ចិន​សន្យា​ជួយ​ដល់​អា​ហ្វ​ហ្គានី​ស្ថាន​ដោយមិន​ខ្វល់​ពី​ខ្លួនឯង​ | CEN: World News
Cen-logo

ដំណឹងក្នុងតំបន់

ចិន​សន្យា​ជួយ​ដល់​អា​ហ្វ​ហ្គានី​ស្ថាន​ដោយមិន​ខ្វល់​ពី​ខ្លួនឯង​

ថ្ងៃទី 9 មិថុនា 2012, 07:38:AM

Give our kids a better deal
ប្រធានាធិបតី​អា​ហ្វ​ហ្គានី​ស្ថាន​មក​ដល់​ចិន​កាលពី​ថ្ងៃ​សុក្រ

 

ប្រធានាធិបតី​ចិន​បាន​សន្យា​ជួយ​អា​ហ្វ​ហ្គានី​ស្ថាន​ដោយមិន​ខ្វល់​ពី​ខ្លួនឯង​កាលពី​ថ្ងៃ​សុក្រ​ទី ៨ មិថុនា ២០១២ ហើយ​មេដឹកនាំ​ប្រទេស​ទាំង​ពីរ​បាន​ឯកភាព​ពង្រឹង​ទំនាក់ទំនង​របស់​ពួកគេ​ឲ្យ​កាន់តែ​ប្រសើរ ខណៈ​ដែល​កងកម្លាំង​ដឹកនាំ​ដោយ​ណា​តូ​កំពុង​ត្រៀម​ខ្លួន​ដកចេញ​ពី​ប្រទេស​ដែល​ហែកហួរ​ដោយសារ​សង្គ្រាម​មួយ​នេះ​នៅ​ឆ្នាំ ២០១៤ ខាងមុខ ។​

​លោក ហ៊ូ ជីន​តាវ បាន​ប្រាប់​ទៅ​ប្រធានាធិបតី​អា​ហ្វ​ហ្គានី​ស្ថានដែល​មក​បំពេញ​ទស្សនកិច្ច​នៅ​ចិន​ថា ប្រទេស​ចិន​នឹង​បន្ត​ផ្តល់​ជំនួយ​ដោយ​ស្មោះ និង មិន​ខ្វល់​ពី​ខ្លួនឯង​ដល់​ភាគី​អា​ហ្វ​ហ្គានី​ស្ថាន​ខណៈដែល​ប្រទេស​មួយ​នេះ​បាន​ឈាន​ចូលដល់ "​សម័យកាល​ផ្លាស់ប្តូរ​ដ៏​សំខាន់​មួយ​" ។

​សេចក្តីថ្លែងការណ៍​មួយ​ដែល​ក្នុងនោះ​ប្រទេស​ទាំង​ពីរ​បាន​ឯកភាព​ពង្រឹង​ទំនាក់ទំនង​នៅក្នុង​វិស័យ​សន្តិសុខ សេដ្ឋកិច្ច និង នយោបាយ​បាន​និយាយថា ចិន​បាន​យល់ព្រម​ផ្តល់ជំនួយ ២៤ លាន​ដុល្លារ​ដល់​ប្រទេសជិតខាង​ក្រីក្រ​របស់ខ្លួន ។

​ប្រទេស​អា​ហ្វ​ហ្គានី​ស្ថាន​កំពុង​ត្រៀម​រៀបចំ​សម្រាប់​ការដកចេញ​នូវ​ទាហាន​ណា​តូ​ចំនួន ១៣ ម៉ឺន​នាក់​ដែល​ប្រយុទ្ធ​ជាមួយ​ពួក​សកម្មប្រយុទ្ធ​តា​លី​បង់​ឲ្យបាន​មុន​បំណាច់​ឆ្នាំ ២០១៤ ហើយ​អនាគត​ប្រទេស​មួយ​នេះ​បាន​ក្លាយជា​ប្រធានបទ​ពិភាក្សា​ដ៏​សំខាន់​នៅ​ឯ​ជំនួប​កំពូល​ស្តី​ពី​សន្តិសុខ​តំបន់​នៅក្នុង​ទីក្រុង​ប៉េកាំង​នៅ​សប្តាហ៍​នេះ ។​

