ភ្នំពេញ:
លោកឧត្តមសេនីយ៍ឯក គៀត ច័ន្ទថារិទ្ធ អ្នកនាំពាក្យអគ្គស្នងការដ្ឋាននគរបាលជាតិ បានមានប្រសាសន៍ប្រាប់ភ្នាក់ងារយកព័ត៌មាន CEN នៅព្រលប់ថ្ងៃទី៣កញ្ញា ឆ្នាំ២០១១ថា នគរបាលជាតិក្រសួងមហាផ្ទៃ ចាប់ខ្លួនបានជនសង្ស័យម្នាក់ ជាឃាតករ បាញ់សម្លាប់ស្ត្រីម្ចាស់លុយ ៣ ម៉ឺនដុល្លារ ដែលជាអ្នកលក់មាស និងដូរលុយនៅចោមចៅ។
លោកឧត្តមសេនីយ៍ឯក គៀត ច័ន្ទថារិទ្ធ បានបន្ថែមថា ការឈានដល់ការចាប់ខ្លួនជនសង្ស័យម្នាក់នោះ ដោយសារតែមានកិច្ចសហការពីសំណាក់ប្រជាពលរដ្ឋ ដែលបានឃើញជនសង្ស័យ តាមរយៈវិដេអូ youtube ដែលបានថតពីកាម៉ារ៉ាសុវត្ថិភាព ពីហេតុការណ៍ក្រុមចោរប្លន់នោះ។ ប្រជាជនស្គាល់ជនសង្ស័យ និងស្គាល់ផ្ទះ ហើយរាយការណ៍ឲ្យសមត្ថកិច្ច ឈានដល់ការចាប់ខ្លួនជននោះតែម្តង។
តាមរបាយការណ៍ប៉ូលិស ក្រោយពីមានបទបញ្ជាពីលោកឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងលោកឧត្តមសេនីយ៍ ម៉ក់ ជីតូ ប្រធាននាយកដ្ឋានកណ្តាលព្រហ្មទណ្ឌរបស់ក្រសួងមហាផ្ទៃ គឺស្នងការនគរបាលខេត្តកណ្តាល លោកឧត្តមសេនីយ៍ត្រី អ៊ាវ ចំរើន បានចាត់តាំងលោកវរសេនីយ៍ឯក រឿន ណារ៉ា ស្នងការរងប៉ូលិសខេត្តកណ្តាល ដឹកនាំកម្លាំងព្រហ្មទណ្ឌ និងនគរបាលស្រុកល្វាឯម ចុះបង្រាបករណីចោរប្លន់អ្នកលក់មាស នៅពោចិនតុង ដោយបាញ់សម្លាប់ជនរងគ្រោះម្នាក់។
ប៉ូលិសបង្ហាញថា បុរសជាប់ចោទនោះ ឈ្មោះ ឡាយ វណ្ណៈ ហៅ អាឥណ្ឌា អាយុ ៣១ឆ្នាំ មានផ្ទះនៅឃុំអរិយ៍ក្សត្រ ស្រុកល្វាឯម ខេត្តកណ្តាល។ បុរសជាប់ចោទ ដែលជាប៉ូលិសព្រហ្មទណ្ឌខណ្ឌដូនពេញ ត្រូវបានប៉ូលិសចាប់ខ្លួនបាន កាលពីម៉ោង ៦ និង ៣០ ព្រឹក ថ្ងៃទី៣ ខែកញ្ញា ឆ្នាំ២០១១។
ក្រោយពីចាប់ខ្លួនបុរសជាប់ចោទនោះ ស្នងការដ្ឋាននគរបាលខេត្តកណ្តាល បានប្រគល់មុខសញ្ញា រួមទាំង វត្ថុតាងឲ្យនាយកដ្ឋានព្រហ្មទណ្ឌ ក្រសួងមហាផ្ទៃ ដើម្បីស្រាវជ្រាវបន្ត ។
