​អណ្តើក​ជំនាន់​មុន​ស៊ី​ក្រពើ​ជា​ចំណី​ | CEN: World News
Cen-logo

ប្លែកៗ

​អណ្តើក​ជំនាន់​មុន​ស៊ី​ក្រពើ​ជា​ចំណី​

ថ្ងៃទី 18 ឧសភា 2012, 06:19:PM

Give our kids a better deal
​អណ្តើក​ជំនាន់​មុន​ស៊ី​ក្រពើ​ជា​ចំណី​

Give our kids a better deal

 
​អណ្តើក​កាលពី​ជំនាន់​មុន​មាន​ទំហំ​ខ្លួន​ធំៗ​អាច​ខាំ​ស៊ី​ក្រពើ​ជា​អាហារ​បាន យោងតាម​ការស្រាវជ្រាវ​មួយ​ដែល​គេ​បាន​រកឃើញ​នៅ​កុ​ឡុ​ម​បៀ​។ អណ្តើក​ដែល​រស់​នៅលើ​ភពផែនដី​នេះ​កាលពី ៦០​លាន​ឆ្នាំមុន​មាន​ទំហំ​ខ្លួន​ប៉ុន​ឡានតូច​មួយ​ប្រហែលជា​ប៉ុន​ឡាន​អណ្តើក​ធ្វើ​នៅ​អាល្លឺម៉ង់​។​

​    ​សំណាក​ហ្វូ​ស៊ី​ល​ដែល​ត្រូវបាន​គេ​រកឃើញ​ក្នុង​អណ្តូងរ៉ែ​មួយនា​ភាគ​ខាងជើង​ប្រទេស​កូ​ឡុ​ម​បៀ​កាលពី​ឆ្នាំ ២០០៥ ត្រូវបាន​គេ​ឲ្យ​ឈ្មោះថា "Carbonemys Cofrinii" ប្រែ​មក​ថា "​អណ្តើក​ធ្យូង​" មាន​ក្បាល​ប៉ុន​បាល់ និង​មាន​ស្នូក​ប្រវែង​មួយ​ម៉ែត្រ​ហុកសិប​ប្រាំ​សង្ទីម៉ែត្រ​។​

​    ​ក្នុង​គ្រា​ដំបូង​ពួក​អ្នក​ជីក​រ៉ែ​បាន​រកឃើញ​អណ្តើក​ទំហំ​តូចៗ​ទេ ប៉ុន្តែ​បន្ទាប់ពី​ចំណាយពេល​ប្រហែល​បួន​ថ្ងៃ​ក្រោយមកទៀត​ទើប​គេ​បាន​រកឃើញ​អណ្តើក​ធំ​នេះ​។ តាមរយៈ​ហ្វូ​ស៊ី​ល​គេ​អាច​សន្ម​ត​ថា អណ្តើក​ទឹកសាប​ពិតជា​មាន​ទំហំ​ពិតប្រាកដ​មែន​ជាពិសេស​គឺ​នៅក្នុង​តំបន់​នេះ​។​

​    ​នៅក្នុង​យុគ​នៃ​ដាយ​ណូ​ស័​រ​មាន​ពពួក​អណ្តើក​ជាច្រើន​ប្រភេទ​រស់នៅ​លាយឡំ​ជាមួយ​ដាយ​ណូ​ស័​រដែរ ប៉ុន្តែ​មាន​ទំហំ​ខ្លួន​តូច​ជាង តែ​ក្រោយពី​សត្វ​ដាយ​ណូ​ស័​រ​ស្លាប់​រលត់​ផុត​ពូជ​ទៅធ្វើ​ឲ្យ​អណ្តើក​អាច​រស់​ធំធាត់​បានយូរ ព្រោះ​គ្មាន​សត្រូវ​បៀតបៀន​វា ទី​សម្រាប់​វា​រស់នៅ​ធំ​ទូលាយ មាន​ចំណី​គ្រប់គ្រាន់​សម្រាប់​ឲ្យ​វា​ស៊ី ជាពិសេស​គឺ​ការផ្លាស់ប្តូរ​នៃ​អាកាសធាតុ​។​
​    ​ក្រអូមមាត់​របស់​អណ្តើក​នេះ​មាន​កម្លាំង​ខាំ​ខ្លាំង​អាច​ឲ្យ​វា​ខាំ​ស៊ី​សត្វ​អ្វី​ក៏បាន​សូម្បី​ក្រពើ​ក៏​វា​អាច​ស៊ី​បានដែរ​។ រហូតមកទល់​ពេលនេះ​មានតែ​ហ្វូ​ស៊ី​ល​អណ្តើក​នេះ​តែមួយ​ប៉ុណ្ណោះ​ត្រូវបាន​រកឃើញ​។ តាមរយៈ​ការរកឃើញ​នោះ​ធ្វើ​ឲ្យ​គេ​អាច​សន្និដ្ឋានថា អណ្តើក​នេះ​តែមួយ​អាច​រស់នៅក្នុង​បឹង​មួយ​នេះ (​ជា​បឹង​មួយ​ដែល​លុប​បាត់​ច្រើន​លាន​ឆ្នាំ​មកហើយ​) វា​អាច​ខាំ​ស៊ី​សត្វ​ផ្សេងៗ​ទៀត​ក្នុង​បឹង​នេះ​ដើម្បី​រក្សា​ជីវិត​វា​ឲ្យ​គង់​វង់​។ ព្រោះ​នៅ​កន្លែង​ដែល​គេ​ជីក​រកឃើញ​ហ្វូ​ស៊ី​ល​អណ្តើក​យក្ស​នេះ គេ​បានឃើញ​សត្វ​ក្រពើ​និង​សត្វ​ផ្សេងទៀត​មាន​ស្នាម​ខាំត្របាក់​ស្ថិតនៅ​ក្បែរ​កន្លែង​ហ្វូ​ស៊ី​ល​អណ្តើក​នោះ​។​

