​​ប​ង្ខំអោយ​ពន្លូតកូនអាយុ៧ខែ​ចេញ​ដោយសារ​គ្មានលុយបង់​ប្រាក់​ពិន័យ​ | CEN: World News
Cen-logo

ប្លែកៗ

​​ប​ង្ខំអោយ​ពន្លូតកូនអាយុ៧ខែ​ចេញ​ដោយសារ​គ្មានលុយបង់​ប្រាក់​ពិន័យ​

ថ្ងៃទី 18 មិថុនា 2012, 11:14:PM

Give our kids a better deal
​នាង ហ្វេ​ង ជាន​ម៉ី កំពុង​សម្រាក​ព្យាបាល​នៅ​មន្ទី​ពេទ្យ​មួយ​ក្នុង​ទីក្រុង​Ankang ប្រទេស​ចិននិង​​ទារក​ដែល​បាន​ស្លាប់​នេះ​

 

​នាង ហ្វេ​ង ជាន​ម៉ី  ស្ត្រី​ចិន​វ័យក្មេង​មាន​ផ្ទៃពោះកូន៧ខែ ត្រូវបាន​បង្ខំ​អោយ​ពន្លូតកូន​របស់​នាង​ចេញ បន្ទាប់​ពី​មិន​អាច​បង់ប្រាក់​ពិន័យ​​ចំនួន​៤០.០០០ យ័ន (៦.២៧៦ដុល្លារ) ចំពោះ​ការរំលោភ​បំពាន​លើ​“​គោលនយោបាយមាន​កូនតែ​មួយ​”​របស់​ចិន​។​

​ក្រុម​សិទ្ធិ​មនុស្ស​បាន​និយាយថា នាង​ត្រូវបាន​បង្ខំ​អោយ​ពន្លូតកូន​ចេញ​នៅ​ពេល​ដែល​នាង​មិន​អាច​បង់ប្រាក់​ពិន័យ​ដើម្បី​​មាន​កូន​ទី​២​របស់​នាង​។​

​ក្រុមមន្ត្រី​ផែ្ន​ក​ពន្យារកំណើត​កូន​របស់​ចិន​បាន​រង់ចាំ​រហូតដល់​នាង  ហ្វេ​ង ជាន​ម៉េ បាន​ស្ថិតនៅ​ម្នាក់​ឯង​ហើយ​ប្តី​របស់​នាង​បាន​ចេញទៅ​កន្លែងធ្វើការ​។ បន្ទាប់មក​ពួកគេ​បាន​វាយតប់​នាង​និងទាញ​នាង​ចូលទៅ​ក្នុង​រថយន្ត​មួយ ហើយ​ដឹក​នាង​ទៅកាន់​មន្ទីរពេទ្យ​មួយ បន្ទាប់មក​នាង​ត្រូវបាន​បង្ខំ​អោយ​ចុះហត្ថលេខា​លើក​ឯកសារ​ស្តីពី​ការ​ពន្លូតកូន​។​

​បន្ទាប់មកទៀត ក្រុមមន្ត្រី​នេះ​បាន​អោយ​វេជ្ជបណ្ឌិត​ចាក់​ថ្នាំពុល​ម្យ៉ាងចូលទៅ​ខួរក្បាល​របស់​ទារក​មិន​ទាន់​កើត​នោះ​ដែល​នៅ​ទី​បំផុត​ថ្នាំ​នេះ​បាន​បណ្តាលអោយ​ទារក​នេះ​ស្លាប់​។​

​នាង ហ្វេ​ង ជាន​ម៉ី បាន​និយាយ​រៀបរាប់ថា“ ខ្ញុំ​មាន​អារម្មណ៍​ថា​កូន​នេះ​បាន​រើ​កម្រើកខ្លួន​នៅក្នុង​ខ្លួន​របស់​ខ្ញុំ​គ្រប់​ពេលវេលា​”​។​

​ប្តី​របស់​នាង​បានបញ្ជាក់​ថា​“ ពួកគេ​បាន​គ្រប​ក្បាល​របស់​នាង​ជាមួយនឹង​ស្រោមខ្នើយ​។ នាង​មិន​អាច​ធ្វើ​អ្វី​បាន​នោះទេ ពីព្រោះ​ពួកគេ​បាន​ចាប់​នាង​កុំអោយ​រើ​”​។​

​នាង ហ្វេ​ង ជាន​ម៉ី បាន​កើត​កូន​ដែល​ស្លាប់​នោះ​នៅ​ថ្ងៃ​បន្ទាប់​មក​នោះ​។ ពួកគេ​បាន​ដាក់​ទារក​ដែល​បាន​ស្លាប់​នេះ​នៅក្បែរ​នាង​នៅ​លើ​គ្រែ​ពេទ្យ​។​

​ក្រុម​សិទ្ធិ​មនុស្ស​បាន​និយាយថា​គោលនយោបាយ​កូន​មួយ​”​របស់​ចិន​នេះ​មានន័យ​ថា​ស្ត្រី​ចិន​ទាំងឡាយ​កំពុង​ត្រូវបាន​បង្ខិតបង្ខំ​អោយ​ពន្លូតកូន​ចេញ​​ប៉ុ​នែ្ត រដ្ឋាភិបាល​ក្រុង​ប៉េកាំង​បដិសេធ​ការចោទប្រកាន់​បែប​នេះ​។​

​អង្គការ​សិទ្ធិ​ស្រី​ឈ្មោះ​“Women’s Rights Without Frontiers” កំពុង​អំពាវនាវ​ដល់​រដ្ឋាភិបាល​អាមេរិក​និង​ក្រុម​មេដឹកនាំ​ពិភពលោក​​អោយ​ថ្កោលទោស​ចំពោះ​ការ​ពន្លូតកូន​ដោយ​បង្ខំ​នេះ​៕

ប្លែកៗផ្សេងទៀត

អ្នក​ផ្សងព្រេង​ម្នាក់​ទីបំផុត​បញ្ចប់​ការធ្វើដំណើរ​តាមផ្លូវ​រយៈពេល ២៤ ឆ្នាំ បន្ទាប់ពី​បើកបរ​ឆ្លងកាត់ ២១៥ ប្រទេស​ក្នុង​រថយន្ត​ប្រភេទ Mercedes តែមួយ (ថ្ងៃទី 23 តុលា 2014)

អ្នកសុំទាន​កាប់​ផ្តាច់​ក្រចកជើង​អូដ្ឋ​ដើម្បី​ជួយ​សុំ​លុយ​អោយ​ពួកគេ​ (ថ្ងៃទី 22 តុលា 2014)

ថៅកែ​​ត្បូង​ពេជ្រ​ឥណ្ឌា​ចែក រថយន្ត ផ្ទះ និង អលង្ការ ជា​អំណោយ​ដល់​និយោជិត​ (ថ្ងៃទី 21 តុលា 2014)

ខ្សែ​សម្រាប់​បណ្តើរ​សត្វ​ចិញ្ចឹម​ដែលមាន​បំពាក់​ឆ័​ត្រ​ការពារ​ទឹកភ្លៀង​ចាប់ផ្តើម​លក់​លើ​ទីផ្សារ​ហើយ​ (ថ្ងៃទី 21 តុលា 2014)

គោមួយ​ក្បាល គេ​ហ៊ាន​ឲ្យ តម្លៃ​១,២​លាន​ដុល្លា​រ (ថ្ងៃទី 21 តុលា 2014)

ដំរី​អាច​ដឹង​ជា​មុន​អំពី​ដំណើរ​ព្យុះ​ភ្លៀង​នៅ​ចម្ងាយ​ប្រហែល​២៥០​គីឡូម៉ែត្រ​ពី​វា​ (ថ្ងៃទី 18 តុលា 2014)

ចំណាយ​២​សែន​ដុល្លា បំពាក់​ម៉ាស៊ីន​យន្តហោះ​ឲ្យ​កូន​ឡាន​ (ថ្ងៃទី 18 តុលា 2014)

ការផ្សាយពាណិជ្ជកម្ម​ដែល​បង្ហាញ​ដើមទ្រូង​ស្ត្រី​អាក្រាត បង្ក​គ្រោះថ្នាក់​ចរាចរណ៍​ជាង​៥០០​ករណី​ក្នុង​១​ថ្ងៃ​នៅ​ទីក្រុង​មូ​ស្គូ​ (ថ្ងៃទី 16 តុលា 2014)

​ជំនឿ​នៃ​របាំ​ស្លៀក​ស្លឹកចេក​ក្រៀម ​របស់​ជនជាតិដើម​ បាលី​អា​ហ្គា​ (ថ្ងៃទី 16 តុលា 2014)

ជឿ​ទេ​បុរស​ម្នាក់​រួមភេទ​ជាមួយ​រថយន្ត​ជាង​៧០០​គ្រឿង​ (ថ្ងៃទី 15 តុលា 2014)