លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្តិ​យស​ក្នុង​ទីក្រុង Oxford ដែល​លោកស្រី​ហៅថា​ផ្ទះ​របស់ខ្លួន​ | CEN: World News
Cen-logo

ដំណឹងអន្តរជាតិ

លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្តិ​យស​ក្នុង​ទីក្រុង Oxford ដែល​លោកស្រី​ហៅថា​ផ្ទះ​របស់ខ្លួន​

ថ្ងៃទី 21 មិថុនា 2012, 09:38:AM

Give our kids a better deal
លោកស្រី​ស៊ូ​ជី​ត្រូវបាន​ប្រគល់​ស​ញ្ញ​ប័ត្រ​បណ្ឌិត​កិ​ត្ត​យស​ក្នុង​ទីក្រុង Oxford

 
​លោកស្រី​អ៊ុង សាន​ស៊ូ​ជី បាន​និយាយថា លោកស្រី​មាន​សេចក្តីរំភើប​រីករាយ​ខ្លាំងណាស់​កាលពី​ថ្ងៃ​ពុធ​ខណៈដែល​លោកស្រី​ត្រូវ​បានប្រគល់​សញ្ញាប័ត្រ​ប​ណ្ឌិ​ត​កិត្តិយស​ដោយ​សាកលវិទ្យាល័យ Oxford នៅក្នុង​ទីក្រុង Oxford ជាទី​ដែល​លោកស្រី​បាន​សិក្សា និង មើលថែ​គ្រួសារ​ដែល​ក្រោយមក​លោកស្រី​បាន​ទុក​ពួកគេ​ឲ្យ​នៅឯ​កា ។​

​មេដឹកនាំ​ប្រជាធិបតេយ្យ​ភូមា​រូបនេះ​ក៏បាន​អំពាវនាវ​ឲ្យ​សាកលវិទ្យាល័យ​ដ៏​មាន​កិត្យានុភាព​មួយ​នេះ​ជួយ​អប់រំ​និស្សិត​ជំនាន់​ក្រោយៗ​ដែល​អាចដឹកនាំ​ប្រទេស​នៅ​អាស៊ីអាគ្នេយ៍​មួយ​នេះ​ពី​ការគ្រប់គ្រង​ដោយ​យោធា​មកកាន់​លទ្ធិប្រជាធិបតេយ្យ ។​

​លោកស្រី​ស៊ូ​ជី​អាយុ ៦៧ ឆ្នាំ បាន​ថ្លែង​បន្ទាប់ពី​លោកស្រី​ត្រូវ​បានប្រគល់​សញ្ញាប័ត្រ​ប​ណ្ឌិ​ត​កិត្តិយស​ជំនាញ​ច្បាប់រដ្ឋប្បវេណី​នៅក្នុង​សាល Sheldonian Theatre ដែល​សង់​ក្នុង​សតវត្សរ៍​ទី ១៧ របស់​សាកលវិទ្យាល័យ Oxford ថា "​ថ្ងៃនេះ​ខ្ញុំ​ពិត​ជាមាន​សេចក្តីរំភើប​រីករាយ​យ៉ាងខ្លាំង ។ អំឡុង​ឆ្នាំ​ដ៏​លំបាក​ទាំងនោះ​ខ្ញុំ​បាន​ចំណាយពេល​ក្រោម​ការជាប់​ឃុំ​ក្នុងផ្ទះ ខ្ញុំ​នឹក​ដល់​អនុស្សាវរីយ៍​រប​ស់​ខ្ញុំ​នៅ​ទីក្រុង Oxford ។ ពួកគេ​បាន​ជួយ​ខ្ញុំ​ឲ្យ​ចេះ​ប្រឈម​បញ្ហា​ដែល​ខ្ញុំ​បាន​ជួបប្រទះ​" ។​

​ស្លៀក​ពាក់អាវ​ប្រពៃណី​បុរាណ​ក្រោម​រ៉ូ​ប​សម្លៀកបំពាក់​ទទួល​ស​ញ្ញា​ប័ត្រ​ពណ៌​ក្រហមឆ្អិនឆ្អៅ រួមជាមួយ​ផ្កា​សៀត​ក្នុង​សក់​ក្រោម​មួក​កាំ​ម្ញី​ពណ៌​ខ្មៅ លោកស្រី​ស៊ូ​ជី​ញញឹម​យ៉ាង​ស្រស់​ខណៈដែល​លោកស្រី​បានទទួល​សន្លឹក​សញ្ញាប័ត្រ​ពី​សាកលវិទ្យាធិការ លោក​គ្រី​ស ផា​ថិ​ន ដែលជា​អតីត​អភិបាលក្រុង​ហុងកុង ។​

​បន្ទាប់ពី​ការ​ថ្លែង​របស់លោក​ស្រី​រួច លោកស្រី​ត្រូវបាន​ទះដៃ​អបអរសាទរ​យ៉ាង​ជ្រាលជ្រៅ​ពី​សំណាក់​ទស្សនិកជន​ជា​សាស្ត្រាចារ្យ និង និស្សិត​ជាង ១០០០ នាក់​មកពី​សាកលវិទ្យាល័យ Oxford ជាទី​ដែល​លោកស្រី​ធ្លាប់​សិក្សា​នយោបាយ ទស្សន​វិទ្យា និង សេដ្ឋសាស្ត្រ​នៅ​ពាក់កណ្តាល​ទសវត្សរ៍ ១៩៦០ ៕

ដំណឹងអន្តរជាតិផ្សេងទៀត

កូរ៉េខាងជើង បាន​បាញ់​សាកល្បង​មី​ស៊ី​ល​ឆ្លង​ទ្វីប កាលពី​ព្រឹក​ថ្ងៃ​សៅរ៍​នេះ​ (ថ្ងៃទី 29 មេសា 2017)

អាមេរិក​បើក​ឲ្យ​មាន​ការចរចា ជាមួយ​កូរ៉េខាងជើង តែ​នឹងមាន​វិធានការ​យោធា​ប្រសិនជា​ចាំបាច់​ (ថ្ងៃទី 29 មេសា 2017)

​អាមេរិក ទារលុយ​កូរ៉េខាងត្បូង ថ្លៃ​តំឡើង​ខែល​ការពារ​មី​ស៊ី​ល THAAD (ថ្ងៃទី 28 មេសា 2017)

​ប្តី​ប្រពន្ធ​ចំណាស់​មួយគូ ស្លាប់​ជាមួយគ្នា កាន់​ដៃ​គ្នា​ជាប់​ (ថ្ងៃទី 28 មេសា 2017)

​ដូ​ណា​ល់ ត្រាំ សរសើរ​ចិន ដែលមាន​ដំណោះស្រាយ ទប់​ទល់នឹង​កូរ៉េខាងជើង​ (ថ្ងៃទី 28 មេសា 2017)

​កូរ៉េខាងជើង ស្វែងរក​ការគាំទ្រ ពី​អាស៊ាន នៅក្នុង​ជម្លោះ ជាមួយ​អាមេរិក​ (ថ្ងៃទី 28 មេសា 2017)

​ចិន​បញ្ចេញ​វីដេអូ អំពី​នាវាមុជទឹក បំពាក់​ដោយ​មី​ស៊ី​ល​ឆ្លង​ទ្វីប (ថ្ងៃទី 27 មេសា 2017)

​កូរ៉េខាងជើង ថា​ខ្លួន​នឹងមិន​បញ្ឈប់​ការបាញ់សាកល្បង​នុយក្លេអ៊ែរ​ឡើយ​ (ថ្ងៃទី 27 មេសា 2017)

​អាមេរិក ប្តេជ្ញា​បង្កើន​ការដាក់ទណ្ឌកម្ម ដើម្បី​បង្ខំ​កូរ៉េខាងជើង ឱ្យ​ត្រឡប់​មករក តុ​ចរចា​នុយក្លេអ៊ែរ​វិញ​ (ថ្ងៃទី 27 មេសា 2017)

​អាមេរិក ចាប់ផ្តើម​តំឡើង​ខែល ការពារ​មី​ស៊ី​ល THAAD នៅ​កូរ៉េខាងត្បូង​ (ថ្ងៃទី 27 មេសា 2017)