ក្នុងពេលចាប់ខ្លួននោះ ប៉ូលិសបានរឹបអូសអាវុធកែច្នៃ និងសម្ភារៈជាច្រើនពីជនជាប់ចោទ ដែលជាប៉ូលិសប្លន់អ្នកលក់មាស និងដូរលុយនៅចោមចៅ ក្នុងរាជធានីភ្នំពេញ។
គួរបញ្ជាក់ថា នៅវេលាម៉ោង ១០ និង ១៥ នាទី ព្រឹកថ្ងៃទី២៨សីហា ឆ្នាំ២០១១ ស្ត្រី និងកូនប្រុស ដែលកំពុងជិះម៉ូតូ បានត្រូវចោរប្រដាប់អាវុធមួយក្រុម យ៉ាងហោចណាស់មានគ្នា ៦ នាក់ បានជិះម៉ូតូដេញស្ទាក់ប្លន់យកលុយមួយថង់ ចំនួន ៣ ម៉ឺនដុល្លារ។ ដោយប្រតាយប្រតប់ជាមួយចោរ ដើម្បីដណ្តើមយកថង់លុយមកវិញ ស្ត្រីរងគ្រោះ ក៏ត្រូវក្រុមចោរបាញ់ចំនួន ៣ គ្រាប់ របួសធ្ងន់ នៅកន្លែងកើតហេតុ ស្ថិតនៅផ្លូវសហព័ន្ធរុស្ស៊ី ក្នុងភូមិព្រៃទា សង្កាត់ចោមចៅ ខណ្ឌដង្កោ ទល់មុខនឹងព្រលានយន្តហោះអន្តរជាតិភ្នំពេញ។ ក្រោយមកមានសេចក្តីរាយការណ៍ថា ស្ត្រីដែលចោរបាញ់របួសធ្ងន់ ឈ្មោះ ស្រី មុំ ជាអាជីវករដូរលុយនៅផ្សារចោមចៅ បានស្លាប់ ក្រោយពេលបញ្ជូនដល់មន្ទីរពេទ្យ ។
សកម្មភាពចោរប្លន់ទាំងកណ្តាលថ្ងៃ និងមានមនុស្សអ៊ូអរ នៅកន្លែងលក់ខោអាវជជុះ នៅផ្ទះល្វែងទើបសាងសង់ថ្មី នៅទល់មុខព្រលានយន្តហោះអន្តរជាតិភ្នំពេញនោះ ក៏ត្រូវបានគេថតវិដេអូ តាមកាំម៉ារ៉ាសុវត្ថិភាព ហើយត្រូវបានបង្ហោះតាម Facebook និងបាញ់ចូលទូរស័ព្ទដៃ ចែកចាយគ្នាមើល និងបញ្ចេញមតិផងដែរ។
តាមសាក្សី ស្ត្រីរងគ្រោះបានកាន់លុយចំនួនជាង ៣ ម៉ឺនដុល្លារ ជិះម៉ូតូចេញពីផ្សារចោមចៅ តាមផ្លូវសហព័ន្ធរុស្ស៊ី ឆ្ពោះមកក្នុងក្រុងភ្នំពេញ ដើម្បីយកលុយដុល្លារ ដូរយកលុយរៀល។ តែក្នុងពេលធ្វើដំណើរមកដល់កន្លែងកើតហេតុ ក៏ត្រូវក្រុមចោរ បើកម៉ូតូពីរគ្រឿង ដេញគាបស៊ី។ ស្ត្រី និងកូនប្រុស បានបើកម៉ូតូ ផ្តួលរត់ចូលកន្លែងលក់ខោអាវជជុះ ដើម្បីឲ្យគេជួយ តែគ្មានអ្នកជួយ ហើយក្រុមចោរ ដែលពាក់មួកសុវត្ថិភាព ក៏បានដណ្តើមយកថង់លុយ និងឡើងជិះម៉ូតូ។ តែស្ត្រីនោះ បានរត់ចូលដណ្តើម ក៏ត្រូវក្រុមចោរវាយ និងបាញ់សម្លាប់តែម្តង។
