ធនាគារពិភពលោក​និយាយថា​ប្រទេស​កំពុងអភិវឌ្ឍន៍​ត្រូវតែមាន​ខឿន​ការពារ​ឲ្យ​ធំ​ជាង​មុន | CEN: World News
Cen-logo

ដំណឹងអន្តរជាតិ

ធនាគារពិភពលោក​និយាយថា​ប្រទេស​កំពុងអភិវឌ្ឍន៍​ត្រូវតែមាន​ខឿន​ការពារ​ឲ្យ​ធំ​ជាង​មុន

ថ្ងៃទី 13 មិថុនា 2012, 09:36:AM

Give our kids a better deal
ធនាគារពិភពលោក​ប្រាប់​ឲ្យ​ប្រទេស​កំពុងអភិវឌ្ឍន៍​ត្រៀម​វិធានការ​ការពារ​វិបត្តិ​ហិរញ្ញវត្ថុ

 
​ធនាគារពិភពលោក​កាលពី​ថ្ងៃ​អង្គារ​ទី ១២ មិថុនា ២០១២ បាន​ជម្រុញ​ឲ្យ​បណ្តា​ប្រទេស​កំពុងអភិវឌ្ឍន៍​ឲ្យ​ពង្រឹង​ខឿន​ការពារ​របស់​ពួកគេ​ទប់ទល់​នឹង​ព្យុះ​វិបត្តិ​ហិរញ្ញវត្ថុ​ដែល​កើតចេញពី​ក្រុម​ប្រទេស​មាន​ចំណូល​ខ្ពស់​ជាច្រើន ជាពិសេស​នៅក្នុង​តំបន់​អឺរ៉ុប ។​

​ស្ថាប័ន​ផ្តល់​ប្រាក់កំចី​អភិវឌ្ឍន៍​មួយ​នេះ​បាន​និយាយថា បណ្តា​ប្រទេស​កំពុងអភិវឌ្ឍន៍​មាន​វិធានការ​ក្នុងការ​ទប់ទល់​នឹង​ផលប៉ះពាល់​ចំពោះ​សេដ្ឋកិច្ច​របស់​ពួកគេ​តិចតួច​ជាង​វិធាន​ការដែល​ពួកគេ​មាន​ក្នុង​ឆ្នាំ ២០០៧ មុនពេល​វិបត្តិ​ហិរញ្ញវត្ថុ​សកលលោក​បាន​រាលដាល និង ចាំបាច់​ត្រូវតែ​ត្រៀមខ្លួន​សម្រាប់​ចលាចល​ដែល​អូសបន្លាយ​យូរអង្វែង ។​

​លោក ហាន​ស៍ ធី​ម​មឺ ប្រធាន​ផ្នែក​ព្យាករណ៍​ពី​ការអភិវឌ្ឍន៍​នៅ​ធនាគារពិភពលោក​បាន​និយាយថា "​វិបត្តិ​ហិរញ្ញវត្ថុ​ធ្ងន់ធ្ងរ​មួយ​ផ្សេងទៀត​អាច​នឹង​កើតមានឡើង​" ។ លោក​ធី​ម​មឺ​បាន​និយាយ​នៅក្នុង​ស​ន្និសិទ​កាសែត​មួយ​ស្តីពី​របាយការណ៍​ព្យាករណ៍​ពី​សេដ្ឋកិច្ច​សកលលោក​រៀង​រាល់​ពីរ​ឆ្នាំ​ម្តង​របស់​ធនាគារពិភពលោក​ថា ប្រសិនបើ​ប្រទេស​អ្នកមាន​នៅតែ​បន្ត​មាន​កំណើន​សេដ្ឋ​យឺតយ៉ាវ នោះ​ប្រទេស​កំពុងអភិវឌ្ឍន៍​នៅតែមាន​លទ្ធភាព​បង្ហាញ​នូវ​អត្រាកំណើន​ដ៏​រឹងមាំ​ដដែល ។ "​ក្នុងករណី​មាន​វិបត្តិ​ហិរញ្ញវត្ថុ​ធ្ងន់ធ្ងរ គ្មាន​ប្រទេស​កំពុងអភិវឌ្ឍន៍​ណាមួយ​អាច​ចៀសផុត​នោះឡើយ​" ។​

​យោងតាម​របាយការណ៍​របស់​ធនាគារពិភពលោក កំណើន​នៅក្នុង​បណ្តា​ប្រទេស​កំពុងអភិវឌ្ឍន៍​ត្រូវបាន​គេ​រំពឹងថា​មាន​ល្បឿន​យឺត​គឺ​មក​នៅត្រឹម ៥,៣ ភាគរយ​ក្នុង​ឆ្នាំ ២០១២ ដែលជា​អត្រា​ខ្សោយ​បំផុត​ក្នុង​រយៈពេល​មួយ​ទសវត្សរ៍​មកនេះ ហើយ​បន្ទាប់មក​កើនឡើង​បន្តិចបន្តួច​នៅក្នុង​ឆ្នាំ ២០១៣-២០១៤ ។​

​អត្រាកំណើន​សេដ្ឋកិច្ច​ស​កល​លោក​ក្នុង​ឆ្នាំ ២០១២ ប្រហែល​ជាមាន​ពីរ​ភាគរយ​ទាប​ជាង​ក្នុង​ឆ្នាំ ២០១០ និង​ជា​កំណើន​យឺតយ៉ាវ​បំផុត​ក្នុង​រយៈពេល ១០ ឆ្នាំ​ចុងក្រោយ​ដោយ​មិន​រាប់បញ្ចូល​ការធ្លាក់ចុះ​សេដ្ឋកិច្ច​សកលលោក​ក្នុង​ឆ្នាំ ២០០៩ នោះទេ ។ ឆ្នាំមុន​ល្បឿន​សេដ្ឋកិច្ចពិភពលោក​មាន​កំណើន ២,៧ ភាគរយ ។​

​សហរដ្ឋអាមេរិក​ដែលជា​ប្រទេស​មហាអំណាច​សេដ្ឋកិច្ច​របស់​ពិភពលោក​អាច​នឹងមាន​កំណើនសេដ្ឋកិច្ច​ត្រឹមតែ ២,១ ​ភាគរយ ចំណែក​ជប៉ុន​ប្រហែល​ជាមាន​កំណើន ២,៤ ភាគរយ ហើយ​ចិន​ត្រូវបាន​គេ​ព្យាករណ៍​ថា​មាន​កំណើន​យឺត​ប៉ុណ្ណោះ​គឺ​មក​នៅត្រឹម ៨,២ ភាគរយ​ពី​ចំនួន ៨,៤ ភាគរយ​ដែល​គេ​ព្យាករណ៍​ឃើញ​ក្នុង​ខែមករា ៕

ដំណឹងអន្តរជាតិផ្សេងទៀត

ប្រទេស​តាម​ដង​ទន្លេមេគង្គ​មាន​ផែនការ​បង្កើត​ផ្លូវ​ត​ភ្ជាប់​តម្លៃ​៣០​ពាន់​លាន​ (ថ្ងៃទី 20 ធ្នូ 2014)

ចិន​យល់ព្រម​លើ​កិច្ចព្រមព្រៀង​សង់​ផ្លូវ​ដែកចម្ងាយ​៨៦៧​គីឡូម៉ែត្រ​នៅ​ថៃ​ (ថ្ងៃទី 20 ធ្នូ 2014)

អាមេរិក​ព្រមាន​អំពី​ការធ្វើ​ដំណើរ ដោយ​ពួក​ភេរ​វករ​អាច​វាយប្រហា​រ​សណ្ឋាគារ ផ្សារ សាលារៀន​និង​កន្លែង​ទីសក្ការៈ​ (ថ្ងៃទី 20 ធ្នូ 2014)

កូរ៉េខាងជើង​បដិសេធ​កា​រវាយ​ប្រហារ​តាម​អ៊ិន​ធឺ​ណែ​ត​លើ​ក្រុមហ៊ុន​Sony (ថ្ងៃទី 20 ធ្នូ 2014)

បា​រ៉ា​ក់ អូ​បា​ម៉ា ព្រមាន​កូរ៉េខាងជើង​អំពី​ការ​លួច​ឆែក​មើល​ឯកសារ​ក្នុង​កុំព្យូទ័រ​របស់​ក្រុមហ៊ុន​the Sony Pictures (ថ្ងៃទី 20 ធ្នូ 2014)

មួយ​ភូមិ​បោះឆ្នោត​បណ្តេញ​កុមារ​ផ្ទុះ​មេរោគ​អេដស៍​ម្នាក់​ (ថ្ងៃទី 19 ធ្នូ 2014)

អង្គការសហប្រជាជាតិ​ចង់​ឲ្យ​កូរ៉េ​ខាងជើង ត្រូវបាន​ចោទប្រកាន់​នៅ​តុលាការ​ឧក្រិដ្ឋកម្ម​អន្តរជាតិ​ (ថ្ងៃទី 19 ធ្នូ 2014)

សង្គ្រាមត្រជាក់​វិលត្រឡប់​មកវិញហើយ​ត្រជាក់​ខ្លាំង​ជាង​មុន​ទៅទៀត​ (ថ្ងៃទី 18 ធ្នូ 2014)

ទំព័រ​ថ្មី ក្នុង​ចំណងទាក់ទង អាមេរិក​-​គុយបា​ (ថ្ងៃទី 18 ធ្នូ 2014)

សាកសព​២៣០​នាក់​ត្រូវបាន​រកឃើញ​នៅ​ផ្នូរខ្មោច​ដ៏​ធំ​នៅ​ស៊ី​រី បន្ទាប់ពី​ក្រុម​ISIS​បានសម្លាប់​ក្រុម​កុលសម្ព័ន្ធ​ (ថ្ងៃទី 18 ធ្នូ 2014)