ក្មេងប្រុស​ម្នាក់​ត្រូវ​កន្លាត​រស់​ត្បុល​ចូល​ត្រចៀក​ | CEN: World News
Cen-logo

សុខភាព និងវេជ្ជសាស្ត្រ

ក្មេងប្រុស​ម្នាក់​ត្រូវ​កន្លាត​រស់​ត្បុល​ចូល​ត្រចៀក​

ថ្ងៃទី 28 មេសា 2012, 10:01:AM

Give our kids a better deal
ក្រៅពី​សារធាតុ lidocane នេះ សារធាតុ​ផ្សេងៗ​ទៀត​ដូចជា​អាល់​កុល និង​ប្រេង​ខនិជ (mineral oil) អាច​នឹង​ត្រូវ​បាន​ប្រើប្រាស់​ដើម្បី​សម្លាប់​សត្វល្អិត​នោះ មុន​ពេល​យក​វា​ចេញ​

Give our kids a better deal
​តាម​សេចក្តីរាយការណ៍​ក្មេងប្រុស​ម្នាក់​ត្រូវបាន​បញ្ជូន​ទៅកាន់​មន្ទីរពេទ្យ បន្ទាប់​ពី​កូន​កន្លាត​មួយ​ក្បាល​បាន​ត្បុល​ចូល​ត្រចៀក​របស់​វា

Give our kids a better deal
គ្រូពេទ្យ​កំពុង​ពិនិត្យមើល​សត្វ​កន្លាត​នៅក្នុង​ត្រចៀក​របស់​វា

Give our kids a better deal
​ក្រុម​គ្រូពេទ្យ​បាន​រកឃើញ​កូន​កន្លាត​តូច​មួយ​កំពុង​ត្បុល​ចុះឡើង​នៅក្នុង​ត្រចៀក​របស់​វា​

Give our kids a better deal
​​គ្រូពេទ្យ​បាន​ប្រើប្រាស់​សឺ​រ៉ាំ​ង​ដើម្បី​ចាញ់​សារធាតុ​រាវ​នោះ​ចូល​ទៅក្នុង​ត្រចៀក​របស់​ក្មេងប្រុស​

Give our kids a better deal
​​ក្មេងប្រុស​រូប​នេះ​ឃើញ​បង្ហាញ​ពី​ការទទួលបាន​អារម្មណ៍​ល្អ

 

​យោង​តាម​វេបសាយ YourHealth ចេញផ្សាយ​កាលពី​ថ្ងៃ​២៣​មេសា បាន​អោ​យដឹង​ថា ​ក្មេងប្រុស​ម្នាក់​ត្រូវបាន​បញ្ជូន​ទៅកាន់​មន្ទីរពេទ្យ​នៅ​សិង្ហ​បុរី​មួយ បន្ទាប់​ពី​កូន​កន្លាត​មួយ​ក្បាល​បាន​ត្បុល​ចូល​ត្រចៀក​របស់​វា ខណៈ​ដែល​វា​បាន​ដេក​លង់លក់ ហើយ​កន្លាត​បាន​ជាប់​ស្ទះ​នៅក្នុង​រន្ធ​ត្រចៀក​ដ៏​តូច​។​

​ឪពុក​របស់​ក្មេងប្រុស​នេះ​បាន​និយាយថា "​វា​មិន​បានដឹងខ្លួន​ថា​កន្លាត​ចូល​ត្រចៀក​សោះឡើយ​"​។​

​គាត់​បាន​បន្ថែមថា កូនប្រុស​របស់​គាត់​បា​ន​ត្អូញត្អែរ​អំពី​ការឈឺចាប់​នៅក្នុង​ត្រចៀក​របស់​វា អស់​រយៈពេល​ប្រហែលជា​ពីរ​ថ្ងៃ​។​

​ក្រោយមក​ក្មេង​ប្រុស​រូបនេះ​ត្រូវបាន​បញ្ជូន​ទៅកាន់​មន្ទីរពេទ្យ ទី​ដែល​ក្រុម​គ្រូពេទ្យ​បាន​ពិនិត្យ​ឃើញ​កូន​កន្លាត​តូច​មួយ​កំពុង​ត្បុល​ក្នុង​ត្រចៀក​របស់​វា​។​

​ដើម្បី​សម្លាប់​សត្វល្អិត​នេះ គ្រូពេទ្យ​បាន​ប្រាប់​ឪពុក​រូប​នោះ​ថា គាត់​នឹង​ប្រើប្រាស់​សារធាតុ lidocane ដែល​ជា​ថ្នាំស្ពឹក ​ហើយ​គាត់​បាន​ប្រើប្រាស់​ម្ជុលចាក់​ថ្នាំ​ដើម្បី​បាញ់​សារធាតុ​រាវ​នេះ​ចូល​ទៅក្នុង​ត្រចៀក​របស់​ក្មេងប្រុស​។​

​យោង​តាម​គ្រូពេទ្យ​រូប​នេះ​ឲ្យដឹងថា ក្រៅពី​សារធាតុ lidocane នេះ សារធាតុ​ផ្សេងៗ​ទៀត​ដូចជា​អាល់​កុល និង​ប្រេង​ខនិជ (mineral oil) អាច​នឹង​ត្រូវ​បាន​ប្រើប្រាស់​ដើម្បី​សម្លាប់​សត្វល្អិត​នោះ មុន​ពេល​យក​វា​ចេញ​។​