​    ​ហ្វូ​ស៊ី​ល​អណ្តើក​នេះ​ត្រូវបាន​គេ​រកឃើញ​ច្រើន​ឆ្នាំ​មកហើយ ប៉ុន្តែ​ទើបត្រូវ​បាន​គេ​យកមក​ចុះផ្សាយ​នៅក្នុង Website មួយ​នាពេល​ថ្មីៗ​នេះ​ប៉ុណ្ណោះ​៕

ប្លែកៗផ្សេងទៀត

គោមួយ​ក្បាល លក់បាន​ថ្លៃ​បំផុត​នៅលើ​ពិភពលោក គឺ​តម្លៃ​១.៩៨ លាន​ដុល្លារ ក្នុង​ការលក់​ដេញថ្លៃ​នៅ​ឥណ្ឌា​ (ថ្ងៃទី 20 ធ្នូ 2014)

ដើរ​ចម្ងាយ​ជាង​៤៥​គីឡូម៉ែត្រ​ដោយ​បាល់​នៅលើ​ក្បាល​ (ថ្ងៃទី 19 ធ្នូ 2014)

ពួក​ទេសចរ​អាច​ថតរូប​ជាមួយ​សត្វ​តោ​នៅ​ក្នុង​ទ្រុង​នៅ​សួនសត្វ​នៅ​អា​ហ្សង់​ទីន (ថ្ងៃទី 18 ធ្នូ 2014)

ដំរី​ឬក៏​សត្វ​កវែង​? (ថ្ងៃទី 17 ធ្នូ 2014)

យាយ​អាយុ​៨១​ឆ្នាំ លោត​ឆត្រយោង ធ្វើឲ្យ​គាត់​ល្បី​ពេញ​អ៊ីនធឺណែ​ត (ថ្ងៃទី 16 ធ្នូ 2014)

ក្មេង​ជំទង់​ចិន​ដែល​ទទួលទោស​ប្រហារជីវិត​ពីបទ​មនុស្សឃាត​កាលពី ១៨ ឆ្នាំមុន​ត្រូវ​តុលាការ​ប្រកាសថា​គ្មាន​ទោសកំហុស​ទេ​ (ថ្ងៃទី 16 ធ្នូ 2014)

ចិន​ប្រើ​លុយ​ចាស់ៗ​សំរាប់​ដុត​ផលិត​ចរន្តអគ្គិសនី​ (ថ្ងៃទី 13 ធ្នូ 2014)

ជួប​ជាមួយ​ឆ្មា​មួយ​ក្បាល​ដែល​កំពុង​ល្បីឈ្មោះ​ដោយសារ​មានមុខ​ដូច​លោក​ចូសេប ស្តា​លីន (ថ្ងៃទី 10 ធ្នូ 2014)

គូស្នេហ៍​អាយុ​ខុសគ្នា ៣២ ឆ្នាំ​ប្រារព្ធ​ខួបអាពាហ៍ពិពាហ៍​គំរប់ ១៨ ឆ្នាំ (ថ្ងៃទី 10 ធ្នូ 2014)

ចែក​ស្រា​បៀរ​ឲ្យ​ផឹក​ទទេរៗ​នៅក្នុង​ពិធីបុណ្យ​មួយ​នៅ​វៀតណាម​ (ថ្ងៃទី 8 ធ្នូ 2014)