ុនផ្ដល់​សេវា​អ៊ិន​ធើ​ណិ​ត ឈានមុខ​គេ​មួយ​នៅ​កម្ពុជា​។​

​យោងតាម​ក្រុមហ៊ុន Ezecom ការ​មាន​បុគ្គលិក​ដែលមាន​ជំនាញ​ផ្នែក IT នៅក្នុង​ក្រុមហ៊ុន អាចជួយ​ធ្វើ​ឲ្យ​ក្រុមហ៊ុនក្នុងស្រុក​ដើរទា​ន់​ការវិវឌ្ឍ និង​ការរីកចម្រើនផ្នែក​បច្ចេកវិទ្យា ដែល​អាច​ចំណេញ​ប្រាក់​ដល់​ក្រុមហ៊ុន និង​បង្កើន​ប្រសិទ្ធភាព​នៃ​កិច្ចដំណើរការ​ប្រចាំថ្ងៃ​។​

​ប្រធាន​ផ្នែក​អភិវឌ្ឍន៍​ពាណិជ្ជកម្ម​ក្រុមហ៊ុន Ezecom លោក អេង សុខ​ហេង​ម៉េង មានប្រសាសន៍ថា ការជួល​បុគ្គលិកដែលមាន​ជំនាញ​ផ្នែកបច្ចេកវិទ្យា អាច​បើកទ្វារទៅរក​បណ្ដាញ​ និង​ប្រព័ន្ធ​បច្ចេកវិទ្យា​ទំនើបៗ ដូចជា MPLS (Multiprotocol Label Switching) និង VPNs (Virtual Private Networks)​។​

​លោក អេង សុខ​ហេង​ម៉េង មានប្រសាសន៍ថា “​ក្រុមហ៊ុន​ភាគច្រើនបំផុត​មិនចេះ​វាក្យ​ស័ព្ទ​បច្ចេកវិទ្យា ​ដើម្បី​អាច​ពិភាក្សាអំពី​ប្រព័ន្ធបច្ចេកវិទ្យាចុងក្រោយ ដែល​អាចជួយ​ឲ្យ​ក្រុមហ៊ុន​ពួកគេ​ចំណេញ​ប្រាក់​ឡើយ​។ ក្រុមហ៊ុន Ezecom យើង​រង់ចាំ​ផ្ដល់​ការណែនាំ​ក៏ពិតមែន ប៉ុន្តែវា​នឹង​ងាយស្រួល​សម្រាប់​យើង ប្រសិនបើ​មាន​អ្នកជំនាញ​ដែល​អាច​សួរ​សំណួរ​ចំៗ និង​ប្រមូល​ព័ត៌មានត្រឹមត្រូវ សម្រាប់​ការដំឡើង និង​ប្រើប្រាស់បច្ចេកវិទ្យាចុងក្រោយ​”​។​

​យោងតាម​លោក អេង សុខ​ហេង​ម៉េង ក្រុមហ៊ុន​ក្នុងស្រុក​ដែល​ប្រើប្រាស់ MPLS និង VPN សន្សំសំចៃ​ប្រាក់​បាន​រាប់ម៉ឺន​ដុល្លារ​ក្នុង​មួយឆ្នាំៗ ពី​ការចំណាយលើ​ប្រព័ន្ធ ទំនាក់ទំនង​។ ប៉ុន្តែបច្ចុប្បន្នមាន​ក្រុមហ៊ុន​តែ ២០%​ ប៉ុណ្ណោះ ដែល​កំពុង​ទាញយក​ផលប្រយោជន៍​ពី​ការ​សន្សំសំចៃ​នេះ ដោយ​ប្រើប្រាស់ MPLS និង VPN​។​

​លោក អេង សុខ​ហេង​ម៉េង មានប្រសាសន៍​បន្ថែមថា “​ការ​មាន​អ្នកជំនាញ​បច្ចេកទេស​នៅក្នុង​ជួរ​បុគ្គលិក នឹង​ជួយ​ក្រុមហ៊ុន​ផ្ដល់​សេវា គមនាគមន៍ និង​អ៊ិន​ធើ​ណិ​ត ដូចជា Ezecom ដើម្បី​ផ្ដល់ជូន​នូវ​ប្រព័ន្ធ​និង​បណ្ដាញ​ដែលមាន​ប្រសិទ្ធភាព​ខ្ពស់​និង​អស់​ការចំណាយ​តិច​ដល់​អតិថិជន​”​។​

MPLS ឬ Multiprotocol Label Switching គឺជា​កម្មវិធី​ទំនាក់ទំនង​មួយ​ដែលមាន​ប្រសិទ្ធភាព​ខ្ពស់ ដែល​បំបែក​បណ្ដាញ network មួយ​ទៅជា​បំណែក​ដាច់ដោយឡែកៗ​។ បំណែក​ទាំងនេះ​ត្រូវបាន​ផ្គុំ​គ្នា​វិញ​ដើម្បី​បង្កើតជា​បណ្ដាញ​ពេញលេញ​មួយ ដែល​បង្កើន​នូវ​ភាព​អាច​ជឿជាក់ បាន ការដោះស្រាយ​បញ្ហា និង​សន្តិសុខ​កាន់តែ​ប្រសើរឡើង​។ MPLS នេះ​ស័ក្ដិសម​ជាពិសេស​សម្រាប់​ប​ណ្ដា​ញ network របស់​ក្រុមហ៊ុន​។

VPN គឺជា​បណ្ដាញ network ឯកជន​ដែល​ត​ភ្ជាប់​ទៅវិញទៅមក​ជាមួយ​បណ្ដាញ  network ដែល​នៅ​ឆ្ងាយ​។ បណ្ដាញ​នេះ​ស័ក្ដិសម​បំផុត​សម្រាប់​ការប្រើប្រាស់​ ដើម្បី​ត​ភ្ជាប់​ពី​ការិយាល័យ​មួយ​ទៅ​ការិយាល័យ​មួយ​។ នៅក្នុង​ប្រទេស​កម្ពុជា បណ្ដាញ​បែបនេះ​ក៏​ត្រូវបាន​ប្រើប្រាស់​ សម្រាប់​ការតភ្ជាប់​ការិយាល័យ​នៅតាម​ខេត្ត​ ជាមួយនឹង​ការិយាល័យ​កណ្ដាល​នៅក្នុង​ទីក្រុង​ធំៗ​ផងដែរ​។

​ក្រុមហ៊ុន Ezecom ត្រូវបាន​បង្កើតឡើង​នៅក្នុង​ឆ្នាំ​២០០៧ ហើយ​ចាប់តាំងពី​ពេល​នោះមក បាន​ក្លាយជា​ក្រុមហ៊ុនផ្ដល់​សេវា​គមនាគមន៍ឈានមុខ​គេ​។ Ezecom ផ្ដល់​សេវា​ខ្សែកាប​អុ​ប​ទិ​ក WIMAX និង​ដំណោះស្រាយ​តាម​ប្រព័ន្ធ​អ៊ិន​ធើ​ណិ​ត ដល់​បណ្ដា​ក្រុមហ៊ុន និង​អតិថិជន នៅ​ទូទាំងប្រទេស​កម្ពុជា​។ ថ្មីៗ​នេះ Ezecom បាន​ទិញយក​ក្រុមហ៊ុន​ខ្សែកាប​អុ​ប​ទិ​ក Telcotech ដែល​ផ្តល់​លទ្ធភាពឲ្យ​ក្រុមហ៊ុន​ពង្រីកសេវា​គ្របដណ្ដប់ ដល់​ទៅ ៩៩% នៅ​ទូទាំងប្រទេស​៕
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners