គ្លី​ន​តុ​ន​ទៅ​ដល់​ឡាវ​សំរាប់​ដំណើរ​ទស្សនកិច្ច​សំខាន់​ជា​ប្រវត្តិសាស្ត្រ​ | CEN: World News
Cen-logo

ដំណឹងក្នុងតំបន់

គ្លី​ន​តុ​ន​ទៅ​ដល់​ឡាវ​សំរាប់​ដំណើរ​ទស្សនកិច្ច​សំខាន់​ជា​ប្រវត្តិសាស្ត្រ​

ថ្ងៃទី 11 កក្កដា 2012, 01:59:PM

Give our kids a better deal
​គ្លី​ន​តុ​ន​បាន​ឈប់​ចំ​ចត​និង​ពិភាក្សា​ជាមួយ​មេដឹកនាំ​វៀតណាម​កាលពី​ថ្ងៃ​អង្គារ​មុន​មក​ដល់​ឡាវ​

 
​រដ្ឋមន្ត្រីការបរទេស​អាមេរិក លោកស្រី​ហ៊ី​ឡា​រី គ្លី​ន​តុ​ន​កាលពី​ថ្ងៃ​ពុធ​បាន​អញ្ជើញ​ទៅ​ដល់​ប្រទេស​ឡាវ​និង​បាន​ក្លាយជា​ប្រមុខ​ការទូត​អាមេរិក​ដំបូង​ដែល​ធ្វើ​ទស្សនកិច្ច​ទីនោះ​ក្នុង​រយៈពេល​៥៧​ឆ្នាំ​មកនេះ​។​ដំណើរ​ទស្សនកិច្ច​នេះ​ផ្តោត​លើ​កេរដំណែល​​នៃ​សង្គ្រាម​វៀតណាម​និង​គំរោង​វារិ​អគ្គិសនី​ដ៏​ចម្រូងចម្រាស​មួយ​។​

​ក្នុងពេល​អញ្ជើញ​ដល់​អាកាសយានដ្ឋាន​វ៉ាត​តៃ ក្រុង​វៀងចន្ទន៍ គ្លី​ន​តុ​ន​ត្រូវ​បាន​ជូន​បាច់ផ្កា​ពី​សំណាក់​នារី​ក្នុង​សម្លៀក​បំពាក់​​ប្រពៃណី​សូត្រ​ពណ៌​ស្វាយ​។​

​មន្ត្រី​អាមេរិក​ជាន់ខ្ពស់​ម្នាក់​បាន​និយាយថា​"​វា​ជា​ព្រឹត្តិ​កាណ៍​ធំ​គួរសម​មួយ​សំរាប់​ឡាវ យើង​នឹង​បញ្ជាក់​អំពី​វិស័យ​មួយចំនួន​​ដែល​យើង​នឹង​ធ្វើការ​រួមគ្នា​"​។​

​វា​រួម​មាន​គ្រឿង​ផ្ទុះ​ដែល​បន្សល់​ទុក​ដោយ​សង្គ្រាម​ដែល​បាន​បញ្ចប់​នៅ​ឆ្នាំ​១៩៧៥ ព្រមទាំង​ផលប៉ះពាល់​ជា​បន្ត​នៃ​សារធាតុ​​គីមី​ពុល​Agent Orange​ដែល​កងកម្លាំង​អាមេរិក​បាន​ប្រើ​សំរាប់​បំផ្លាញ​ព្រៃ​ដែលជា​ជម្រក​លាក់​ខ្លួន​របស់​ក​ង​កម្លាំង​កុម្មុនិស្ត​។​

​អាមេរិក​ចង់​ជំរុញ​ការងារ​រុករក​អដ្ឋិធាតុ​ទាហាន​អាមេរិក​បាត់​ខ្លួន​ក្នុងពេល​បំបេញ​បេសកកម្ម​ផងដែរ​។​

​បញ្ហា​សំខាន់​មួយទៀត​នៃ​ដំណើរ​ទស្សនកិច្ច​នេះ​គឺ​ផែនការ​សាងសង់​ទំនប់​វារិ​អគ្គិសនី​របស់​ឡាវ​កាត់​ទន្លេមេគង្គ​ដែល​កំពុង​ជួប​ការប្រឆាំង​ជំទាស់​ពី​បណ្តា​ប្រទេស​ក្នុង​តំបន់​និង​សកម្មជន​បរិស្ថាន​។​