ក្រោយមកក្រុមចោរប្លន់ បានជិះម៉ូតូចេញពីកន្លែងកើតហេតុយ៉ាងរំភើយ តាមផ្លូវសហព័ន្ធរុស្ស៊ី៕
លោកឧត្តមសេនីយ៍ឯក គៀត ច័ន្ទថារិទ្ធ បានបន្ថែមថា ការឈានដល់ការចាប់ខ្លួនជនសង្ស័យម្នាក់នោះ ដោយសារតែមានកិច្ចសហការពីសំណាក់ប្រជាពលរដ្ឋ ដែលបានឃើញជនសង្ស័យ តាមរយៈវិដេអូ youtube ដែលបានថតពីកាម៉ារ៉ាសុវត្ថិភាព ពីហេតុការណ៍ក្រុមចោរប្លន់នោះ។ ប្រជាជនស្គាល់ជនសង្ស័យ និងស្គាល់ផ្ទះ ហើយរាយការណ៍ឲ្យសមត្ថកិច្ច ឈានដល់ការចាប់ខ្លួនជននោះតែម្តង។
តាមរបាយការណ៍ប៉ូលិស ក្រោយពីមានបទបញ្ជាពីលោកឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងលោកឧត្តមសេនីយ៍ ម៉ក់ ជីតូ ប្រធាននាយកដ្ឋានកណ្តាលព្រហ្មទណ្ឌរបស់ក្រសួងមហាផ្ទៃ គឺស្នងការនគរបាលខេត្តកណ្តាល លោកឧត្តមសេនីយ៍ត្រី អ៊ាវ ចំរើន បានចាត់តាំងលោកវរសេនីយ៍ឯក រឿន ណារ៉ា ស្នងការរងប៉ូលិសខេត្តកណ្តាល ដឹកនាំកម្លាំងព្រហ្មទណ្ឌ និងនគរបាលស្រុកល្វាឯម ចុះបង្រាបករណីចោរប្លន់អ្នកលក់មាស នៅពោចិនតុង ដោយបាញ់សម្លាប់ជនរងគ្រោះម្នាក់។
ប៉ូលិសបង្ហាញថា បុរសជាប់ចោទនោះ ឈ្មោះ ឡាយ វណ្ណៈ ហៅ អាឥណ្ឌា អាយុ ៣១ឆ្នាំ មានផ្ទះនៅឃុំអរិយ៍ក្សត្រ ស្រុកល្វាឯម ខេត្តកណ្តាល។ បុរសជាប់ចោទ ដែលជាប៉ូលិសព្រហ្មទណ្ឌខណ្ឌដូនពេញ ត្រូវបានប៉ូលិសចាប់ខ្លួនបាន កាលពីម៉ោង ៦ និង ៣០ ព្រឹក ថ្ងៃទី៣ ខែកញ្ញា ឆ្នាំ២០១១។
ក្រោយពីចាប់ខ្លួនបុរសជាប់ចោទនោះ ស្នងការដ្ឋាននគរបាលខេត្តកណ្តាល បានប្រគល់មុខសញ្ញា រួមទាំង វត្ថុតាងឲ្យនាយកដ្ឋានព្រហ្មទណ្ឌ ក្រសួងមហាផ្ទៃ ដើម្បីស្រាវជ្រាវបន្ត ។
ក្នុងពេលចាប់ខ្លួននោះ ប៉ូលិសបានរឹបអូសអាវុធកែច្នៃ និងសម្ភារៈជាច្រើនពីជនជាប់ចោទ ដែលជាប៉ូលិសប្លន់អ្នកលក់មាស និងដូរលុយនៅចោមចៅ ក្នុងរាជធានីភ្នំពេញ។
