ភ្ជាប់ទំនាក់ទំនងជាមួយយើងតាមរយៈ

អគារ​សិក្សា​មួយ​ខ្នង ជា​អំណោយ​សម្ដេច​តេ​ជោ និង​លោកជំទាវ ផ្ដល់ជូន​ភូមិ​តា​មាន់​សែន​ជ័យ សម្រេចបាន ២០ ភាគរយ​

(ថ្ងៃទី 13 សីហា 2012, ម៉ោង 10:41:AM) | ដោយ: បាយ័ន

ក- ក+ | Print

អគារ​សិក្សា​មួយ​ខ្នង ជា​អំណោយ​សម្ដេច​តេ​ជោ និង​លោកជំទាវ ផ្ដល់ជូន​ភូមិ​តា​មាន់​សែន​ជ័យ សម្រេចបាន ២០ ភាគរយ​
លោក​គីម ប៊ុន​ថា​ន​ចុះ​ពិនិត្យ​ការដ្ឋាន​នៅ​ភូមិ​តា​មាន់​សែន​ជ័យ ឃុំ​គោក​មោ​ន ស្រុក​បន្ទាយ​អម្ពិល អំណោយ​សម្ដេច​តេ​ជោ និង​លោកជំទាវ ដែល​ពេលនេះ កសាងបាន​ប្រមាណ ២០​ភាគរយ​

អគារ​សិក្សា​មួយ​ខ្នង ជា​អំណោយ​សម្ដេច​តេ​ជោ និង​លោកជំទាវ ផ្ដល់ជូន​ភូមិ​តា​មាន់​សែន​ជ័យ សម្រេចបាន ២០ ភាគរយ​
លោក​គីម ប៊ុន​ថា​ន​ចុះ​ពិនិត្យ​ការដ្ឋាន​នៅ​ភូមិ​តា​មាន់​សែន​ជ័យ ឃុំ​គោក​មោ​ន ស្រុក​បន្ទាយ​អម្ពិល អំណោយ​សម្ដេច​តេ​ជោ និង​លោកជំទាវ ដែល​ពេលនេះ កសាងបាន​ប្រមាណ ២០​ភាគរយ​