​គ្លី​ន​តុ​ន​ជា​រដ្ឋមន្ត្រី​ការបរទេស​តែ​ម្នាក់​គត់​បន្ទាប់ពី​លោក​ច​ន ហ្វូ​ស្ទ័រ ឌុល​ឡេស ដែល​បាន​ចំណាយ​ពេល​មួយ​ថ្ងៃ​នៅក្នុង​ប្រទេស​​ឡាវ​ក្រោម​របប​រាជានិយម​កាល​ពី​ឆ្នាំ​១៩៥៥​។​

​លោក​ស្រីគ្លីន​តុន​ត្រូវបាន​អញ្ជើញ​កាលពី​ឆ្នាំ​២០១០​ដោយ​រដ្ឋមន្ត្រី​ការបរទេស​ឡាវ ថង​លឿន ស៊ី​សូលី​ត ដែល​ជា​មន្ត្រីជាន់ខ្ពស់​​ឡាវ​ដំបូង​ដែល​បាន​ធ្វើ​ទស្សនកិច្ច​រដ្ឋធានី​វ៉ាស៊ីនតោន​ចាប់តាំងពី​ពួក​ឧទ្ទាម​កុម្មុនិស្ត​ដែល​គាំទ្រ​ដោយ​សូ​វៀតបាន​ចូល​កាន់​អំណាច​និង​បណ្តេញ​របប​រាជានិយម​នៅ​ឆ្នាំ​១៩៧៥​។​

​ក្នុងអំឡុងពេល​ទស្សន​កិច្ច​៤​ម៉ោង​នេះ​លោក​ស្រី​ត្រូវ​ជួបពិភាក្សា​ជាមួយ​លោក​ថង​លឿន​ព្រម​ទាំង​នាយក​រដ្ឋមន្ត្រី​ថង​ស៊ី​ង ថា​ម​ម៉ា​វង់​៕

ដំណឹងក្នុងតំបន់ផ្សេងទៀត

ប៉ូលិស​ហ្វីលីពីន​ស្លាប់​ក្នុង​ការប៉ះទង្គិច​ជាមួយ​ពួក​សកម្មប្រយុទ្ធ​ (ថ្ងៃទី 26 មករា 2015)

ទឹកជំនន់​បង្ក​ភាពច្របូកច្របល់​នៅ​ទីក្រុង​ហ្សា​ការតា​របស់​ឥណ្ឌូនេស៊ី​ (ថ្ងៃទី 24 មករា 2015)

​ចិន​បិទ​ក្រុមហ៊ុន​៣០០​នៅ​ឆ្នាំនេះ​ដើម្បី​ប្រយុទ្ធប្រឆាំង​បរិយាកាស​កខ្វក់​ (ថ្ងៃទី 24 មករា 2015)

ស្លាប់​ម្នាក់ និង របួស​៤៨​នាក់​ក្នុងការ​បំផ្ទុះ​គ្រាក​បែក​នៅ​ហ្វីលីពីន (ថ្ងៃទី 24 មករា 2015)

ប៉ូលីស​ឥណ្ឌូនេស៊ី​ឃុំខ្លួន​អនុប្រធាន​អង្គភាព​ប្រឆាំង​អំពើពុករលួយ ដោយ​បង្ក​ឱ្យមាន​ភាព​តានតឹង (ថ្ងៃទី 23 មករា 2015)

អូស្ត្រាលី​ចាប់ឃុំខ្លួន​ឃាតករ​ដែល​សម្លាប់ អ្នក​បង្ហាញ​ម៉ូត​ម៉ុង​ហ្គោលី (ថ្ងៃទី 22 មករា 2015)

​ចិន​អះអាងថា​ជនជាតិ​ចិន​១៥៥​នាក់​ត្រូវបាន​ចាប់ឃុំខ្លួន​នៅ​មី​យ៉ាន់​ម៉ា​ពីបទ​កាប់​ឈើ​ខុសច្បាប់​ (ថ្ងៃទី 22 មករា 2015)

ប្រធានាធិបតី​ចិន ស៊ី ជីន​ពីង ត្រូវបាន​ដំឡើង​ប្រាក់ខែ៦២​ភា​រយ (ថ្ងៃទី 21 មករា 2015)

រដ្ឋមន្ត្រី​ឥណ្ឌូនេស៊ី​និយាយថា យន្តហោះ​AirAsia ហោះ​ខ្ពស់​ឡើង​លើ​លឿន​ពេក ហើយ​គាំងម៉ាស៊ីន​នៅ​មុន​ពេល​វា​ធ្លាក់​ (ថ្ងៃទី 21 មករា 2015)

តុលាការ​វៀតណាម​កាត់​ទោស​ប្រហារជីវិត​មនុស្ស​៨​នាក់​ពី​បទ​ជួញដូរ​គ្រឿងញៀន​ (ថ្ងៃទី 21 មករា 2015)