ភ្ជាប់ទំនាក់ទំនងជាមួយយើងតាមរយៈ

ក្រុមគ្រួសារ​យោធា រស់នៅក្នុង​ផ្ទះ​អស់ ៣០​ឆ្នាំ ចាញ់ក្ដី ចុះចេញ​ទាំង​ទឹកភ្នែក និង​ស្រែ​ករក​អន្តរាគមន៍​ពីស​ម្ដេច ហ៊ុន សែន​

(ថ្ងៃទី 17 ឧសភា 2012, ម៉ោង 07:02:PM) | ដោយ: មង្គល

ក- ក+ | Print

ក្រុមគ្រួសារ​យោធា រស់នៅក្នុង​ផ្ទះ​អស់ ៣០​ឆ្នាំ ចាញ់ក្ដី ចុះចេញ​ទាំង​ទឹកភ្នែក និង​ស្រែ​ករក​អន្តរាគមន៍​ពីស​ម្ដេច ហ៊ុន សែន​
ក្រុមគ្រួសារ​យោធា រស់នៅក្នុង​ផ្ទះ​អស់ ៣០​ឆ្នាំ ចាញ់ក្ដី ចុះចេញ​ទាំង​ទឹកភ្នែក និង​ស្រែ​ករក​អន្តរាគមន៍​ពីស​ម្ដេច ហ៊ុន សែន​

ក្រុមគ្រួសារ​យោធា រស់នៅក្នុង​ផ្ទះ​អស់ ៣០​ឆ្នាំ ចាញ់ក្ដី ចុះចេញ​ទាំង​ទឹកភ្នែក និង​ស្រែ​ករក​អន្តរាគមន៍​ពីស​ម្ដេច ហ៊ុន សែន​

 
បាត់ដំបង: រឿងក្ដី​ទាមទារ​ផ្ទះមួយ​ល្វែង​រ៉ាំរ៉ៃ​អស់​ពេល ៣០ ឆ្នាំ​ហើយ បានធ្វើ​ឲ្យ​មនុស្ស ៣​គ្រួសារ ជា​យោធា​កងពលតូច​លេខ​៥៣ ត្រូវ​វិច​បង្វិច​រើ​ឥ​វ៉ាន់ ចាកចេញ​ពីក្នុងផ្ទះ ដោយ​អំណាចតុលាការ​កំពូល បានសម្រេច​ឲ្យ​អ្នកមាន​ប្រាក់ និង​មានអំណាច​ម្នាក់ ដែល​មិនបាន​រស់នៅ​លើផ្ទះ​នោះ ឈ្នះក្តី​។

​សាលដីកា​លេខ ៧៩ ឈ ចុះ​ថ្ងៃទី​១០ ខែមីនា ឆ្នាំ​២០១១ បង្គាប់​ឲ្យ​តុលាការខេត្ត​បាត់ដំបង អនុវត្តន៍​កាលពី​ថ្ងៃទី​២១ ខែមេសា ឆ្នាំ​២០១១ ហើយ​សុំ​ផ្អាក​បន្ត ដល់​ឆ្នាំ​២០១២ ទៀត​។​

​ជនរងគ្រោះ​ទាំងបី​គ្រួសារ​នេះ បាន​ស្រែ​ករក​អន្តរាគមន៍​សុំ​សម្ដេច ហ៊ុន សែន នាយករដ្ឋមន្ត្រី មេត្តាជួយ​ផ្ដល់​រក​យុត្តិធម៌ និង​បាន​ផ្ទះ​រស់នៅ​វិញ ដោយ​ក្ដី​អនុគ្រោះ មេត្តាករុណា​។​
​    ​
​ទាំង ៣​គ្រួសារ ជា​យោធា​កងពលតូច​លេខ ៥៣ ដែលមាន​ក្រុមគ្រួសារ​រស់នៅ​ផ្ទះ​លេខ​៥៧៧ ក្រុមទី​៣៤ ភូមិ​ព្រែក​មហាទេព សង្កាត់​ស្វាយប៉ោ ក្រុង​បាត់ដំបង ខេត្តបាត់ដំបង មានឈ្មោះ ព្រហ្ម ចំរើន អាយុ ៥៨​ឆ្នាំ ពោះម៉ាយ​ប្រពន្ធ​ទើប​ស្លាប់ កាល​ខែមីនា​២០១២ ជា​តំណាង​។ ចំណែក​ដើមបណ្តឹង​ឈ្មោះ ពៅ សុ​ត ភេទ​ប្រុស អាយុ ៦៧​ឆ្នាំ​។​
​    ​
​លោក ព្រហ្ម ចំរើន បាន​ឲ្យ​ដឹងថា តាំងពី​ឆ្នាំ​១៩៨៣ មកម្ល៉េះ រូបគាត់​បាន​នាំ​ប្រពន្ធ និង​បង​ង​ប្អូន​មក​រស់នៅ​លើផ្ទះ​ល្វែង​មួយកន្លែង (​ផ្ទះ​លេខ​៥៧៧)​។ ពេល​មក​រស់នៅ​នោះ អាជ្ញាធរ​មូលដ្ឋាន បាន​ដឹងឮ​ទទួលស្គាល់ រហូតមក​បច្ចុប្បន្ន​។

