ចិន​បញ្ជូន​អវកាសយានិក​ស្រី​លើកដំបូង​ចូល​ក្នុង​អវកាស​ | CEN: World News
Cen-logo

ដំណឹងអន្តរជាតិ

ចិន​បញ្ជូន​អវកាសយានិក​ស្រី​លើកដំបូង​ចូល​ក្នុង​អវកាស​

ថ្ងៃទី 17 មិថុនា 2012, 02:15:PM

Give our kids a better deal
​យាន​អវកាស​Shenzhou IX​ចេញដំណើរ​ដោយ​នាំយក​អវកាសយានិក​ស្រី លីវ យ៉ាង​ទៅ​ជាមួយ​ផង​ក្នុង​បេសកកម្ម​១០​ថ្ងៃ​

 

​ប្រទេស​ចិន​កាលពី​ថ្ងៃ​សៅរិ៍​បាន​ចាប់ផ្តើមបេស​ក​កម្ម​អវកាស​ប្រកបដោយ​មហិច្ឆតា​បំផុត​របស់​ខ្លួន ដោយ​បាន​បញ្ជូន​អវកាស​យានិ​​ក​បីនាក់ រួម​មាន​ស្ត្រី​ម្នាក់​ចូល​ក្នុង​តារា​វិថី​។​

​យាន​Shenzhou IX​ដែល​ដឹក​អវកាសយានិក​ស្ត្រី លីវ យ៉ាង និង​អវកាសយានិក​ប្រុស​ហ្សីង ហាយ​ប៉េង​និង​លីវ វ៉ាង បាន​ចេញដំណើរ​នៅ​​មជ្ឈមណ្ឌល​បាញ់​បង្ហោះ​ផ្កាយរណប Jiuquan នៅ​ខេត្ត​ហ្កានស៊ូ​ចូលក្នុង​លំហ​មេឃ​ពណ៌​ខៀវ​។​

​ពួក​នាវិក​នឹង​ស្នាក់នៅ​ក្នុង​អវកាស​រយៈពេល​១០​ថ្ងៃ ដែល​ក្នុង​អំឡុង​ពេល​នេះ ពួកគេ​នឹង​ធ្វើ​ការពិសោធន៍​វិទ្យាសាស្ត្រ​និង​ការ​ចូល​ចត​​ស្ថានីយ​អវកាស​ដែល​បញ្ជា​ដោយ​មនុស្ស​ផ្ទាល់​ជា​លើកដំបូង​។​

​បើ​ការបាញ់​បង្ហោះ​និង​ការ​ចូល​ចត​យាន​នេះ​ទទួលបាន​ជោគជ័យ​វា​នឹង​នាំ​អោយ​ចិន​បោះ​ជំហាន​មួយទៀត​ឆ្ពោះទៅ​កាន់​ការបង្កើត​ស្ថានី​​យ​ផ្ទាល់​របស់​ខ្លួន​នៅ​ឆ្នាំ​២០២០​។​

​នៅ​មជ្ឈមណ្ឌល​ត្រួតត្រា​អវកាស​ក្រុង​ប៉េកាំង​កាលពី​ថ្ងៃ​សៅរិ៍ ពួក​អ្នកវិទ្យាសាស្ត្រ​រាប់រយ​នាក់​បាន​តាមដាន​មើល​និង​រាយការណ៍​អំពី​សកម្មភាព​​របស់​យាន​នៅ​គ្រប់​វិនាទី​។​អេក្រង់​ធំៗ​បានបង្ហាញ​អវកាសយានិក​ទាំង​បី​ញញឹម​និង​បក់ដៃ​ដាក់​កាមេរ៉ា​ត្រួតពិនិត្យ​នៅ​ពេល​យាន​​ចេញដំណើរ​។​

​នៅ​ម៉ោង​៦​និង​៤៧​នាទី យាន​Shenzhou IX​បាន​ចូល​ក្នុង​តារា​វិថី ហើយ​លោក​ចាង វ៉ាន​ក្វាន មេបញ្ជាការ​កម្មវិធី​អវកាស​ជាតិ បានប្រកាស​​ថា​ការបាញ់​បង្ហោះ​បានសំរេច​ជោគជ័យ​៕

ដំណឹងអន្តរជាតិផ្សេងទៀត

ស្លាប់​ពីរ​នាក់​ខណៈ​រញ្ជួយ​ដី ៥,៩ រិ​ច្ឆ​ទ័​រ​វាយប្រហារ​ខេត្ត​ស៊ី​ឈួន​របស់​ចិន​ (ថ្ងៃទី 23 វិច្ឆិកា 2014)

ចិន​កសាង​កោះ​នៅ​លើ​ថ្ម​ប៉ប្រះ​ទឹក​នៅ​ប្រជុំ​កោះ​ស្ព្រាត់​លី​សម្រាប់​ធ្វើ​ផ្លូវ​យន្តហោះ​ (ថ្ងៃទី 22 វិច្ឆិកា 2014)

អនុ​ប្រធានាធិបតី​អាមេរិក លោក ចូ បាយ​ដេន ព្រមាន​ថា​រុស្ស៊ី​អាច​ប្រឈម​ភាព​ឯកោ​ (ថ្ងៃទី 22 វិច្ឆិកា 2014)

បង្ខំ​អោយ​កូនស្រី​អាយុ​១១​ឆ្នាំ​លេប​គ្រាប់​ឱសថ​បង្កប់​ថ្នាំញឿន​១០៤​គ្រាប់​ (ថ្ងៃទី 22 វិច្ឆិកា 2014)

អង្គការសហប្រជាជាតិ​រិះគន់​ការចាប់ខ្លួន​និស្សិត​ថៃ​ដោយ​គ្រាន់តែ​ធ្វើ​សញ្ញា លើក​ម្រាមដៃ​បី​គំនាប់​ដូច​ក្នុង​ភាពយន្ត​The Hunger Games (ថ្ងៃទី 22 វិច្ឆិកា 2014)

កូរ៉េខាងត្បូង​ធ្វើ​សមយុទ្ធ​យោធា​ដោយ​បាញ់​គ្រាប់​ពិត​ទោះបីជា​មាន​ការព្រមាន​ពី​កូរ៉េខាងជើង​ (ថ្ងៃទី 21 វិច្ឆិកា 2014)

អាបេ​រំលាយសភា​និង​កោះ​ធ្វើ​ការបោះឆ្នោត​មុន​កាលកំណត់​ (ថ្ងៃទី 21 វិច្ឆិកា 2014)

បា​រ៉ាក់ អូ​បា​ម៉ា ផ្តល់​សិទ្ធិ​ដល់​ជនអន្តោប្រវេសន៍​ខុសច្បាប់​៥​លាន​នាក់ (ថ្ងៃទី 21 វិច្ឆិកា 2014)

ព្យុះ​ព្រិល​ទឹកកក​ដ៏​ខ្លាំង​វាយប្រហារ​តំបន់​ភាគ​ខាងជើង​សហរដ្ឋអាមេរិក​ (ថ្ងៃទី 20 វិច្ឆិកា 2014)

និស្សិត​ថៃ​៥​នាក់​ត្រូវ​ចាប់​ខ្លួន​ដោយសារតែ​លើក​ម្រាមដៃ​បីគំនាប់ដូច​ក្នុង​រឿង​The Hunger Games (ថ្ងៃទី 20 វិច្ឆិកា 2014)