​ដោយ​ប្រើប្រាស់​រយៈពេល​មួយ​ទៅ​ពីរ​នាទី​ដើម្បី​សម្លាប់សត្វ​កន្លាត​នេះ ក្មេង​ប្រុស​នោះ​បាន​និយាយថា ខ្លួន​អាច​ទទួល​អារម្មណ៍​ថា​សត្វល្អិត​កំពុង​ប្រកាច់​ចុះឡើង​។​

​យោង​តាម​ក្រុម​គ្រូពេទ្យ​ដែល​ត្រូវ​បាន​សម្ភាសន៍​ដោយ​វេបសាយ YourHealth ឲ្យដឹងថា ខណៈ​ដែល​ស្តាប់ទៅ​គួរ​ឲ្យ​ព្រឺ​សម្បុរ ការ​ដែល​មាន​សត្វល្អិត​ដូចជា​កន្លាត​ស្ទះ​ជាប់​នៅក្នុង​ត្រចៀក គឺ​ពិត​ជា​បញ្ហា​សាមញ្ញ​បំផុត​មួយ ដែល​ត្រូវបាន​ជួបប្រទះ​ទាំង​ពួក​កុមារៗ និង​មនុស្សពេញវ័យ​។​

​វេជ្ជបណ្ឌិត បា​រ៉េ តា​ន ទីប្រឹក្សា​នៅឯ​នាយកដ្ឋាន​សោត​សាស្ត្រ នៅ​ឯ​មន្ទីរពេទ្យ​ជំងឺទូទៅ​សិង្ហ​បុរី (SGH) បាន​និយាយ​នៅក្នុង​ការរៀបចំ​ការវះកាត់​ថា គាត់​ឃើញ​ករណីនេះ​កើត​មាន​ប្រហែល​ម្តង​នៅ​រៀង​រាល់​រយៈពេល​បី​ខែ​។​

​គាត់​បាន​បន្ថែមថា ករណី​នេះ​មិន​គួរឲ្យភ្ញាក់ផ្អើល​ទេ ខណៈ​ដែល​សត្វល្អិត​ដូចជា​ពពួក​កន្លាត​ចូលចិត្ត​ទី​ងងឹត ហើយ​ម្យ៉ាងវិញទៀត​ពួក​វា​ចូលចិត្ត​រន្ធ ដូចជា​រន្ធ​ត្រចៀក​ជាដើម​។​

​តាមពិតទៅ ពពួក​សត្វល្អិត​ទាំងនោះ​អាច​ស្ទះ​ជាប់​សូម្បី​តែ​ក្នុង​រន្ធ​ច្រមុះ និង​បំពង់​ក​៕ R

សុខភាព និងវេជ្ជសាស្ត្រផ្សេងទៀត

ផឹក​តែ ជួយ​កាត់បន្ថយ​ការស្លាប់​មុន​អាយុ​បាន​១​ភាគ​៤ (ថ្ងៃទី 17 កញ្ញា 2014)

វ៉ាក់សាំង​ប្រឆាំង​ជំងឺអេបូ​ឡាលើ​សត្វ​ស្វា​បង្ហាញ​ប្រសិទ្ធភាព​ (ថ្ងៃទី 8 កញ្ញា 2014)

អង្គការ​សុខភាព​ពិភពលោក​អះអាងថា មាន​វិធី​ព្យាបាល​ចំនួន​៨​និង​ថ្នាំ​វ៉ាក់សាំង​២​ប្រភេទ​សម្រាប់​ប្រឆាំង​ជំងឺអេបូ​ឡា (ថ្ងៃទី 5 កញ្ញា 2014)

ចំនួន​អ្នក​ស្លាប់​ដោយ​ជំងឺអេបូ​ឡា​កើន​ឡើង​ជាង​១.៩០០​នាក់ (ថ្ងៃទី 4 កញ្ញា 2014)

​វ៉ាក់សាំង​ប្រឆាំង​ជំងឺអេបូ​ឡា​អាច​ប្រើប្រាស់​បាន​នៅ​ដំណាច់​ឆ្នាំ​នេះ​ (ថ្ងៃទី 29 សីហា 2014)

ប៉េងប៉ោះ​អាច​កាត់បន្ថយ​ការ​កើត​ជម្ងឺ​មហារីក​ ​ ​ (ថ្ងៃទី 29 សីហា 2014)

ផឹក​កាហ្វេ​ជួយ​ការពារ​ប្រឆាំង​ជំងឺ​អញ្ចាញ​ធ្មេញ​ (ថ្ងៃទី 23 សីហា 2014)

ការបរិភោគ​ប្រៃ បង្ក​ឲ្យស្លាប់​មនុស្ស​១,៦៥​លាន​នាក់​ក្នុង​មួយ​ឆ្នាំ​ (ថ្ងៃទី 15 សីហា 2014)

WHO​អនុញ្ញាត​អោយ​ប្រើ​ឱសថ​ក្នុងដំណាក់កាល​ពិសោធន៍​លើ​អ្នក​ជម្ងឺ​អេ​បូឡា​ (ថ្ងៃទី 13 សីហា 2014)

យុវតី​ធាត់​មានឱកាស​ខ្ពស់​ក្នុងការ​ប្រព្រឹត្ត​សិច​ដ៏​ប្រថុយប្រថាន និង​ជួបប្រទះ​រឿងរ៉ាវ​ស្តាយក្រោយ​ជាច្រើន​ (ថ្ងៃទី 5 សីហា 2014)