គ្លី​ន​តុ​ន​នឹង​មក​ចូលរួម​ជំនួប​អាស៊ាន​នៅ​កម្ពុជា​ | CEN: World News
Cen-logo

ដំណឹងក្នុងតំបន់

គ្លី​ន​តុ​ន​នឹង​មក​ចូលរួម​ជំនួប​អាស៊ាន​នៅ​កម្ពុជា​

ថ្ងៃទី 13 មិថុនា 2012, 02:35:PM

Give our kids a better deal
រដ្ឋមន្ត្រីការបរទេសអា​មេរិក នឹង​ទស្សនកិច្ច​កូរ៉េខាងត្បូង ជប៉ុន​និង​កម្ពុជា​ក្នុង​ផ្នែក​នៃ​ដំណើរ​ទស្សនកិច្ច​អាស៊ី​នា​ខែ​ក្រោយ​របស់​លោកស្រី​

 

​រដ្ឋមន្ត្រីការបរទេស​អាមេរិក​លោក​ស្រី ហ៊ីល​ឡា​រី គ្លី​ន​តុ​ន​បាន​មានប្រសាសន៍​កាលពី​ថ្ងៃ​អង្គារ​ថា​លោកស្រី​នឹងចូលរួម​កិច្ចប្រជុំ​របស់​ប្រជា​​ជាតិ​អាស៊ីអាគ្នេយ៍​និង​មហាអំណាច​ប្រចាំ​តំបន់​នា​ខែ​ក្រោយ​នៅ​កម្ពុជា​។​

​លោក​ស្រីគ្លីន​តុ​ន​បាន​ជួបពិភាក្សា​ជាមួយ​សម​ភាគី​កម្ពុជា ឯកឧត្តម​ហោ​ណាំហុង​នៅ​ទីក្រុង​វ៉ាស៊ីនតោន​នៅពេល​កម្ពុជា​ត្រៀម​ធ្វើ​ជា​ម្ចាស់​​ផ្ទះ​នៃ​កិច្ចប្រជុំ​អាស៊ាន​នៅ​ឆ្នាំ​នេះ​។​

​លោកស្រី​បាន​ប្រាប់​ពួក​អ្នកយកព័ត៌មាន​ថា​"​យើង​រំពឹង​រង់ចាំ​ចូលរួម​វេទិកា​តំបន់​អាស៊ាន​នៅ​កម្ពុជា​នៅ​ខែកក្កដា​"​។​

​ឯកឧត្តម​ហោ​ណាំហុង​បាន​មានប្រសាសន៍​ថា​ឯកឧត្តម​ក៏​បាន​អញ្ជើញ​ប្រធានាធិបតី​បា​រ៉ាក់ អូ​បា​ម៉ា​មក​ចូលរួម​ជំនួប​កំពូល​អាស៊ាន​នៅ​​ក្រុង​ភ្នំពេញ​នា​ខែវិច្ឆិកា​ផង​ដែរ​បន្ទាប់​ពី​ការបោះឆ្នោត​ប្រធានាធិបតី​អាមេរិក​ភ្លាម​។​

​រដ្ឋការ​របស់​លោក​បា​រ៉ាក់ អូ​បា​ម៉ា​បាន​តម្កល់​អាទិភាព​កំពូល​លើ​ការស្ថាបនា​ទំនាក់ទំនង​ជាមួយ​អាស៊ាន ដោយ​ជឿ​ថា​សហរដ្ឋអាមេរិក​អាច​​ទទួល​ផល​ពី​ទំនាក់ទំនង​ជាមួយ​ប្លុក​ដែល​មាន​ថាមភាព​សេដ្ឋកិច្ច​មួយ​នេះ​។​

​វេទិកា​តំបន់​អាស៊ាន​រួម​មាន​មហាអំណាច​ក្រៅ​អាស៊ីអាគ្នេយ៍​ដូចជា​អាមេរិក​និង​ចិន​។​