គួរបញ្ជាក់ថា នៅវេលាម៉ោង ១០ និង ១៥ នាទី ព្រឹកថ្ងៃទី២៨សីហា ឆ្នាំ២០១១ ស្ត្រី និងកូនប្រុស ដែលកំពុងជិះម៉ូតូ បានត្រូវចោរប្រដាប់អាវុធមួយក្រុម យ៉ាងហោចណាស់មានគ្នា ៦ នាក់ បានជិះម៉ូតូដេញស្ទាក់ប្លន់យកលុយមួយថង់ ចំនួន ៣ ម៉ឺនដុល្លារ។ ដោយប្រតាយប្រតប់ជាមួយចោរ ដើម្បីដណ្តើមយកថង់លុយមកវិញ ស្ត្រីរងគ្រោះ ក៏ត្រូវក្រុមចោរបាញ់ចំនួន ៣ គ្រាប់ របួសធ្ងន់ នៅកន្លែងកើតហេតុ ស្ថិតនៅផ្លូវសហព័ន្ធរុស្ស៊ី ក្នុងភូមិព្រៃទា សង្កាត់ចោមចៅ ខណ្ឌដង្កោ ទល់មុខនឹងព្រលានយន្តហោះអន្តរជាតិភ្នំពេញ។ ក្រោយមកមានសេចក្តីរាយការណ៍ថា ស្ត្រីដែលចោរបាញ់របួសធ្ងន់ ឈ្មោះ ស្រី មុំ ជាអាជីវករដូរលុយនៅផ្សារចោមចៅ បានស្លាប់ ក្រោយពេលបញ្ជូនដល់មន្ទីរពេទ្យ ។
សកម្មភាពចោរប្លន់ទាំងកណ្តាលថ្ងៃ និងមានមនុស្សអ៊ូអរ នៅកន្លែងលក់ខោអាវជជុះ នៅផ្ទះល្វែងទើបសាងសង់ថ្មី នៅទល់មុខព្រលានយន្តហោះអន្តរជាតិភ្នំពេញនោះ ក៏ត្រូវបានគេថតវិដេអូ តាមកាំម៉ារ៉ាសុវត្ថិភាព ហើយត្រូវបានបង្ហោះតាម Facebook និងបាញ់ចូលទូរស័ព្ទដៃ ចែកចាយគ្នាមើល និងបញ្ចេញមតិផងដែរ។
តាមសាក្សី ស្ត្រីរងគ្រោះបានកាន់លុយចំនួនជាង ៣ ម៉ឺនដុល្លារ ជិះម៉ូតូចេញពីផ្សារចោមចៅ តាមផ្លូវសហព័ន្ធរុស្ស៊ី ឆ្ពោះមកក្នុងក្រុងភ្នំពេញ ដើម្បីយកលុយដុល្លារ ដូរយកលុយរៀល។ តែក្នុងពេលធ្វើដំណើរមកដល់កន្លែងកើតហេតុ ក៏ត្រូវក្រុមចោរ បើកម៉ូតូពីរគ្រឿង ដេញគាបស៊ី។ ស្ត្រី និងកូនប្រុស បានបើកម៉ូតូ ផ្តួលរត់ចូលកន្លែងលក់ខោអាវជជុះ ដើម្បីឲ្យគេជួយ តែគ្មានអ្នកជួយ ហើយក្រុមចោរ ដែលពាក់មួកសុវត្ថិភាព ក៏បានដណ្តើមយកថង់លុយ និងឡើងជិះម៉ូតូ។ តែស្ត្រីនោះ បានរត់ចូលដណ្តើម ក៏ត្រូវក្រុមចោរវាយ និងបាញ់សម្លាប់តែម្តង។
ក្រោយមកក្រុមចោរប្លន់ បានជិះម៉ូតូចេញពីកន្លែងកើតហេតុយ៉ាងរំភើយ តាមផ្លូវសហព័ន្ធរុស្ស៊ី៕
.jpg)
.jpg)