​លោក ព្រហ្ម ចំរើន បាន​រៀបរាប់ថា នៅ​ឆ្នាំ​១៩៩៥ ស្រាប់តែ​ឈ្មោះ ពៅ សុ​ត រស់នៅ​ភ្នំពេញ បានមក​ប្ដឹង​ទាមទារ​យក​ផ្ទះ ដែល​ពួកគាត់ (៣​គ្រួសារ​) រស់នៅ​ថា ជា​ផ្ទះ​កម្មសិទ្ធិ​របស់គេ (​ពៅ​សុ​ត​)​។ ក្នុងការ​ប្ដឹង​ទាមទារ​ផ្ទះ គឺ ពៅ សុ​ត បាន​ប្តឹង ២ ករណី គឺ​ទាមទារ​យក​ផ្ទះ​ផ្នែក​ខាងមុខ និង​ផ្ទះ​ខាងក្រោយ​ដែល​៣​គ្រួសារ​រស់នៅ​។ បណ្តឹងទាមទារ​ផ្ទះ​ខាងមុខ (​តួ​ផ្ទះ​) នៅ​ឆ្នាំ​១៩៩៥ តុលាការខេត្ត​បាត់ដំបង ដែលមាន​លោក និល ណុន ជា​ប្រធាន​តុលាការ បាន​កាត់​ឲ្យ ពៅ សុ​ត ដើមបណ្ដឹង​ឈ្នះក្ដី​។

​ដោយ​រង​អយុត្តិធម៌ លោក ព្រហ្ម ចំរើន បាន​ប្តឹង​ជំទាស់​ការសម្រេច​របស់​សាលាដំបូង ទៅ​សាលាឧទ្ធរណ៍​។ នៅ​ឆ្នាំ​១៩៩៦ សាលាឧទ្ធរណ៍​បានសម្រេច​កាត់​ឲ្យ​លោក ព្រហ្ម ចំរើន ឈ្នះក្ដី​ទាមទារ​ផ្ទះ​នេះ​វិញ​។ ក្រោយមក ពៅ សុ​ត បាន​ប្ដឹង​សារ​ទុក​ទៅ​តុលាការ​កំពូល​។

​នៅ​ឆ្នាំ​១៩៩៨ តុលាការ​កំពូល​បាន​ផ្ទេរ​សំណុំ​រឿងក្ដី​នេះ មក​សាលាឧទ្ធរណ៍​ជម្រះក្ដី​ម្ដងទៀត បានសម្រេច​កាត់ក្ដី​ឲ្យ​ឈ្មោះ ព្រហ្ម ចំរើន ឈ្នះក្ដី​ម្ដងទៀត​។ ពេលនោះ ពៅ សុ​ត បាន​ប្ដឹងទៅ​តុលាការ​កំពូល​ម្ដងទៀត ជា​លើក​ទី​២ នៅ​ឆ្នាំ​២០១១ តុលាការ​កំពូល​បានសម្រេច​ក្ដី​កាត់​ឲ្យ ពៅ សុ​ត ឈ្នះក្ដី​វិញ​។

​លោក ព្រហ្ម ចំរើន បាន​ប្ដឹងទៅ​សាលា​កំពូល​ដែរ ដើម្បី​សុំ​ឲ្យ​ជំនុំ​ជម្រះក្ដី​ឡើងវិញ​ទៀត តែ​ត្រូវបាន​តុលាការ​កំពូល​បដិសេធ​បណ្ដឹង​នេះ​តែម្ដង​។​
​    ​
​លោក ព្រហ្ម ចំរើន បាន​បញ្ជាក់ថា នៅ​ខែមីនា ឆ្នាំ​២០១១ ស្រាប់តែ​តុលាការខេត្ត​បាត់ដំបង បាន​ចុះមក​អនុវត្តន៍​សាលដីកា​លេខ ៧៩ ឈ ចុះ​ថ្ងៃទី​១០ ខែមីនា ឆ្នាំ​២០១១ បង្គាប់​ឲ្យ ៣ គ្រួសារ រើ​ឥ​វ៉ាន់ ចាក​ចេញពីផ្ទះ​ដែល​រស់នៅ ៣០​ឆ្នាំ មក​ម្លេះ​ទៅវិញ​។