​គ្លី​ន​តុ​ន​បាន​ប្រាប់ថា​លោកស្រី​ក៏​នឹង​ទស្សនកិច្ច​ជប៉ុន​នៅ​ថ្ងៃ​៨​កក្កដា​សំរាប់​សន្និសីទ​មួយ​ស្តីពី​អនាគត​អា​ហ្វ​ហ្កានី​ស្ថាន​។​ប្រព័ន្ធ​ផ្សព្វផ្សាយ​របស់​កូរ៉េខាងត្បូង​បាន​រាយការណ៍​ថា​លោក​ស្រី​នឹង​ឈប់​សំចត​នៅក្នុង​ប្រទេស​នេះ​ដើម្បី​ពិភាក្សា​អំពី​កូរ៉េខាងជើង​និង​ទស្សនា​​ពន្លារ​របស់​អាមេរិក​នៅ​ពិព័រណ៍​World Expo​នៅ​ក្រុងយែវ​ស៊ូនៅ​ថ្ងៃ​៤​កក្កដា​៕

ដំណឹងក្នុងតំបន់ផ្សេងទៀត

ចាក់​សម្លាប់​សិស្ស​និង​គ្រូ​បង្រៀន​នៅ​ចិន​ (ថ្ងៃទី 2 កញ្ញា 2014)

ទឹកជំនន់​១៧​ខេត្ត​នៅ​ថៃ​សម្លាប់​មនុស្ស​៦​នាក់​ (ថ្ងៃទី 2 កញ្ញា 2014)

នាយករដ្ឋមន្ត្រី​ថៃ ប្រា​យុទ្ធ ចាន​អូ​ចា បង្ហាញ​សមាជិក​គណៈរដ្ឋមន្ត្រី​ដែលមាន​មន្ត្រី​យោធា​ច្រើន​ (ថ្ងៃទី 1 កញ្ញា 2014)

ប៉ូលិស​ថៃ​ចាប់​មនុស្ស​២​នាក់​ចំពោះ​ការ​បាច​ខិតប័ណ្ណ​ទាមទារ​កាត់ទោស​ជាថ្មី​ប្រឆាំង លោក អាប់​ភិ​ស៊ីត​ (ថ្ងៃទី 1 កញ្ញា 2014)

​រដ្ឋាភិបាល​ក្រុង​ប៉េកាំង​បង្ក​ឲ្យ​មានការ​ខ្វែងគំនិត​លើ​មេដឹកនាំ​ថ្មី​របស់​ហុងកុង (ថ្ងៃទី 1 កញ្ញា 2014)

ការធ្វើជំរឿន​បង្ហាញថា​ប្រជាជន​មី​យ៉ាន់​ម៉ា​មាន​ជាង​៥១​លាន​នាក់ គឺ​តិចជាង​ការប៉ាន់ស្មាន​ (ថ្ងៃទី 30 សីហា 2014)

ខ្យល់អាកាស​កខ្វក់ ការជក់បារី គ្រោះថ្នាក់​ចរាចរណ៍​និង​ភាពធាត់​ជ្រុល​សម្លាប់​មនុស្ស​៤,៧​លាន​នាក់​ក្នុង​មួយ​ឆ្នាំ​នៅ​ចិន ​ (ថ្ងៃទី 29 សីហា 2014)

អ្នកកាសែត​២​នាក់​ត្រូវបាន​បាញ់​សម្លាប់​នៅ​ប៉ា​គី​ស្ថាន​ (ថ្ងៃទី 29 សីហា 2014)

បណ្តឹង​ព្រហ្មទណ្ឌ​ប្រឆាំង​អាប់​ភិស៊ី​ត និង​ស៊ូ​ថេប ត្រូវ​តុលាការ​ទាត់​ចោល​ (ថ្ងៃទី 28 សីហា 2014)

ផ្ទុះ​គ្រាប់បែក​សម្លាប់​គ្រូបង្រៀន​នៅ​ភាគខាងត្បូង​ថៃ​ (ថ្ងៃទី 28 សីហា 2014)