លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្តិ​យស​ក្នុង​ទីក្រុង Oxford ដែល​លោកស្រី​ហៅថា​ផ្ទះ​របស់ខ្លួន​ | CEN: World News
Cen-logo

ដំណឹងអន្តរជាតិ

លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្តិ​យស​ក្នុង​ទីក្រុង Oxford ដែល​លោកស្រី​ហៅថា​ផ្ទះ​របស់ខ្លួន​

ថ្ងៃទី 21 មិថុនា 2012, 09:38:AM

Give our kids a better deal
លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្ត​យស​ក្នុង​ទីក្រុង Oxford

 
​លោកស្រី​អ៊ុង សាន​ស៊ូ​ជី បាន​និយាយថា លោកស្រី​មាន​សេចក្តីរំភើប​រីករាយ​ខ្លាំងណាស់​កាលពី​ថ្ងៃ​ពុធ​ខណៈដែល​លោកស្រី​ត្រូវ​បានប្រគល់​សញ្ញាប័ត្រ​ប​ណ្ឌិ​ត​កិត្តិយស​ដោយ​សាកលវិទ្យាល័យ Oxford នៅក្នុង​ទីក្រុង Oxford ជាទី​ដែល​លោកស្រី​បាន​សិក្សា និង មើលថែ​គ្រួសារ​ដែល​ក្រោយមក​លោកស្រី​បាន​ទុក​ពួកគេ​ឲ្យ​នៅឯ​កា ។​

​មេដឹកនាំ​ប្រជាធិបតេយ្យ​ភូមា​រូបនេះ​ក៏បាន​អំពាវនាវ​ឲ្យ​សាកលវិទ្យាល័យ​ដ៏​មាន​កិត្យានុភាព​មួយ​នេះ​ជួយ​អប់រំ​និស្សិត​ជំនាន់​ក្រោយៗ​ដែល​អាចដឹកនាំ​ប្រទេស​នៅ​អាស៊ីអាគ្នេយ៍​មួយ​នេះ​ពី​ការគ្រប់គ្រង​ដោយ​យោធា​មកកាន់​លទ្ធិប្រជាធិបតេយ្យ ។​

​លោកស្រី​ស៊ូ​ជី​អាយុ ៦៧ ឆ្នាំ បាន​ថ្លែង​បន្ទាប់ពី​លោកស្រី​ត្រូវ​បានប្រគល់​សញ្ញាប័ត្រ​ប​ណ្ឌិ​ត​កិត្តិយស​ជំនាញ​ច្បាប់រដ្ឋប្បវេណី​នៅក្នុង​សាល Sheldonian Theatre ដែល​សង់​ក្នុង​សតវត្សរ៍​ទី ១៧ របស់​សាកលវិទ្យាល័យ Oxford ថា "​ថ្ងៃនេះ​ខ្ញុំ​ពិត​ជាមាន​សេចក្តីរំភើប​រីករាយ​យ៉ាងខ្លាំង ។ អំឡុង​ឆ្នាំ​ដ៏​លំបាក​ទាំងនោះ​ខ្ញុំ​បាន​ចំណាយពេល​ក្រោម​ការជាប់​ឃុំ​ក្នុងផ្ទះ ខ្ញុំ​នឹក​ដល់​អនុស្សាវរីយ៍​រប​ស់​ខ្ញុំ​នៅ​ទីក្រុង Oxford ។ ពួកគេ​បាន​ជួយ​ខ្ញុំ​ឲ្យ​ចេះ​ប្រឈម​បញ្ហា​ដែល​ខ្ញុំ​បាន​ជួបប្រទះ​" ។​

​ស្លៀក​ពាក់អាវ​ប្រពៃណី​បុរាណ​ក្រោម​រ៉ូ​ប​សម្លៀកបំពាក់​ទទួល​ស​ញ្ញា​ប័ត្រ​ពណ៌​ក្រហមឆ្អិនឆ្អៅ រួមជាមួយ​ផ្កា​សៀត​ក្នុង​សក់​ក្រោម​មួក​កាំ​ម្ញី​ពណ៌​ខ្មៅ លោកស្រី​ស៊ូ​ជី​ញញឹម​យ៉ាង​ស្រស់​ខណៈដែល​លោកស្រី​បានទទួល​សន្លឹក​សញ្ញាប័ត្រ​ពី​សាកលវិទ្យាធិការ លោក​គ្រី​ស ផា​ថិ​ន ដែលជា​អតីត​អភិបាលក្រុង​ហុងកុង ។​

​បន្ទាប់ពី​ការ​ថ្លែង​របស់លោក​ស្រី​រួច លោកស្រី​ត្រូវបាន​ទះដៃ​អបអរសាទរ​យ៉ាង​ជ្រាលជ្រៅ​ពី​សំណាក់​ទស្សនិកជន​ជា​សាស្ត្រាចារ្យ និង និស្សិត​ជាង ១០០០ នាក់​មកពី​សាកលវិទ្យាល័យ Oxford ជាទី​ដែល​លោកស្រី​ធ្លាប់​សិក្សា​នយោបាយ ទស្សន​វិទ្យា និង សេដ្ឋសាស្ត្រ​នៅ​ពាក់កណ្តាល​ទសវត្សរ៍ ១៩៦០ ៕

ដំណឹងអន្តរជាតិផ្សេងទៀត

ស៊ីន​ហ្សូ អាបេ ជាប់ឆ្នោត​ជា​ថ្មី ជា​នាយករដ្ឋមន្ត្រី​ជប៉ុន (ថ្ងៃទី 25 ធ្នូ 2014)

អតីត​ប្រធានាធិបតី​អាមេរិក បន្ត​សម្រាក​ព្យាបាល​នៅ​មន្ទីរពេទ្យ​ (ថ្ងៃទី 25 ធ្នូ 2014)

​អាមេរិក​និយាយថា​រដ្ឋ​អ៊ីស្លាម​មិនបាន​បាញ់​ទម្លាក់​យន្តហោះ​ហ្ស៊​កដា​នី​នោះទេ (ថ្ងៃទី 25 ធ្នូ 2014)

ប្រេង​គឺជា​អាវុធ​ខ្លាំង​បំផុត​របស់​ពិភពលោក​, អាមេរិក​និង​អា​រ៉ា​ប៊ី​សា​អូឌីត​ស្ថិតនៅ​ពីក្រោយ​ការធ្លាក់ចុះ​តម្លៃ​ប្រេង ដែល​អាច​ផ្តួលរំលំ​របប​ដឹកនាំ​នៅ​រុស្ស៊ី និង​អ៊ីរ៉ង់​ (ថ្ងៃទី 24 ធ្នូ 2014)

មេ​សន្តិសុខ​ថៃ​មួយ​ប្រទេស​មក​ធ្វើ​ទស្សនកិច្ច​កម្ពុជា​ (ថ្ងៃទី 24 ធ្នូ 2014)

ម្តាយ​អង្វរ​ពួក ISIS ឲ្យ​ប្រគល់​កូនប្រុស​អាយុ ៣ ឆ្នាំ​មក​ខ្លួន​វិញ​ក្រោយ​ឃើញ​រូបថត​កូន​ខ្លួន​កាន់​កាំភ្លើង​អាកា ៤៧ (ថ្ងៃទី 24 ធ្នូ 2014)

បារាំង​ដាក់ពង្រាយ​ទាហាន​ក្រោយ​ការវាយប្រហារ​ជា​បន្តបន្ទាប់​ (ថ្ងៃទី 24 ធ្នូ 2014)

អ៊ី​ន​ធឺ​ណេ​ត​កូរ៉េខាងជើង​ដាច់​ជា​លើក​ទី​ពីរ​ក្រោយ​ដាច់​អស់ ៩ ម៉ោង​កាលពី​កាលពី​ថ្ងៃ​ចន្ទ​ (ថ្ងៃទី 24 ធ្នូ 2014)

ចិន​ស៊ើបអង្កេត​ជំនួយការ​ជាន់ខ្ពស់​របស់​អតីត​ប្រធានាធិបតី​ (ថ្ងៃទី 23 ធ្នូ 2014)

សេដ្ឋី​ហុងកុង​ជាប់គុក​៥​ឆ្នាំ​និង​រង​ការពិន័យប្រាក់​ចំពោះ​ការប្រព្រឹត្តិ​អំពើពុករលួយ​ (ថ្ងៃទី 23 ធ្នូ 2014)