ធនាគារពិភពលោក​និយាយថា​ប្រទេស​កំពុងអភិវឌ្ឍន៍​ត្រូវតែមាន​ខឿន​ការពារ​ឲ្យ​ធំ​ជាង​មុន | CEN: World News
Cen-logo

ដំណឹងអន្តរជាតិ

ធនាគារពិភពលោក​និយាយថា​ប្រទេស​កំពុងអភិវឌ្ឍន៍​ត្រូវតែមាន​ខឿន​ការពារ​ឲ្យ​ធំ​ជាង​មុន

ថ្ងៃទី 13 មិថុនា 2012, 09:36:AM

Give our kids a better deal
ធនាគារពិភពលោក​ប្រាប់​ឲ្យ​ប្រទេស​កំពុងអភិវឌ្ឍន៍​ត្រៀម​វិធានការ​ការពារ​វិបត្តិ​ហិរញ្ញវត្ថុ

 
​ធនាគារពិភពលោក​កាលពី​ថ្ងៃ​អង្គារ​ទី ១២ មិថុនា ២០១២ បាន​ជម្រុញ​ឲ្យ​បណ្តា​ប្រទេស​កំពុងអភិវឌ្ឍន៍​ឲ្យ​ពង្រឹង​ខឿន​ការពារ​របស់​ពួកគេ​ទប់ទល់​នឹង​ព្យុះ​វិបត្តិ​ហិរញ្ញវត្ថុ​ដែល​កើតចេញពី​ក្រុម​ប្រទេស​មាន​ចំណូល​ខ្ពស់​ជាច្រើន ជាពិសេស​នៅក្នុង​តំបន់​អឺរ៉ុប ។​

​ស្ថាប័ន​ផ្តល់​ប្រាក់កំចី​អភិវឌ្ឍន៍​មួយ​នេះ​បាន​និយាយថា បណ្តា​ប្រទេស​កំពុងអភិវឌ្ឍន៍​មាន​វិធានការ​ក្នុងការ​ទប់ទល់​នឹង​ផលប៉ះពាល់​ចំពោះ​សេដ្ឋកិច្ច​របស់​ពួកគេ​តិចតួច​ជាង​វិធាន​ការដែល​ពួកគេ​មាន​ក្នុង​ឆ្នាំ ២០០៧ មុនពេល​វិបត្តិ​ហិរញ្ញវត្ថុ​សកលលោក​បាន​រាលដាល និង ចាំបាច់​ត្រូវតែ​ត្រៀមខ្លួន​សម្រាប់​ចលាចល​ដែល​អូសបន្លាយ​យូរអង្វែង ។​

​លោក ហាន​ស៍ ធី​ម​មឺ ប្រធាន​ផ្នែក​ព្យាករណ៍​ពី​ការអភិវឌ្ឍន៍​នៅ​ធនាគារពិភពលោក​បាន​និយាយថា "​វិបត្តិ​ហិរញ្ញវត្ថុ​ធ្ងន់ធ្ងរ​មួយ​ផ្សេងទៀត​អាច​នឹង​កើតមានឡើង​" ។ លោក​ធី​ម​មឺ​បាន​និយាយ​នៅក្នុង​ស​ន្និសិទ​កាសែត​មួយ​ស្តីពី​របាយការណ៍​ព្យាករណ៍​ពី​សេដ្ឋកិច្ច​សកលលោក​រៀង​រាល់​ពីរ​ឆ្នាំ​ម្តង​របស់​ធនាគារពិភពលោក​ថា ប្រសិនបើ​ប្រទេស​អ្នកមាន​នៅតែ​បន្ត​មាន​កំណើន​សេដ្ឋ​យឺតយ៉ាវ នោះ​ប្រទេស​កំពុងអភិវឌ្ឍន៍​នៅតែមាន​លទ្ធភាព​បង្ហាញ​នូវ​អត្រាកំណើន​ដ៏​រឹងមាំ​ដដែល ។ "​ក្នុងករណី​មាន​វិបត្តិ​ហិរញ្ញវត្ថុ​ធ្ងន់ធ្ងរ គ្មាន​ប្រទេស​កំពុងអភិវឌ្ឍន៍​ណាមួយ​អាច​ចៀសផុត​នោះឡើយ​" ។​

​យោងតាម​របាយការណ៍​របស់​ធនាគារពិភពលោក កំណើន​នៅក្នុង​បណ្តា​ប្រទេស​កំពុងអភិវឌ្ឍន៍​ត្រូវបាន​គេ​រំពឹងថា​មាន​ល្បឿន​យឺត​គឺ​មក​នៅត្រឹម ៥,៣ ភាគរយ​ក្នុង​ឆ្នាំ ២០១២ ដែលជា​អត្រា​ខ្សោយ​បំផុត​ក្នុង​រយៈពេល​មួយ​ទសវត្សរ៍​មកនេះ ហើយ​បន្ទាប់មក​កើនឡើង​បន្តិចបន្តួច​នៅក្នុង​ឆ្នាំ ២០១៣-២០១៤ ។​

