ភ្ជាប់ទំនាក់ទំនងជាមួយយើងតាមរយៈ

ខេត្ត​ប៉ៃលិន​នាំ​កូនឈើ​បី​ពាន់​ដើម ទៅ​ដាំ​នៅ​បរិវេណ​វត្ត​អូរ​ប្រើស

(ថ្ងៃទី 3 សីហា 2012, ម៉ោង 02:37:PM) | ដោយ: មង្គល

ក- ក+ | Print

ខេត្ត​ប៉ៃលិន​នាំ​កូនឈើ​បី​ពាន់​ដើម ទៅ​ដាំ​នៅ​បរិវេណ​វត្ត​អូរ​ប្រើស
អាជ្ញាធរ និង​ខណ្ឌ​រដ្ឋបាល​ព្រៃឈើ​ប៉ៃលិន បាន​នាំ​កូនឈើ​ចំនួន ៣.០០០ ដើម ទៅ​ដាំ​ក្នុង​បរិវេណ​វត្ត​ព្រះពុទ្ធ​ត្រៃ​យ៍រ​តន៍​មង្គល ហៅ​វត្ត​អូរ​ប្រើស ស្ថិតក្នុង​ភូមិ​អូរ​ប្រើស សង្កាត់​អូរ​តា​វ៉ៅ ក្រុង​-​ខេត្ត​ប៉ៃលិន

ខេត្ត​ប៉ៃលិន​នាំ​កូនឈើ​បី​ពាន់​ដើម ទៅ​ដាំ​នៅ​បរិវេណ​វត្ត​អូរ​ប្រើស
អាជ្ញាធរ និង​ខណ្ឌ​រដ្ឋបាល​ព្រៃឈើ​ប៉ៃលិន បាន​នាំ​កូនឈើ​ចំនួន ៣.០០០ ដើម ទៅ​ដាំ​ក្នុង​បរិវេណ​វត្ត​ព្រះពុទ្ធ​ត្រៃ​យ៍រ​តន៍​មង្គល ហៅ​វត្ត​អូរ​ប្រើស ស្ថិតក្នុង​ភូមិ​អូរ​ប្រើស សង្កាត់​អូរ​តា​វ៉ៅ ក្រុង​-​ខេត្ត​ប៉ៃលិន

