លីន​សេ ឡូ​ហាន​ចេញ​ពី​មន្ទីរពេទ្យ​បន្ទាប់ពី​មាន​គ្រោះថ្នាក់​រថយន្ត​ | CEN: World News
Cen-logo

ដំណឹងកម្សាន្ត/ សិល្បៈ

លីន​សេ ឡូ​ហាន​ចេញ​ពី​មន្ទីរពេទ្យ​បន្ទាប់ពី​មាន​គ្រោះថ្នាក់​រថយន្ត​

ថ្ងៃទី 9 មិថុនា 2012, 09:37:AM

Give our kids a better deal
​រថយន្ត​Porsche ដែល​ជួល​គេ​ជិះ​ត្រូវ​ឡូ​ហាន​បើ​កបំ​បុក​ខ្ទេច​ខាង​មុខ​តែ​សំណាង​មនុស្ស​ក្នុងរ​ថយន្ត​អត់​អី​

 

​តារាភាពយន្ត​ដ៏​សំបូរ​បញ្ហា​របស់​អាមេរិក​នាង លីន​សេ ឡូ​ហាន ត្រូវបាន​គេ​រាយការណ៍​ថា​បាន​ចេញ​ពី​មន្ទីរពេទ្យ​ក្រុង​ឡូ​ស អ៊ែន​ជើ​ឡេស​ហើយ​បន្ទាប់ពី​ជួប​គ្រោះថ្នាក់​រថយន្ត​ដ៏​អាក្រក់​មួយ​ហើយ​នាង​បាន​​​វិល​ទៅ​ធ្វើការ​វិញ​។​

​របាយការណ៍​វេបសាយ​TMZ​បាន​និយាយថា​រថយន្ត​ទំនើប​ម៉ាក​Porsche ដែល​នាង​ជួល​គេ​ជិះ​បាន​បើក​បាន​បុក​រថយន្ត​កង់​១៨​មួយ​គ្រឿង​នៅ​លើ​ផ្លូវ​ហាយវេ​មួយ​​កាលពី​ថ្ងៃ​សុក្រ​។​រថយន្ត​ពណ៌​ខ្មៅ​នេះ​បាន​រួញ​កាបូ​មុខ​និង​បែក​ខ្ទេចខ្ទីរ​ផ្នែក​ខាង​មុខតែ​នាង​របួស​តិចតួច​ប៉ុណ្ណោះ​។​

​រថយន្ត​ពេទ្យ​ត្រូវបាន​គេ​ហៅ​មក​កាន់​កន្លែងកើតហេតុ​តែ​នាង​ត្រូវ​គេ​និយាយថា​បាន​ទៅ​កាន់​មន្ទីរពេទ្យ​ដោយ​មធ្យោបាយ​ផ្សេង​។​

​រូបភាព​បង្ហាញ​រថយន្ត​រួញ​ផ្នែក​ខាង​មុខ​និង​TMZ​បាន​និយាយថា​នាង​លីន​សេ​រង​របួសស្រាល​តែ​មាន​ចេញឈាម​។​ជំនួយការ​ម្នាក់​ក៏បាន​ស្ថិតនៅ​ក្នុង​រថយន្ត​ដែរ​ក្នុង​ពេល​កើតហេតុ​។​

​ប៉ូលីស​បាន​និយាយថា​មិន​មាន​សញ្ញា​ដែលថា​នាង​ឡូ​ហាន​បាន​ស្ថិត​ក្រោម​ឥទ្ធិពល​ស្រវឹង​ឬ​ថ្នាំ​ញៀន​ទេ​ក្នុងពេល​បើក​បរជួប​ឧបទ្ទវហេតុ​​នេះ ដោយ​មិន​ដូច​កាលពី​ឆ្នាំ​២០០៧​នៅពេល​នាង​ត្រូវបាន​ចោទប្រកាន់ថា​បាន​បើកបរ​ក្នុង​ពេល​ផឹក​ស្រវឹង​និង​ថែម​ទាំង​ត្រូវបាន​គេ​ធ្វើ​​តេ​ស្តិ៍​រក​ឃើញ​ជាតិ​ថ្នាំញៀន​កូកាអ៊ីន​ទៀតផង​។​

​អ្នកនាំពាក្យ​ម្នាក់​របស់​នាង​បាន​និយាយ​ថា​តារា​វ័យ​២៦​ឆ្នាំ​នេះ​បាន​កំពុង​ធ្វើដំណើរ​ទៅ​ថត​ភាពយន្ត​នៅពេល​មាន​គ្រោះថ្នាក់​និង​នាង​ត្រូវបាន​បញ្ជូន​ទៅ​មន្ទីរពេទ្យ​"​គ្រាន់តែ​ជា​ការបង្ការ​"​តែ​បាន​ចេញ​វិញ​បន្ទាប់ពី​បាន​នៅក្នុង​បន្ទប់សង្គ្រោះបន្ទាន់​អស់​ជាង​ពីរ​ម៉ោង​និង​នាង​មាន​សុខភាព​ល្អ​ទេ​។​

​បន្ទាប់ពី​ចេញពី​មន្ទីរពេទ្យ នាង​បាន​ធ្វើដំណើរ​ទៅ​កន្លែង​ថត​ភាពយន្ត​ចុងក្រោយ​របស់​នាង ជា​ភាពយន្ត​បញ្ចាំង​តាម​ទូរទស្សន៍​ដែល​និយាយ​អំពី​ជីវិត​នាង​អេ​លីហ្សា​បេ​ត ថៃល័​រ​និង​ស្នេហា​ដូច​រន្ទះ​របស់​នាង​ជាមួយ​សិល្បៈករ​រី​ឆាត​​ប៊ឺ​ថុន​៕

ដំណឹងកម្សាន្ត/ សិល្បៈផ្សេងទៀត

B1A4 បន្តដំណើរ​សម្តែង “Road Trip” នៅ​អាស៊ី​ (ថ្ងៃទី 3 កញ្ញា 2014)

នាង​កា​ដា​សៀន​ទទួលបាន​ពានរង្វាន់​ស្ត្រី​ឆ្នើម​ប្រចាំឆ្នាំ​ (ថ្ងៃទី 3 កញ្ញា 2014)

អ៊ែន​ជែ​លី​ណា ចូ​លី បង្ហាញ​ឈុត​រៀបការ​ដ៏​ស្រស់ស្អាត​ក្នុង​រូបភាព​ដំបូង​ពី​អាពាហ៍ពិពាហ៍​របស់​នាង​ជាមួយ​ប្រ៊ែ​ត ភី​ត​ (ថ្ងៃទី 2 កញ្ញា 2014)

FBI ស៊ើបអង្កេត​ការ​លេច​ធ្លាយ​រូបភាព​ឯកជន​របស់​ជន​ល្បី "​តាម​អន​ឡាញ​" (ថ្ងៃទី 2 កញ្ញា 2014)

អតីត​តារា​ស្រាត​Playboy​ជាប់គុក​៣​ឆ្នាំ​ចំពោះ​ការនាំ​គ្រឿងញៀន​ចូល​អូស្រ្តាលី (ថ្ងៃទី 30 សីហា 2014)

បវរកញ្ញា​មី​យ៉ាន់​ម៉ា​រត់គេចខ្លួន​ជាមួយនឹង​ម្កុដ​តម្លៃ ១០ ម៉ឺន​ដុល្លារ​ (ថ្ងៃទី 30 សីហា 2014)

ការ​រៀបការរបស់ Brad Pitt និង Angelina Jolie ត្រូវបាន​ប្រកាស​ (ថ្ងៃទី 29 សីហា 2014)

​តារា​បង្ហាញ​ម៉ូត​ម៉ាឡេស៊ី​ត្រូវបាន​ពិន័យ​ប្រាក់ ចំពោះ​ការថតរូប​អាពាហ៍ពិពាហ៍​អាក្រាត​ពាក់កណ្តាល​ខ្លួន​ (ថ្ងៃទី 28 សីហា 2014)

ប៊ែ​ក ជី​យ៉ង់ នឹង​ក្លាយជា​តារាចម្រៀង​ប៉ប់​កូរ៉េ​ដំបូង​ដែល​រៀបចំ​ការប្រគំ​តន្ត្រី​នៅ​មជ្ឈមណ្ឌល Lincoln Center (ថ្ងៃទី 27 សីហា 2014)

​ជេ ឆូវ សុំ​មិត្តស្រី​រៀបការ ពេល​ទៅ​កម្សាន្ត​ម៉ា​ល់​ឌី​វ​ (ថ្ងៃទី 27 សីហា 2014)