ជន​ប្រឆាំង​ចិន​បាន​ទៅ​ដល់​អាមេរិក​ | CEN: World News
Cen-logo

ដំណឹងអន្តរជាតិ

ជន​ប្រឆាំង​ចិន​បាន​ទៅ​ដល់​អាមេរិក​

ថ្ងៃទី 20 ឧសភា 2012, 06:19:PM

Give our kids a better deal
​ឆេន​បាន​ទៅ​ដល់​អាមេរិក​កាលពី​ថ្ងៃ​សៅរិ៍​

 

​សកម្មជន​ងងឹតភ្នែក​ចិន លោក​ឆេន ហ្កាង​ចេង បានចាប់ផ្តើម​ជីវិត​ថ្មី​មួយ​នៅ​អាមេរិក​កាល​ពី​ថ្ងៃ​សៅរិ៍ បន្ទាប់ពី​លោក​និង​ប្រពន្ធ​រួម​ទាំង​កូន​អាយុ​៨​ឆ្នាំ​បាន​ទៅ​ដល់​អាកាសយានដ្ឋាន​អន្តរជាតិ​Newark Liberty International Airport នៅ​ក្រៅ​ក្រុង​ញូវយ៉ក តាម​យន្តហោះ​អាមេរិក​ក្នុង​ដំណើរ​ចេញពី​ក្រុង​ប៉េកាំង​។​

​គ្រួសារ​នេះ​ត្រូវ​គេ​រំពឹងថា​នឹង​ធ្វើ​សេចក្តីថ្លែងការណ៍​មួយ​នៅ​ញូវយ៉ក​មុន​ចំណាយ​យប់​ដំបូង​របស់​គេ​នៅលើ​ទឹកដី​អាមេរិក​នៅ​ក្នុង​ផ្ទះល្វែង​មួយ​នៅ​សង្កាត់​​ម៉ាន់​ហាត​ថា​ន់​។​

​ឆេន បាន​គេច​ចេញពី​ភូមិ​របស់​លោក​កាលពី​ខែ​មេសា​បន្ទាប់ពី​ស្ថិត​ក្នុង​គុក​និង​ការ​បង្ខាំង​ក្នុង​ផ្ទះ​អស់​ជាង​៧​ឆ្នាំ និង​នៅ​ទីបំផុត​បាន​ចូល​ជ្រកកោន​ក្នុង​ស្ថានទូត​អាមេរិក​នៅ​ក្រុង​ប៉េកាំង​។​

​ការ​ទៅ​ដល់​ស្ថានទូត​អាមេរិក​របស់​លោក​បាន​បង្កជម្លោះ​ការទូត​អន្តរជាតិ​មួយ​ដែល​គំរាម​ធ្វើអោយ​ខូច​ទំនាក់ទំនង​ចិន​-​អាមេរិក​និង​ពួក​មន្ត្រី​បាន​រួសរាន់​​បង្កើត​កិច្ចព្រមព្រៀង​មួយ​ដើម្បី​នាំ​ឆេន​ចេញពី​ប្រទេស ជា​ការព្រមព្រៀង​ដែល​ទំនង​ជា​ពេញចិត្ត​ទាំងសងខាង​។​

​ក្រោយ​ស្ថិតនៅក្នុង​មន្ទីរពេទ្យ​អស់​ពេល​ជាង​២​សប្តាហ៍​នៅ​ក្រុង​ប៉េកាំង​ជាមួយនឹង​អនាគត​មិន​ប្រាកដប្រជា ឆេន​ត្រូវបាន​គេ​ជូនដំណឹង​ភ្លាមៗ​កាលពី​ថ្ងៃ​​សោរិ៍​ថា​អោយ​រៀបចំ​អី​វ៉ាន់និ​ង​ត្រៀម​ចាកចេញ​។​

​លោក​បាន​ប្រាប់​ទីភ្នាក់ងារ​សារព័ត៌មាន​អាអេ​ហ្វ​ប៉េតា​ម​ទូរស័ព្ទថា​"​ខ្ញុំ​នៅ​អាកាសយានដ្ឋាន​។​ខ្ញុំ​អត់​មាន​លិខិតឆ្លងដែន​និង​មិន​ដឹង​ថា​តើ​ពេល​ណា​នឹង​ចាក​​ចេញ​"​។​

​តែ​ក្នុងពេល​នៅ​អាកាសយានដ្ឋាន ឆេន​បាន​ប្រាប់​មិត្ត​ម្នាក់​ថា​លោក​និង​សមាជិក​គ្រួសារ​បាន​ទទួល​លិខិត​ឆ្លងដែន​ហើយ​។​

​ជា​សកម្មជន​ល្បីល្បាញ​បំផុត​ម្នាក់​របស់​ចិន ឆេន​បានទទួល​ការ​សរសើរ​ចំពោះ​ការស៊ើបអង្កេត​ការចាក់​ថ្នាំ​មិនអោយ​មាន​កូន​ទាំង​បង្ខំ​និង​ការ​រំលូត​កូន​​ក្រោម​គោលនយោបាយ​កូន​មួយ​របស់​ចិន​។​

​ក្នុងពេល​ជាមួយគ្នា​ពួក​អ្នកនយោបាយ​អាមេរិក​បាន​ស្វាគមន៍​ការមកដល់​របស់​ឆេន​តែ​ក៏​បាន​សម្តែង​ការព្រួយបារម្ភ​អំពី​គ្រួសារ​លោក​និង​អ្នកប្រឆាំង​ដទៃ​ទៀត​ដែល​ស្ថិតនៅក្រោម​ការជិះជាន់រ​បស់​ចិន​នៅឡើយ​៕

ដំណឹងអន្តរជាតិផ្សេងទៀត

​ជិត ១០០​នាក់​ស្លាប់ និង​របួស ក្នុងការ​វាយប្រហារ​ដោយ​គ្រាប់បែក នៅ​អាហ្គានីស្ថាន​ (ថ្ងៃទី 23 មិថុនា 2017)

​អតីតមន្ត្រី​ការទូត​អាមេរិក ប្រឈម​ទោស​អស់​មួយជីវិត ពីបទ​ផ្តល់​ឯកសារ សម្ងាត់​ដល់​ចិន​ (ថ្ងៃទី 23 មិថុនា 2017)

​ពិតជា​មិនធម្មតា​មែន​! អ្នកបាញ់​ស៊ី​បម្នាក់ បាញ់សំលាប់​ពួក IS ពី​ចំងាយ ជាង ៣ គីឡូម៉ែត្រ​ (ថ្ងៃទី 23 មិថុនា 2017)

​កូរ៉េខាងជើង សាកល្បង​ម៉ាស៊ីន បាញ់​គ្រាប់​រ៉ុក្កែត សម្រាប់​ការបាញ់​មី​ស៊ី​ល​ឆ្លង​ទ្វីប​ (ថ្ងៃទី 23 មិថុនា 2017)

យន្តហោះ​ប្រតិ​កម្មណា​តូ ហោះ​មក​កៀក​យន្តហោះ​រដ្ឋមន្ត្រីការបរទេស​រុស្សី តែ​ត្រូវ​ដេញ​ឲ្យ​ហោះ​ត្រឡប់​ទៅវិញ​ (ថ្ងៃទី 22 មិថុនា 2017)

​អ្នកទោស ៦​នាក់ នឹងត្រូវ​ប​ន្ឋូ​រ​បន្ថយទោស ដោយសារ​បាន​ជួយ ជីវិត​មន្ត្រី​ពន្ធនាគារ​ (ថ្ងៃទី 22 មិថុនា 2017)

ស្តេច​ថៃ ត្រូវ​ក្មេងប្រុស​ពីរ​នាក់ បាញ់​ដោយ​កាំភ្លើង​ខ្យល់​ (ថ្ងៃទី 22 មិថុនា 2017)

​ឥឡូវ អាមេរិក បាញ់​ទំលាក់​ដ្រូ​ន​ស៊ី​រី មួយទៀត​ (ថ្ងៃទី 21 មិថុនា 2017)

​មនុស្ស​២២​នាក់ ត្រូវបាន​រន្ទះបាញ់​ស្លាប់ នៅ​បង់​ក្លា​ដែ​ស​ (ថ្ងៃទី 21 មិថុនា 2017)

​ដូ​ណា​ល់ ត្រាំ ហៅ​កូរ៉េខាងជើង ថា​ជា​របប​តិ​រ​ច្ឆា​ន ក្រោយពេល​និស្សិត​អាមេរិក​ម្នាក់ ស្លាប់​ពេល​បញ្ជូន​ពី​កូរ៉េខាងជើង មក​អាមេរិក​ (ថ្ងៃទី 21 មិថុនា 2017)