 
ប៉ៃលិន: អាជ្ញាធរ និង​ខណ្ឌ​រដ្ឋបាល​ព្រៃឈើ​ប៉ៃលិន បាន​នាំ​កូនឈើ​ចំនួន ៣.០០០ ដើម ទៅ​ដាំ​ក្នុង​បរិវេណ​វត្ត​ព្រះពុទ្ធ​ត្រៃ​យ៍រ​តន៍​មង្គល ហៅ​វត្ត​អូរ​ប្រើស ស្ថិតក្នុង​ភូមិ​អូរ​ប្រើស សង្កាត់​អូរ​តា​វ៉ៅ ក្រុង​-​ខេត្ត​ប៉ៃលិន កាលពី​ថ្ងៃទី​២ ខែសីហា ឆ្នាំ​២០១២ ដើម្បី​ប្រារព្ធ​បុណ្យ​រុក្ខទិវា ដោយមាន​ការអញ្ជើញ​ចូលរួម​ពី​លោក កើត សុធា អភិបាលរង​ខេត្ត​ប៉ៃលិន លោក ជូ ចន្ទ​តារា​ឫទ្ធិ ​នាយ​ខណ្ឌរ​រដ្ឋបាល​ព្រៃឈើ​ប៉ៃលិន ព្រមទាំង​មន្ត្រីរាជការ លោកគ្រូ​អ្នកគ្រូ សិស្សានុសិស្ស និង​ប្រជាពលរដ្ឋ​ប្រមាណ​ជាង ២០០ នាក់​ផងដែរ​។​
​    ​
​លោក ជូ ចន្ទ​តារា​ឫទ្ធិ នាយ​ខណ្ឌ​រដ្ឋបាល​ព្រៃឈើ​ប៉ៃលិន មានប្រសាសន៍ថា ខណ្ឌ​រដ្ឋបាល​ព្រៃឈើ​ប៉ៃលិន បាន​យកចិត្តទុកដាក់​រៀបចំ​បុណ្យ​រុក្ខទិវា​ជា​រៀងរាល់ឆ្នាំ ចាប់ពី​ឆ្នាំ​១៩៩៩ បន្ត​រហូតមកដល់​ប​ច្ចុ​ប្បន្ន​នេះ​។ កូនឈើ​ដែល​ដាំ​បាន​ចំនួន ៣៧.១៥០ ដើម និង​កូនឈើ​ដាំ​ក្រោមរូបភាព​ចលនា​ប្រជាជន បាន​ចំនួន ៧៩.០០០ ដើម​។ នៅវេលា​ព្រឹក​ថ្ងៃទី​២ ខែសីហា​នេះ ខាង​រដ្ឋបាល​ព្រៃឈើ​បាន​នាំយក​​កូនឈើ ៤ ប្រភេទ មានកូន​ក្ងោក​ចំនួន ៥០០ ដើម កូន​គគីរ​ចំនួន ១.០០០ ដើម កូន​លឿង​រាជ​ចំនួន ៥០០ ដើម និង​កូន​បេង​ចំនួន ១.០០០ ដើម ដើម្បី​ដាំ​នៅ​បរិវេណ​វត្ត​អូរ​ប្រើស និង​ចែកជូន​បណ្តា​អង្គភាព សាលារៀន វត្ត​អារាម និង​ប្រជាពលរដ្ឋ យកទៅ​ដាំ​តាម​មូលដ្ឋាន​ផងដែរ​។  
​    ​
​លោកនាយ​ខណ្ឌ​រដ្ឋបាល​ព្រៃឈើ​ប៉ៃលិន​បាន​បន្តថា ពី​ដើមឆ្នាំ​រហូតដល់​ខែកក្កដា ឆ្នាំ​២០១២​នេះ ជំនាញ​បង្ក្រាប​បទល្មើស​ព្រៃឈើ និង​សត្វព្រៃ​បាន​ចំនួន ៩ ករណី ក្នុងនោះ​មាន​បទល្មើស​អនុផល​ព្រៃឈើ ៨ ករណី បទល្មើស​សត្វព្រៃ​មួយ​ករណី និង​ធ្វើ​កិច្ចសន្យា​បញ្ឈប់​ការប្រព្រឹត្ត​បទល្មើស​ព្រៃឈើ និង​សត្វព្រៃ​បាន​ចំនួន ៤ ករណី​, បាន​លើកសំណើ​ដកហូត​ដីព្រៃ​ចំនួន ៧ កន្លែង សរុប​ចំនួន ៤.៣១៥ ហិកតា និង​បោះបង្គោល​ព្រំដែន​ព្រៃ​បម្រុង​ទុក​អចិន្ត្រៃយ៍​បាន​ចំនួន ២៥០ បង្គោល លើ​ផ្ទៃដី​ទំហំ ២២៨ ហិកតា ក្នុង​ក្រុងប៉ៃលិន​។​
​    ​
​លោក កើត សុធា អភិបាលរង​ខេត្ត​ប៉ៃលិន បាន​អំពាវនាវ​ឲ្យ​ប្រជាពលរដ្ឋ​រួបរួមគ្នា​ការពារ​ព្រៃឈើ និង​ស្រឡាញ់​ព្រៃឈើ ដើម្បី​កែប្រែ​តំបន់​ព្រៃ​រេចរឹល ឲ្យ​ក្លាយទៅជា​តំបន់​មាន​ពណ៌​បៃតង​ឡើងវិញ​។ លោក​បាន​បន្តទៀតថា សូម​បងប្អូន​កុំ​បន្តធ្វើ​សកម្មភាព​កាប់​រាន​ដី​ព្រៃឈើ ឬ​ហ៊ុមព័ទ្ធ​យក​ដី​ធ្វើជា​កម្ម​សិទ្ធ ឬ​កាប់បំផ្លាញ​ព្រៃឈើ សូម​បញ្ឈប់​ជាបន្ទាន់​៕ K​
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners