អាប់​ភិស៊ី​តៈ​កុំ​បំភ័យ​តុលាការ​ | CEN: World News
Cen-logo

ដំណឹងក្នុងតំបន់

អាប់​ភិស៊ី​តៈ​កុំ​បំភ័យ​តុលាការ​

ថ្ងៃទី 8 មិថុនា 2012, 01:49:PM

Give our kids a better deal
​ប្រធាន​គណបក្សប្រឆាំង​ថៃ លោក​អាប់​ភិស៊ី​ត វេចា​ជីវ៉ា

 

​ប្រធាន​គណបក្ស​ប្រជាធិបតេយ្យ​ដែល​ជា​បក្សប្រឆាំង​ថៃ លោក​អាប់​ភិស៊ី​ត វេចា​ជីវ៉ា​បាន​និយាយ​កាលពី​ថ្ងៃ​ព្រហស្បតិ៍​ថា​មេដឹកនាំ​អាវ​​ក្រហម​ឈ្មោះ​វី​រ៉ា​កាន់ មូ​សិកកា​ពង់ មិន​គួរ​និយាយ​ជា​សាធារណៈ​ក្នុង​របៀប​ដែល​អាច​ត្រូវ​គេ​បកស្រាយ​ថា​ជា​ការព្យាយាម​បំភិតបំភ័យ​​តុលាការ​ធម្មនុញ្ញ​នោះទេ​។​

​វី​រ៉ា​កាន បាន​និយាយ​កាលពី​ថ្ងៃ​ពុធ​ថា​ប្រសិនបើ​ពង្រាង​ច្បាប់​វិសោធនកម្ម​ដែល​ត្រូវ​ពិភាក្សា​ក្នុង​សភា​ត្រូវបាន​រារាំង​អាច​មាន​សង្គ្រាម​ស៊ីវិល​​ដែល​អាច​នាំ​ដល់​អំពើហិង្សា​ជាង​ស្ថានភាព​ឆ្នាំ​២០១០​។​

​លោក​បាន​និយាយថា​ប្រសិន​បើ​រឿង​នេះ​កើតឡើង តុលាការ​ធម្មនុញ្ញ​នឹង​ត្រូវ​ប្រជាជន​មើលឃើញ​យ៉ាងច្បាស់​ថា​ជា​ការ​ខ្វះ​ភាពត្រឹមត្រូវ​តាម​ផ្លូវច្បាប់​។​តុលាការ​ធម្មនុញ្ញ​ដែល​បាន​បញ្ជា​អោយ​សភា​ផ្អាក​ការពិភាក្សា​របៀប​រាវៈ​ទី​៣​នៃ​ពង្រាងច្បាប់​នេះ បាន​សន្និដ្ឋាន​បែប​ស្រ​ម៉ៃ​ថា​ការធ្វើ​វិសោធនកម្ម​នេះ​មាន​បំណង​លុបចោល​​របបរាជានិយម​អាស្រ័យ​ធម្មនុញ្ញ ទោះជា​មាន​ការធានា​ជា​មុន​ថា​ការផ្លាស់ប្តូរ​នេះ​នឹង​មិន​ប៉ះពាល់​របប​រាជានិយ​មក្តី​។​

​តែ​លោក​អាប់​ភិស៊ី​ត ក្នុង​ការផ្តល់​សម្ភាសន៍​តាម​ទូរស័ព្ទ បាន​និយាយ​ថា​សម្តី​របស់​វី​រ៉ា​កាន់​អាច​ត្រូវបាន​គេ​មើលឃើញថា​ជា​ការព្យាយាម​បំ​​ភិត​បំភ័យ​តុលាការ ធ្វើ​ហាក់ដូចជា​ប្រទេស​នេះ​គ្មាន​នីតិរដ្ឋ​។​