 
ឧ​ត្ត​រ​មានជ័យ: លោក គីម ប៊ុន​ថា​ន ​នាយករង​នាយ​ខុ​ទ្ទ​ល័យ​សម្ដេច​តេ​ជោ​ហ៊ុន សែន និង​ជា​ប្រធាន​ក្រុមការងារ​របស់​គណបក្ស​ប្រជាជន​កម្ពុជាចុះជួយ​ស្រុក​បន្ទាយ​អម្ពិល កាលពី​ថ្ងៃទី​១២ ខែសីហា ឆ្នាំ​២០១២ បាន​ចុះទៅពិនិត្យ​ការស្ថាបនា អាគារ​សិក្សា​មួយ​ខ្នង មាន ៦​បន្ទប់ ដែលជា​អំណោយ​ដ៏​ថ្លៃថ្លា​របស់​សម្ដេច​តេ​ជោ ហ៊ុន សែន និង​លោកជំទាវ​ជូន​ដល់​ភូមិ​តា​មាន់​សែន​ជ័យ ឃុំ​គោក​មោ​ន ស្រុក​បន្ទាយ​អម្ពិល ដែល​រហូតមក​ដល់ពេលនេះ ត្រូវបាន​ប្រធាន​ក្រុមការងារ វាយតំ​លៃ​ថា​កសាងបាន ២០ ភាគរយ​ហើយ​។​
​    ​
​លោក គីម ប៊ុន​ថា​ន បាន​មានប្រសាសន៍ថា អគារ​សិក្សា​ខាងលើ ត្រូវបាន​សម្ដេច​តេ​ជោ និង​លោកជំទាវ​ផ្ដល់ជូន​កាលពី​ថ្មីៗ​កន្លងមកនេះ តាមរយៈ​ក្រុមយុវជន​ស័្ម​គ្រ​ចិ​ត្ដ​សម្ដេច​តេ​ជោ​ហ៊ុនសែន ដែល​កំពុង​វាស់វែង​ដីធ្លី​នៅ​ខេត្ដ​ឧត្ដរមានជ័យ​។ អគារ​នេះ ត្រូវបាន​កសាងឡើង​ដោយ​កងវិស្វកម្ម​តេ​ជោ ហ៊ុន សែន សៀមរាប​។
​    ​
​លោក គីម ប៊ុន​ថា​ន ក្នុងឱកាស​នោះ ក៏បាន​វាយ​តម្លៃខ្ពស់ចំពោះ​កងវិស្វកម្ម​តេ​ជោ ហ៊ុន សែន សៀមរាប ដែល​បាន​ចំណាយ​ពេលវេលា និង​បុគ្គលិក​កម្មករ​យ៉ាង​លឿន​បំផុត ដើម្បី​អនុវត្ដន៍​ផែនការ ដែល​ក្នុង​រយៈពេល​ខ្លី​ប៉ុន​នោះ​សម្រេចបាន ២០ ភាគរយ​ទៅហើយ ដែល​កិច្ច​ការសំខាន់​មួយ​នេះគួរឱ្យ​កោតសរសើរ​។
​    ​
​លោក គីម ប៊ុន​ថា​ន ក៏បាន​មានប្រសាសន៍​ឱ្យដឹងថា សម្ដេច​តេ​ជោ ហ៊ុន សែន និង​លោកជំទាវ​កិ​ត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​ចំណាយ​ថវិកា​ផ្ទាល់ខ្លួន ជួយ​កសាង​អគារ​សិក្សា​មួយ​ខ្នង ដល់​តំបន់​ជនបទ​ដាច់ស្រយាល ដើម្បីឱ្យ​សិ​ស្សា​នុ​-​សិស្ស​ទទួលបាន​នូវ​ចំណេះដឹង និង​បណ្ដុះបណ្ដាល​ធនធានមនុស្ស ឱ្យមាន​ការរីកចម្រើនទៅ​ថ្ងៃ​អនាគត​។ នេះ​គឺជា​ការឆ្លើយតបបាន​យ៉ាង​ទាន់ពេលវេលា ដែល​សម្ដេច និង​លោកជំទាវ បានធ្វើ​តាំងពីដើម​រៀងមក​។​
​    ​
​អគារ​សិក្សា​ថ្មី​មួយ​ខ្នង​នេះ បើតាម​ប្រជាពលរដ្ឋនៅ​មូលដ្ឋាន និង​អាជ្ញាធរ​ដែនដី នឹង​បង្កើត​ទៅជា​សាលា​បឋម​សិក្សា​ថ្មី​មួយ ហើយ​ប្រសិទ្ធនាម​ថា ជា​សាលាបឋមសិក្សា​សម្ដេច​តេ​ជោ ហ៊ុន សែន តា​មាន់​សែន​ជ័យ​។​
​    ​
​លោក គីម ប៊ុន​ថា​ន ក៏បាន​បន្ដទៀតថា កាលពីពេល​ថ្មីៗ​កន្លងទៅនេះ សម្ដេច​តេ​ជោ ហ៊ុន សែន និង​លោកជំទាវ​បានផ្ដល់​អគារ​សិក្សា​ចំនួន ៤ ខ្នង ដល់​ស្រុក​ចំនួន ៤ របស់​ខេត្ដ​ឧត្ដរមានជ័យ គឺ​ក្រុង​សំរោង ១​ខ្នង ស្រុក​បន្ទាយ​អម្ពិល ១​ខ្នង ស្រុក​អន្លង់វែង ១​ខ្នង និង​ស្រុក​ត្រពាំង​ប្រាសាទ ១​ខ្នង​។

​អគារ​ទាំង​៤​ខ្នង​ខាងលើ គឺ​ក្រុមយុវជន​ស័្មគ្រចិត្ត​សម្ដេច​តេ​ជោ​ហ៊ុនសែន បានស្នើ​សុំ​ទៅ​សម្ដេច​តេ​ជោ​ហ៊ុនសែន ដើម្បីឱ្យ​លោក​ជួយ​កសាងជូន​ប្រជាពលរដ្ឋ​ទាំង ៤​ស្រុក​ខាងលើ បន្ទាប់ពី​ពួកគេ​ចុះ​ប្រតិ​ប​ត្ដិ​ការវាស់វែង​ដីធ្លី​នៅ​បណ្ដា​ស្រុក​ខាងលើ ហើយ​ពិនិត្យឃើញថា ប្រជាជន​ទាំងនោះពិតជា​ត្រូវការ​សាលារៀន​ឱ្យ​កូនៗ​ចូលរៀន​សូត្រ​ពិតប្រាកដ​មែន​៕ S

E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners