កូនស្រី​របស់​អតីត​មេដឹកនាំ​ផ្តាច់ការ​កូរ៉េខាងត្បូង​ខំប្រឹងប្រែង​តស៊ូ​ដើម្បី​តំណែង​ប្រធានាធិបតី​ | CEN: World News
Cen-logo

ដំណឹងក្នុងតំបន់

កូនស្រី​របស់​អតីត​មេដឹកនាំ​ផ្តាច់ការ​កូរ៉េខាងត្បូង​ខំប្រឹងប្រែង​តស៊ូ​ដើម្បី​តំណែង​ប្រធានាធិបតី​

ថ្ងៃទី 11 កក្កដា 2012, 04:32:PM

Give our kids a better deal
​លោកស្រី ប៉ាក ហ្គឹន-ហ៊ី កូនស្រី​របស់ លោក ប៉ាក ឈុ​ង ហ៊ី អតីត​ប្រធានាធិបតី​កូរ៉េខាងត្បូង

 
​លោកស្រី ប៉ាក ហ្គឹន-ហ៊ី កូនស្រី​របស់ លោក ប៉ាក ជុ​ង ហ៊ី អតីត​មេដឹកនាំ​ផ្តាច់ការ​កូរ៉េខាងត្បូង  បាន​ខំ​ប្រឹងប្រែង​តស៊ូ​ដើម្បី​ក្លាយ​ជា​ប្រធានាធិបតី​ជា​ស្ត្រី​លើក​ទី​មួយ​របស់​ប្រទេស​នេះ​។​

​លោកស្រី ប៉ាក ហ្គឹន-ហ៊ី អាយុ​៦០​ឆ្នាំ​រូប​នេះ ដែល​មកពី​គណបក្ស​អភិរក្ស​“ Saenuri ” ដែល​កំពុងកាន់​អំណាច​នេះ សន្យាថា “ លោកស្រី​នឹង​ធ្វើអោយ​មាន​ប្រទេស​មួយ​ដែល​មិន​មាន​នរណា​ម្នាក់​ត្រូវបាន​គេ​បំភ្លេច​ចោល​នោះ​ទេ​”​។​

​ឪពុក​របស់​លោកស្រី បាន​គ្រប់គ្រង​ប្រទេស​កូរ៉េខាងត្បូង​ពី​ឆ្នាំ​១៩៦១​ដល់​ឆ្នាំ​១៩៧៩​រហូត​ដល់​លោក​ត្រូវបាន​ធ្វើ​ឃាត​ដោយ​ប្រធាន​ចារកម្ម​ផ្ទាល់​​របស់លោក​។​

​លោក លី មី​យ៉ុង បាក់ ប្រធានាធិបតី​កូរ៉េខាងត្បូងបច្ចុប្បន្ន នឹង​ចុះ​ចេញពី​មុខតំណែង​នៅ​ឆ្នាំក្រោយ​បន្ទាប់​ពី​អាណត្តិ​គ្រប់គ្រង​​អំណាច​របស់​លោក​ត្រូវបាន​កំណត់​ដោយ​ច្បាប់​តែ​មួយ​អាណត្តិ​ប៉ុណ្ណោះ​។​

​លោកស្រី ប៉ាក ហ្គឹន-ហ៊ី បាន​និយាយ​ទៅកាន់​ក្រុម​អ្នកគាំទ្រ​នៅ​កន្លែង​ជួបជុំគ្នា​មួយ​នៅ​ទីក្រុង​សេ​អ៊ូ​ល ថា “ ប្រជាជន​និយាយថា​ប្រទេស​នេះ​និង​សេដ្ឋកិច្ច​របស់​ប្រទេស​នេះ​មាន​ការរីកចំរើន ប៉ុន្តែ ជីវិត​រស់នៅ​របស់​ពួកគេ​មិន​បាន​ល្អប្រសើរ​ជាង​មុន​នោះទេ ហើយ​សេក្តីសុខ​សប្បាយ​​របស់​ពួកគេ​មិន​មាន​ភាព​ល្អ​ប្រសើរ​ឡើយ​។ ការផ្លាស់ប្តូរ​ដែល​អ្នក​ទាំងអស់គ្នា​បាន​កំពុង​រង់ចាំ​នោះ ខ្ញុំ​នឹង​ធ្វើ​វា​អោយ​ក្លាយជា​ការពិត​”​។​

​លោកស្រី​បាន​សន្យា​ធ្វើអោយ​គោលនយោបាយ​សុខុមាល​ភាពនិសន្តិសុខ​សង្គម​មាន​ភាពល្អប្រសើ​រឡើង​បន្ថែមទៀត ហើយ​ធ្វើ​​អោយមាន​ទំនាក់ទំនង​ជាមួយ​ប្រទេស​កូរ៉េខាងជើង បើសិន​ប្រទេស​នេះ​បោះបង់​ចោល​កម្មវិធី​នុយក្លេអ៊ែរ​របស់ខ្លួន​នោះ​។​

​តាម​ការស្ទង់មតិ​មួយ​បង្ហាញថា ឥឡូវនេះ លោកស្រី​ទទួលបាន​ការគាំទ្រ​ជា​ច្រើន ហើយ​រំពឹង​ថា​លោក​ស្រី​នឹង​ទទួលបាន​ការគាំទ្រ​ដ៏​ច្រើន​ពី​គណបក្ស​របស់​លោកស្រី​។ លោកស្រី​បាន​ស្វែករក​ការ​ឈរឈ្មោះ​ជា​បេក្ខជន​ប្រធានាធិបតី​កាលពី​ឆ្នាំ​២០០៧ ប៉ុន្តែ គណបក្ស​របស់​លោក​​ស្រី​បាន​ជ្រើសរើស​លោក លី មី​យ៉ុង បាក់ ជា​បេក្ខជន​ប្រធានាធិបតី​៕

ដំណឹងក្នុងតំបន់ផ្សេងទៀត

ក្រុម​ពុទ្ធសាសនា​ពីរ​នៅ​មី​យ៉ាន់​ម៉ា និង​ស្រីលង្ការ​រួម​កម្លាំង​គ្នា​ការពារ​ពុទ្ធសាសនិក​ (ថ្ងៃទី 30 កញ្ញា 2014)

អំពាវនាវ​អោយ​លាឈប់​ចំពេល​មាន​ភាព​ប្រទាញប្រទង់​ (ថ្ងៃទី 30 កញ្ញា 2014)

វៀតណាម​កាត់ទោស​ដាក់​គុក​អ្នក​តវ៉ា​១៥​នាក់ (ថ្ងៃទី 30 កញ្ញា 2014)

នាយករដ្ឋមន្ត្រី​ថៃលោក ប្រា​យុទ្ធ ងាក​ទៅ​រដ្ឋាភិបាល​ស៊ីវិល ខណៈ​ដែល​កងទ័ព​នៅ​ក្តាប់​អំណាច​ (ថ្ងៃទី 29 កញ្ញា 2014)

យ៉ាងហោចណាស់​៤០​នាក់​ត្រូវបាន​ចាប់ខ្លួន​នៅ​ក្នុង​ការប៉ះទង្គិច​នៅ​ហ្គូ​ចា​រ៉ា​ត​ (ថ្ងៃទី 29 កញ្ញា 2014)

ថៃ​រឹតបន្តឹង​សន្តិសុខ​សម្រាប់​ភ្ញៀវ​ទេសចរ​និង ស្ថានទូត​ (ថ្ងៃទី 29 កញ្ញា 2014)

ប្រធានាធិបតី​តៃវ៉ាន់​និយាយថា តៃវ៉ាន់​តាមដាន​សភាព​ការណ៍​នៅ​ហុងកុង​យ៉ាង​ដិតដល់​ (ថ្ងៃទី 29 កញ្ញា 2014)

រកឃើញ​សាកសព​មនុស្ស​៣១​នាក់​ក្រោយ​ការផ្ទុះ​ភ្នំ​ភ្លើ​នៅ​ជប៉ុន (ថ្ងៃទី 28 កញ្ញា 2014)

ភ្នំភ្លើង​ផ្ទុះ​នៅ​ជប៉ុន របួស​អ្នកដើរ​ភ្នំ​៨​នាក់ និង​ជើងហោះហើរ​ត្រូវ​ហោះ​បង្វែរ​ទិស​ (ថ្ងៃទី 27 កញ្ញា 2014)

អ្នក​តវ៉ា​គាំទ្រ​លទ្ធិប្រជាធិបតេយ្យ​ហុងកុង សម្រុកចូល​ការិយាល័យ​រដ្ឋាភិបាល​ (ថ្ងៃទី 27 កញ្ញា 2014)