​អត្រាកំណើន​សេដ្ឋកិច្ច​ស​កល​លោក​ក្នុង​ឆ្នាំ ២០១២ ប្រហែល​ជាមាន​ពីរ​ភាគរយ​ទាប​ជាង​ក្នុង​ឆ្នាំ ២០១០ និង​ជា​កំណើន​យឺតយ៉ាវ​បំផុត​ក្នុង​រយៈពេល ១០ ឆ្នាំ​ចុងក្រោយ​ដោយ​មិន​រាប់បញ្ចូល​ការធ្លាក់ចុះ​សេដ្ឋកិច្ច​សកលលោក​ក្នុង​ឆ្នាំ ២០០៩ នោះទេ ។ ឆ្នាំមុន​ល្បឿន​សេដ្ឋកិច្ចពិភពលោក​មាន​កំណើន ២,៧ ភាគរយ ។​

​សហរដ្ឋអាមេរិក​ដែលជា​ប្រទេស​មហាអំណាច​សេដ្ឋកិច្ច​របស់​ពិភពលោក​អាច​នឹងមាន​កំណើនសេដ្ឋកិច្ច​ត្រឹមតែ ២,១ ​ភាគរយ ចំណែក​ជប៉ុន​ប្រហែល​ជាមាន​កំណើន ២,៤ ភាគរយ ហើយ​ចិន​ត្រូវបាន​គេ​ព្យាករណ៍​ថា​មាន​កំណើន​យឺត​ប៉ុណ្ណោះ​គឺ​មក​នៅត្រឹម ៨,២ ភាគរយ​ពី​ចំនួន ៨,៤ ភាគរយ​ដែល​គេ​ព្យាករណ៍​ឃើញ​ក្នុង​ខែមករា ៕

ដំណឹងអន្តរជាតិផ្សេងទៀត

ចិន​កំពុង​ខ្វាយខ្វល់​ព្រោះ​ខ្លាច​ស្រុត​កំពូលភ្នំ ធ្លាយ​ចេញ​សារធាតុ​វិទ្យុសកម្ម​នៅ​កន្លែង​ដែល​កូរ៉េខាងជើង​សាកល្បង H-boms ថ្មីៗ​នេះ​ (ថ្ងៃទី 5 កញ្ញា 2017)

ម្ចាស់​ក្ស​ត្រី Kate ប្រកាស​ជា​ផ្លូវការ​ថា មានគភ៌​លើក​ទី ៣ ហើយ​កំពុង​វេទនា​ព្រោះ​...​ចាញ់កូន​ (ថ្ងៃទី 5 កញ្ញា 2017)

អាមេរិក​បោះបង់ចោល​ក​ម្ម​វិធី​ការពារ​ក្មេង​វ័យ​ជំទង់​ដែល​ធ្វើ​អន្តោប្រវេសន៍​ខុសច្បាប់​ (ថ្ងៃទី 5 កញ្ញា 2017)

ប្រធានាធិបតី​អាមេរិក Donald Trumps លើក​បេក្ខភាព មេដឹកនាំ​ស្ថាប័ន NASA ថ្មី​ (ថ្ងៃទី 5 កញ្ញា 2017)

​សហរដ្ឋអាមេរិក ជំរុញឱ្យមាន​ការដាក់​ទណ្ឌកម្ម ខ្លាំង​បំផុត​ដោយ អង្គការសហប្រជាជាតិ ប្រ​ឆាំ​កូរ៉េខាងជើង​ (ថ្ងៃទី 5 កញ្ញា 2017)

កូរ៉េខាងជើង​អាច​ត្រៀម​សាកល្បង​កាំជ្រួច​អន្តរ​ទី្វ​ប​ (ថ្ងៃទី 4 កញ្ញា 2017)

រន្ទះបាញ់​ចំ​ស្រមោល​សរ​តន្ត្រី​១​នៅ​បារាំង​ (ថ្ងៃទី 4 កញ្ញា 2017)

​អាមេរិក ព្រមាន​ថា​នឹង​ចាត់វិធានការ​ឆ្លើ​ប​តប បើ​កូរ៉េខាងជើង គំរាមកំហែង​អាមេរិក និង​សម្ព័ន្ធមិត្ត​ (ថ្ងៃទី 4 កញ្ញា 2017)

អាល្លឺម៉ង់ ជម្លៀស​មនុស្ស ៦០.០០០ នាក់ ដើម្បី​ដោះ​គីប​ប​ន្ទុះ​នៃ​គ្រាប់បែក​បន្សល់ទុក​ពី​សម័យ​សង្គ្រាមលោកលើកទី ២ (ថ្ងៃទី 4 កញ្ញា 2017)

​កងទ័ព​កូរ៉េខាងត្បូង ធ្វើ​សមយុទ្ធ​បាញ់​គ្រាប់​ពិត មី​ស៊ី​ល បន្ទាប់ពី​កូរ៉េខាងជើង សាកល្បង​នុយក្លេអ៊ែរ​ (ថ្ងៃទី 4 កញ្ញា 2017)