​មេ​បក្ស​ប្រឆាំង​រូបនេះ​បាន​ចាប់អារម្មណ៍​ទៀត​ថា​បក្ស​ប្រជាធិបតេយ្យ​របស់​លោក​មិន​មើលឃើញ​បញ្ហា​ទេ​ក្នុង​អំឡុងពេល​ប្រជុំ​រួម​សភា​​និង​ព្រឹទ្ធសភា​នា​ថ្ងៃ​សុក្រ​នេះ ពីព្រោះ​បើ​ពង្រាង​ច្បាប់​ស្តីពី​វិសោធនកម្ម​រដ្ឋធម្មនុញ្ញ​ត្រូវបាន​សភា​អនុម័ត ប្រធាន​សភា​នឹង​ជួប​បញ្ហា​ក្នុង​​ការបញ្ជូន​វា​អោយ​ព្រះមហាក្សត្រ​ចុះហត្ថលេខា​យល់ព្រម​ដោយសារ​ថា​តុលាការ​បាន​បញ្ជា​អោយ​សភា​ពន្យារ​ការលើក​វា​មក​ពិភាក្សា​​និង​អនុម័ត​រួចហើយ​។​

​អាប់​ភិស៊ី​ត​បាន​និយាយទៀតថា​"​ខ្ញុំ​ដឹង​ថា​បុរស​នៅ​បរទេស​ជា​អ្នកបញ្ជា​អោយ​ជំរុញ​ការងារ​ពិភាក្សា​នេះ​។​ឥឡូវ​ចាំ​មើល​ថា​តើ​នាយក​រដ្ឋ​​មន្ត្រី ពួក​សមាជិក​សភា​បក្ស​ភឿ​ថៃ​និង​រដ្ឋាភិបាល​នឹង​ស្តាប់​បញ្ជា​ពី​មនុស្ស​តែ​ម្នាក់​នេះ​ដែរ​ឬទេ​"៕

ដំណឹងក្នុងតំបន់ផ្សេងទៀត

២២​នាក់​ស្លាប់​នៅក្នុង​ការវាយប្រហារ​នៅ​ផ្សារ​មួយ​នៅ​ចិន​ខាងលិច​ (ថ្ងៃទី 20 តុលា 2014)

ទេសចរ​បរទេស​២​នាក់​បាត់​ខ្លួន​បន្ទាប់​ពី​ទូក​ថៃ​លិច​ (ថ្ងៃទី 20 តុលា 2014)

មនុស្ស​១៦​នាក់​ស្លាប់​ក្នុងការ​រលំ​បាក់​ដំបូល​នៅ​កន្លែង​ប្រគំ​តន្ត្រី​នៅ​កូរ៉េខាងត្បូង​ (ថ្ងៃទី 18 តុលា 2014)

ចាប់ខ្លួន​នៅ​ពេល​អ្នក​តវ៉ា​ហុងកុង​ចាប់យក​ជំរំ​បាតុកម្ម​មកវិញ​ (ថ្ងៃទី 18 តុលា 2014)

ប៉ូលិស​ហុងកុង​សំរុកចូល​បោសសម្អាត​ទីតាំង​បាតុកម្ម​ (ថ្ងៃទី 17 តុលា 2014)

តាម​រក​អ្នក​ឡើង​ភ្នំ​១០០​នាក់​ដែល​បាត់​ខ្លួន​ក្រោយ​ព្យុះ​ពិឃាត​វាយប្រហារ​នេ​ប៉ាល់​ (ថ្ងៃទី 16 តុលា 2014)

ប៉ូលិស​ម៉ាឡេស៊ី​ចាប់​មនុស្ស​១៣​នាក់ ដោយសារ​ចូលរួម​ក្រុម​សកម្មប្រយុទ្ធ​រដ្ឋ​អ៊ីស្លាម​ (ថ្ងៃទី 16 តុលា 2014)

ព្យុះ​ព្រិល​និង​ការបាក់​ធ្លាក់​ផ្ទាំង​ទឹកកក​នៅនេ​ប៉ាល់ សម្លាប់​មនុស្ស​ជិត​៣០​នាក់​ (ថ្ងៃទី 16 តុលា 2014)

ស្ត្រី​ថៃ​ម្នាក់​ដុត​សម្លាប់​ខ្លួន​នៅ​មណ្ឌល​ផ្តល់​សេវាកម្ម​ជំនួយ​ (ថ្ងៃទី 16 តុលា 2014)

ថៃ​យល់ព្រម​ឲ្យមាន​ក្រុម​អ្នកសង្កេតការណ៍​បរទេ​ស​លើ​ករណី​សម្លាប់​អ្នកទេសចរ​អង់គ្លេស​២​នាក់​ (ថ្ងៃទី 15 តុលា 2014)