​ប្រទេស​ចិន​ដែល​មាន​ព្រំដែន​តូច​មួយ​ជាប់​ជាមួយ​អា​ហ្វ​ហ្គានី​ស្ថាន​នៅ​ចុង​ភាគ​ឦសាន​បាន​ធានា​ទទួលបាន​សម្បទាន​រ៉ែ​ទង់ដែង និង​ប្រេង​រួច​ទៅ​ហើយ​នៅក្នុង​ប្រទេស​អា​ហ្វ​ហ្គានី​ស្ថានជា​ទី​ដែល​គេ​ជឿ​ថា​មាន​ធនធាន​រ៉ែ​មាន​តម្លៃ​រហូត​ដល់​ទៅ​មួយ​ពាន់​ពាន់​លាន​ដុល្លារ ៕

ដំណឹងក្នុងតំបន់ផ្សេងទៀត

ភូមា រំពឹង​ថា​ភ្ញៀវ​ទេសចរ​នឹង​កើន​ដល់​៥​លាន​នាក់​នៅ​ឆ្នាំក្រោយ​ (ថ្ងៃទី 27 វិច្ឆិកា 2014)

ស្ត្រី​ជា​ម្តាយ​អា​ហ្វ​ហ្គានី​ស្ថាន​ម្នាក់សង​សឹក​ក្រុម​តាម​លី​បង់​ដោយ​បាញ់សម្លាប់​ក្រុម​ជនតា​លី​បង់​២៥​នាក់​ (ថ្ងៃទី 27 វិច្ឆិកា 2014)

ហ្វីលីពីន​ធ្វើការ​ប្រឆាំង​តវ៉ា​ប្រឆាំងសំណង់​កន្លែង​ចុះចត​របស់​យន្តហោះ​ចិន​ (ថ្ងៃទី 26 វិច្ឆិកា 2014)

មន្ត្រីប៉ូលិស​ជាន់ខ្ពស់​ថៃ ត្រូវ​បាន​ស៊ើបអង្កេត​និង​ចោទប្រកាន់​ (ថ្ងៃទី 26 វិច្ឆិកា 2014)

ផ្ទុះ​ឆេះ​អណ្តូងរ៉ែ​សម្លាប់​មនុស្ស​២៤​នាក់​នៅ​ចិន​ (ថ្ងៃទី 26 វិច្ឆិកា 2014)

គំនិតប្រឆាំង​រដ្ឋប្រហា​រ​កើនឡើង ខណៈ​ដែល​ក្រុម​និស្សិត​ថៃ​ផ្សព្វផ្សាយ​សារ​ (ថ្ងៃទី 25 វិច្ឆិកា 2014)

អ្នកនិពន្ធ​ប្រចាំ​វេបសាយ​មួយ​ត្រូវបាន​កាត់ទោស​ដាក់គុក​ចំពោះ​ការប្រមាថ​ស្តេច​ថៃ​ (ថ្ងៃទី 25 វិច្ឆិកា 2014)

ចិន​ចាប់​មនុស្ស​៣១​នាក់​ដោយ​សង្ស័យ​ជួញដូរ​ស្ត្រី​មី​យ៉ាន់​ម៉ា (ថ្ងៃទី 25 វិច្ឆិកា 2014)

ហ្វីលីពីន​កាត់ទោស​ពួក​អ្នកនេសាទ​ចិន ទោះបីជា​មាន​ការព្រមាន​ពី​ចិន​ក៏​ដោយ​ (ថ្ងៃទី 24 វិច្ឆិកា 2014)

វៀតណាម​ពិចារណា​ច្បាប់​ដើម្បី​ផ្តល់​សិទ្ធិ​ដល់​ក្រុម​ជនបរទេស​ដើម្បី​ទិញ​ផ្ទះ​ (ថ្ងៃទី 24 វិច្ឆិកា 2014)