​លោក ព្រហ្ម ចំរើន បាន​និយាយថា បណ្ដឹងទាមទារ​ផ្ទះ​របស់ ពៅ សុ​ត យក​ផ្ទះ​ផ្នែក​ខាងក្រោយ (​កំណាត់​រោង​បាយ​) នៅ​ឆ្នាំ​២០០៦ សាលាដំបូង​ខេត្តបាត់ដំបង បានសម្រេច​ឲ្យ​ឈ្មោះ ព្រហ្ម ចំរើន ឈ្នះក្ដី​។ ក្រោយមក ពៅ សុ​ត បាន​ទៅ​ចាញ់ក្ដី​នេះ នៅ​សាលាឧទ្ធរណ៍​ម្ដងទៀត នៅ​ឆ្នាំ​២០០៧​។ ប៉ុន្តែ ពៅ សុ​ត បាន​ប្ដឹងទៅ​តុលាការ​កំពូល នៅ​ឆ្នាំ​២០០៨ រហូតមកដល់​ឆ្នាំ​២០១២ នេះ នៅ​មិនទាន់​ជំនុំជម្រះ​ទេ​។​

​លោក ព្រហ្ម ចំរើន បាន​និយាយ​បន្ថែមថា ការអនុវត្តន៍​សាលដីកា​នោះ ធ្វើឡើង​ទាំង​បង្ខំ ឲ្យ​ពួកគាត់​ចាក​ចេញពីផ្ទះ ទាំង​អយុត្តិធម៌​បែបនេះ​។ មូលហេតុ​នេះ ទើប ៣​គ្រួសារ​នេះ លើក​ម្រាមដៃ ១០ សំពះ សុំ​ក្ដី​មេត្តាករុណា​ពីស​ម្ដេច ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ជួយផ្ដល់​យុត្តិធម៌​សុំ​បាន​ផ្ទះ​រស់នៅ​បន្តទៀត ពីព្រោះ ៣​គ្រួសារ ជា​យោធា​កម្លាំង​របស់​កងពល​តូច​លេខ​៥៣ មាន​គ្នា​សរុប ៨​នាក់ ក្រីក្រ​លំបាក លំបិន​គ្មាន​ដី និង​គ្មាន​ប្រាក់​ទិញ​ដី ឬ​ទិញ​ផ្ទះ​ស្នាក់នៅ​នោះទេ​។​
​    ​
​ពលរដ្ឋ​នៅ​ម្ដុំ​ផ្លូវ​ឡា​ហេ ភូមិ​ព្រែក​មហាទេព សង្កាត់​ស្វាយប៉ោ ក្រុង​បាត់ដំបង ដែល​ដឹង​រឿងនេះ បាន​និយាយ​តៗ​គ្នា​ថា លោក ព្រហ្ម ចំរើន និង​បងប្អូន​ពួកគាត់ ៣ គ្រួសារ​នេះ បានមក​រស់នៅ​លើផ្ទះ​ជម្លោះ​ជិត ៣០ ឆ្នាំ​មកហើយ ប៉ុន្តែ​ស្រាប់តែ​នៅ​ឆ្នាំ​២០១២ នេះ​តុលាការ​បាន​អាន​សាលដីកា បង្គាប់​ឲ្យ​ពួកគាត់​រុះរើ​ឥ​វ៉ាន់ ចុះចេញ​ពីលើផ្ទះ​ទៅវិញ ដើម្បី​យក​ផ្ទះ​ទៅ​ឲ្យ​អ្នក​មិនដែល​ឃើញ​មុខ​រស់នៅ​ក្នុងផ្ទះ​ក្នុងភូមិ​សោះ​ទៅវិញ​។​

​ជុំវិញ​ករណីនេះ មិនមាន​ការបំភ្លឺ​ពី​អាជ្ញាធរ មន្ត្រី​តុលាការ និង​ភាគី​ជម្លោះ លោក ពៅ សុ​ត បាន​នៅឡើយ​ទេ​៕
E-Newspaper (រស្មីកម្ពុជា)
cen
រូបភាព
  • Neay kroch (1)
  • Prim liza
  • 2-lumbini-garden-nepal
  • 1
  • 09

Our Partners